1 Samuel 20:8 - Qheshwa Biblia DC

⁸ Ajinaqa khuyaspa yanapaway kamachiyki kasqayrayku, Señorpa ñaupaqempi noqawan qanwan tratota ruwasqanchejrayku. Noqajtapuni juchay kashan chayri, qan kikiyki wañuchiway. Jinamanta tataykimanta manaña apawankichu.

DIOSPA QHELQACHISQAN DEUTEROCANONICAL

⁸ Ajinaqa khuyaspa yanapaway kamachiyki kasqayrayku, Tata Diospa ñawpaqenpi noqawan qanwan tratota ruwasqanchejrayku. Noqajtapunichus juchay kashan chayrí, qan kikiyki wañuchiway. Ama tataykimanrajchu apaway, nispa.

DIOSPA QHELQACHISQ

⁸ Ajinaqa khuyaspa yanapaway kamachiyki kasqayrayku, Tata Diospa ñawpaqenpi noqawan qanwan tratota ruwasqanchejrayku. Noqajtapunichus juchay kashan chayrí, qan kikiyki wañuchiway. Ama tataykimanrajchu apaway, nispa.

1 Samuel 20:8 ပူးပေါင်းရင်းမြစ်များ

Génesis 24:49

Kunanqa qankuna niwaychej ari sut'inta jina kasqanta. Sichus qankuna patronniymanta cheqamanta khuyakunkichej chayqa, manachayri sut'inta niwaychej pañamampis lloq'emampis rinaypaj.

Génesis 47:29

Uj día Israelqa wañupoj jina kaspa, José wawanta wajyachimorqa ninampaj: Sichus qan cheqamanta noqata khuyayta munawanki chayqa, makiykita ukhuyman churaspa juray ari, imatachus nisusqayta ruwanaykipaj. Qanqa wawáy, ama ari kay Egiptopi p'ampawankichu.

2 Samuel 14:32

Absalontaj kuticherqa: Wajyachimorqayki kayman jamunaykita reypaman kachasunaypaj, nimunaykipaj imapajchus Gesur llajtamanta kutichimuwasqanta, noqamantaqa aswan walej kanman karqa chayllapi qhepakunay. Kunanqa reywan tinkuyta munani, sichus imapi juchayoj kayman chayqa, wañuchiwachun, nispa.

1 Crónicas 12:17

Davidtaj paykunaman tinkoj rerqa: Noqaman jamushankichej allin kaypi yanapanawaykichejpaj chayqa, tukuy sonqowan munasaj ujchakunawaykichejta, sitajchus wasanchanawaykichejpaj, enemigosniymantaj jaywanawaykichejpaj jamunkichej chayqa, mana ima juchayoj kashajtiy; jina kanman chayqa ñaupa tatasninchejpa Diosnin chayta rikuspa qankunata jasut'ichun.

Salmos 116:11

Mana imanayta atispa, nillarqaniña, tukuy runasqa llullas kanku, nispa.

Proverbios 3:3

Munakuymanta, cheqa kajmantawanqa ama jayk'ajpis t'aqakunkichu; qanqa chaykunata apaykachay uj walqapis kanman jinata, sonqoykipitaj sumaj qelqasqa kachun;

Hechos 25:11

Chayrayku, ima juchatachus wañunaypaj jina ruwayman karqa chayqa, mana manchachikunichu wañuyta. Tumpawasqanku mana jina kajtenqa, ni pi atinmanchu jap'ichiwayta. Chaypajwanqa, jatun kamachej uyariwachun.

Josué 2:14

Paykunataj kuticherqanku: Kausayniykuta qosqayku qankunaj kausayniykichejta salvanaykupaj, qantaj amapuni pimampis willaychu kay jamusqaykumanta. Maypachachus Señor kay jallp'ata qowasqayku chayqa, noqayku yachasqayku qanta allinta qhawayta, tukuy khuyakuyniykuwan.

Josué 22:22

Tukuy dioskunaj Diosnin Señor yachan, mana Señorpa contrampichu, nitaj paymanta t'aqakunaykuraykuchu kay altarta ruwasqaykuta. Pay yachan imaynachus kasqaykuta, qankunamampis yachachisunkichej. Sichus Señorpa contranta, paymanta t'aqakunaykurayku chay imasta ruwayku chayqa, kunampacha wañurachiwayku.

Rut 1:8

Ñampitaj nerqa paykunata: Ripuychej, kutipuychej wasiykichejman mamaykichejpaman. Señor qankunamanta khuyakuchumpuni, imaynatachus qankunapis noqamanta wawasniymantapis khuyakorqankichej jinata.

1 Samuel 18:1

David Saulwan parlayta tukusqantawan Jonatanqa Davidwan may sumaj kausaqen ruwakorqa. Chayrayku Davidta pay kikinta jinapuni munakorqa.

1 Samuel 18:3

Jonatanwan Davidwanqa uj tratota ruwarqanku, Jonatán Davidta pay kikinta jina munakusqanrayku.

1 Samuel 20:16

Ajinamanta Jonatanqa Davidwan tratota ruwarqa.

1 Samuel 20:9

Jonatantaj payman kuticherqa: Ama chaytaqa yuyallaypischu! Tatay wañuchiytapuni munasusqanta yachasaj chayqa, willasqayki.

1 Samuel 23:18

Chaypacha iskayninku uj tratota ruwarqanku, Señortataj testigopaj churakorqanku. Chaymanta Jonatanqa wasinman kutiporqa. Davidtaj Horespi qhepakaporqa.