1 Samuel 24:11 - Qheshwa Biblia DC

¹¹ Qhawariy reyníy, makiypi jap'ishasqayta: Qampa qhatakunayki p'achamanta uj chhikanta llik'isusqayta, munaspaqa wañuchiykiman karqa. Kaywan qanqa umachakuy, reyníy, noqaqa mana ima sajratapis ruwasuyta yuyasqayta, nitaj wasanchasusqaytapis, nitaj imatapis contraykipi juchallerqanichu. Chaywampis, reyníy, qan mask'awanki wañuchinawaykipaj.

DIOSPA QHELQACHISQAN DEUTEROCANONICAL

¹¹ 11 (12) Qhawariy tatáy, ponchoykimanta uj chhikanta k'utusqayta makiypi jap'ishani. Munaspaqa, qanta wañuchiykiman karqa. Kaywan qanqa umachakuy, wiraqochíy, noqaqa mana ima sajratapis ruwasuyta yuyasqayta, nitaj wasanchasusqaytapis, nillataj contraykipi juchallerqanichu. Chaywanpis qanqa wañuchinawaykipaj mask'awanki.

DIOSPA QHELQACHISQ

¹¹ 11 (12) Qhawariy tatáy, ponchoykimanta uj chhikanta k'utusqayta makiypi jap'ishani. Munaspaqa, qanta wañuchiykiman karqa. Kaywan qanqa umachakuy, wiraqochíy, noqaqa mana ima sajratapis ruwasuyta yuyasqayta, nitaj wasanchasusqaytapis, nillataj contraykipi juchallerqanichu. Chaywanpis qanqa wañuchinawaykipaj mask'awanki.

1 Samuel 24:11 ပူးပေါင်းရင်းမြစ်များ

2 Samuel 1:14

Davidtaj sinch'iwan chay runaman nerqa: Imaraykutaj mana manchachikorqankichu Señorpa ajllasqampa contrampi makiykita oqhariytarí? nispa.

2 Reyes 5:13

Kamachisnintaj payman chimpasqa nerqanku: Wiraqochíy, tatáy, sichus profetaqa uj jatun imata ruwanaykita nisunkiman chayqa, manachu ruwawaj? Ima astawantaj kasqa, mayllakamuy, llimphutaj kanki nisusqanri?, nispa.

Job 10:16

Sichus umayta oqharini chayqa, qanqa león jina jap'iwankipacha, noqapitaj t'ukuna imasta ruwanki chinkachinawaykirayku.

Salmos 119:161

Atiyniyoj runas qhasillamanta qhatiykachawanku, sonqoyrí parlasqaykita allinta waqaychan.

Salmos 140:11

Ch'ichi simeqa ama kay pachapi sayachunchu, runa maqajtaqa mana allin qhatirichun, chinkarichuntaj.

Salmos 35:7

Mana imallamanta tojllata churawarqanku. Mana imallamanta uj jusk'uta allarqanku chaypi urmanaypaj.

Salmos 59:3

Atiyniyoj runasqa tantaykukunku, wateqallawankupunitaj wañuchiwayta munaspa.

Salmos 7:5

Sajra runatatajchus pakarqani chayqa, enemigoy mask'awachun, pampatataj qhatatawachun, sutiytataj tukuynejpi ch'ichichachun.

Proverbios 15:1

K'achamanta kuticheyqa phiñakuyta thasnun; mana allin palabraswan kuticheyqa astawan phiñarichin.

Lamentaciones 4:18

Purisqaykuta sumajta qhawawarqayku, chaynejta callestapis mana purerqaykuchu. Qayllamunña noqaykoj tukukunaykoqa. P'unchayniykoqa junt'akapun. Chayamunña tukukapunaykoqa!

Ezequiel 13:18

Niy paykunaman: Señorqa kay jinata nin: Ay qankunamanta, runasta mask'aspa purejkuna, layqanapaj uma suk'unasta sirajkuna tukuy runa makinwan churakunampaj, uma mayt'unasta ruwajkuna, juch'uykuna, paya warmispis churakunankupaj. Ajinata runasta jap'inkichej. Yuyankichejchu aylluypi atinaykichejta, runasta kausachiyta wañuchiytataj munayniykichejman jina?

Miqueas 7:2

Kay pachapi manaña kanchu cheqan runas nitaj Diosman sinch'ita sayaj kajkunapis; tukuy suyashanku wañuchillaytaña, chay hora chayamunallanta ruwanankupaj; ujkuna ujkunataj misk'achinakunku.

San Juan 15:25

Kayqa ajina, leyninkupi escribisqa kashan chay palabra junt'akunampaj: Mana kajmanta chejniwanku.

1 Samuel 12:3

Kunanqa kaypi qankunawan kashani: Sichus pejpa bueyesninta, chayri burrontapis jap'ikaporqani, chayri pitapis tumparqani, chayri llakicherqani, chayri piwampis lluk'iykuchikuspa t'inkata jap'erqani chayqa, kunampacha Señorpa ñaupaqempi juchachawachun, ajllasqan chay reypa ñaupaqempipis niwaychej, noqataj mashkhachus qonay kasqanta qopusqaykichej.

1 Samuel 18:27

Davidqa runasninta pusariykukuspa iskay pachaj filisteosta wañurachimorqa, Chanta chay runaspa phichilusninkoj puntampa qarasninta reyman aparqa, jaywarqataj tolqan kanampaj. Chaypacha Saulqa wawan Micalta Davidman qorqa warmin kanampaj.

1 Samuel 23:14

Ajinamanta Davidqa Zif ch'in pampaj pakakunasniyoj orqosnimpi tiyakorqa. Saultaj tukuy p'unchaypi mask'allarqapuni. Chaywampis Diosqa mana munarqachu makisninman urmananta.

1 Samuel 23:23

Sumajta qhawankichej tukuy pakakunan jusk'usta, chaymantataj allinta yachasparaj jamuwankichej, chantataj noqa qankunawan risaj. Chaynejpipuni kashanman chayri, noqa mask'asaj tukuynin ayllumanta ayllu Judá jallp'api.

1 Samuel 25:28

Kay kamachiyki warmej juchasninta perdonanaykita mañakuyki. Cheqamanta qantaqa Señor, jinataj mirayniykitapis jatun tiyanaykipi sayachichun, Señorpa sutimpi maqanakushasqaykirayku. Tukuy kausayniykipeqa ama ima sajrapis qhatirisuchunchu.

1 Samuel 26:18

Reyníy, imapajtaj noqa kamachiykita qhatiykachawankiri? Imatataj ruwarqaniri? Ima sajratataj ruwarqaniri?

1 Samuel 26:20

Noqaqa mana munaymanchu Señormanta karupi wañuchisqa kaytaqa. Qan Israelpa reynenqa mask'awaj llojsinki uj pikita jina, montesnejtataj uj yuthutapis qhatiykachashawaj jina.

1 Samuel 26:23

Señortaj qopuchun sapa ujman maychus cheqa kayninman, jinataj sonqoyoj kasqanman jina. Señorqa makisniyman qan reyniytaqa churawarqapis, manataj munarqanichu Señorpa ajllasqan reyta ima sajratapis ruwaytaqa.