1 Samuel 20:5 - Qheshwa Biblia DC

⁵ Davidtaj kuticherqa: Q'aya p'unchayqa mosoj killa fiesta kanqa, chaypitaj reywan khuska tiyaykuspa mikhunay kashan. Qanqa saqeway campoman rispa, minchha tardekama pakakamunayta.

DIOSPA QHELQACHISQAN DEUTEROCANONICAL

⁵ Davidtaj Jonatanman kuticherqa: Q'aya p'unchayqa mosoj killa raymi kanqa, noqataj kuraj kamachejwan khuska mikhunay kashan. Ama jinachu kay, saqeriway ch'inman rispa, minchha tardekama pakakamunayta.

DIOSPA QHELQACHISQ

⁵ Davidtaj Jonatanman kuticherqa: Q'aya p'unchayqa mosoj killa raymi kanqa, noqataj kuraj kamachejwan khuska mikhunay kashan. Ama jinachu kay, saqeriway ch'inman rispa, minchha tardekama pakakamunayta.

1 Samuel 20:5 ပူးပေါင်းရင်းမြစ်များ

2 Reyes 4:23

Qosantaj payman nerqa: Imapaj kunan riwajri? Mana killa rikhuriychu, nitaj samakuna p'unchaychu, nispa. Paytaj nerqa: Qanqa sonqo tiyasqalla kakuy.

Salmos 55:12

Mana enemigoychu toreawan; chaytaqa aguantayta atiyman. Nitaj chejnikuwajpis contraypi oqharikunchu, paymantaqa atiyman pakakuyta.

Salmos 81:3

Putututa waqachiychej mosoj killa chayamojtin, jinallatajpura kajtimpis, chay diaqa jatun p'unchayninchej.

Proverbios 22:3

Yuyayniyojqa imachus sajra kajta rikun, manataj chimpanchu; mana yuyayniyojrí sajraman chimpaykun, chantaqa ñak'arin.

Amós 8:5

Qankuna ninkichej: Mayk'ajllañataj mosoj killa fiesta chayamonqa chay qhepata trigota vendenanchejpajri? Mayk'ajllañataj samakuna p'unchay chayamonqa chay qhepata trigota ashkhapi, pisitataj, chanta mana allin pesaspitaj vendenanchejpajri?

Números 10:10

Maypachachus kusikunaykichej kajtimpis cornetasta kusiywan waqachinkichej, mosoj killapi fiestata ruwaspa, Señorman ruphachisqa rikuchikusta jaywashaspa, allinyakuy rikuchikusta ima jaywashaspa. Ajinata qankunamanta yuyarikusqaykichej. Noqamin Señor Diosniykichejqa kani.

Números 28:11

Killaj qallarikuynin p'unchaypi sumaj q'apashajta q'olachispa Señorman jaywankichej iskay waka uñasta, uj carnerota, uj watayoj qanchis corderostawan sumachajnin kajta mana iman imanasqasta.

San Juan 8:59

Chaypacha judíos, rumista oqharikorqanku Jesusta ch'anqanankupaj. Jesustaj paykunaj ñawisninkumanta pakakorqa; templomantataj llojsiporqa.

Hechos 17:14

Chay kikimpachataj hermanosqa Pablota kacharpayarqanku, qochaj cantonman rinampaj. Silaswan Timoteowantaj Bereapi qhepakorqanku.

Colosenses 2:16

Chayrayku ama pipis qankunata juchachasuchunchu mikhunamanta, ujyanamanta, chayri wata fiestamanta, killa fiestamanta, samarina p'unchaymanta ima.

1 Samuel 20:18

Jonatanqa nillarqataj: Q'ayaqa mosoj killa fiesta kanqa qampa tiyanayki ch'usajlla kajtin qanmanta watusonqanku.

1 Samuel 20:19

Kinsa kaj diapiraj astawan watukusonqanku. Chayrayku ripuy chay ñaupaj kutipi maypichus pakakamorqanki chayman. Jaqay Ezel rumi kashan chay wasaman pakaykakamuy.

1 Samuel 20:24

Davidqa campopi pakakamorqa. Killa qallarikuy fiesta chayamojtintaj, chaypacha reyqa tiyaykukorqa mesaman mikhunampaj.

1 Samuel 20:27

Q'ayantin p'unchaypis chay fiestapi Davidpa tiyananqa ch'usajllapuni kasharqa. Chaypacha Saulqa wawan Jonatanta taporqa: Imaraykutaj Isaejpa wawan Davidqa mana qayna mikhoj jamunchu, nitaj kunampisri?

1 Samuel 20:4

Chaypacha Jonatán taporqa: Imatataj qanrayku ruwanayta munankiri?, nispa.

1 Samuel 20:6

Tatayki noqamanta watukojtenqa, ninki: Mañarikuwarqa saqenayta Belén llajtaman usqhayllata rinampaj, chaypi tukuy ayllun wata rikuchikuta jaywananku kasqanrayku, nispa.