1 Samuel 20:3 - Qheshwa Biblia DC

³ Davidqa ujtawan nerqa: Tataykeqa sumajta yachan, qan maytapuni noqata munakuwasqaykita, payqa mana munanqachu kayta yachanaykita ama llakikunaykipaj. Señorpa sutinrayku qanrayku jurani, wañuy patapi kashasqayta!

DIOSPA QHELQACHISQAN DEUTEROCANONICAL

³ Davidtajrí nillarqapuni: Tataykeqa yachan qanwan noqawan sumajta kawsakusqanchejta. Chayrayku mana willasunkichu ama qan llakikunaykipaj. Tata Diospa sutinrayku, qanpa sutiykiraykupis tiluni wañuy patapi kashasqayta, nispa.

DIOSPA QHELQACHISQ

³ Davidtajrí nillarqapuni: Tataykeqa yachan qanwan noqawan sumajta kawsakusqanchejta. Chayrayku mana willasunkichu ama qan llakikunaykipaj. Tata Diospa sutinrayku, qanpa sutiykiraykupis tiluni wañuy patapi kashasqayta, nispa.

1 Samuel 20:3 ပူးပေါင်းရင်းမြစ်များ

2 Samuel 15:21

Itaitaj reyman kuticherqa: Señorpa sutimpi, qampa sutiykipiwan jurani, mayllamampis qan, reyníy, rejtiykeqa, chaypipuni kanqa kamachiykeqa wañunapajpis kausanapajpis.

2 Reyes 2:2

Eliastaj, Eliseota nerqa: Kunanqa kaypi qhepakuy, imaraykuchus Señorqa Betelman kachashawan. Eliseotaj nerqa: Señorpa sutimpi, qampa sutiykipiwan jurani, mana sapaykita rejta saqesqaykichu, nispa. Chantaqa iskayninku Betelman uraykorqanku.

2 Reyes 2:4

Ujtawan Eliasqa Eliseota nillarqataj: Eliseo, kaypi kunanqa qhepakuy, Señorqa Jericoman kachashawan, nispa. Paytaj nerqa: Señorpa sutimpi, qampa sutiykipiwan jurani, mana sapaykita rejta saqesqaykichu, nispa. Chanta iskayninkutaj Jericoman jamorqanku.

2 Reyes 2:6

Eliasqa nillarqataj: Kunanqa mañakuyki kaypi qhepakunaykita, Señorqa Jordanman kachashawan, nispa. Paytaj nerqa: Señorpa sutimpi, qampa sutiykipiwan jurani, mana sapaykita rejta saqesqaykichu, nispa. Iskayninkutaj rerqanku.

Salmos 116:3

Wañoyqa lazosninwan ch'ipaykuwan, wañuy llakiy taripawan. Ujllata mancharisqa llakisqataj rikhurini.

Jeremías 38:16

Chanta rey Sedequiasqa pakayllapi uj juramentota Jeremiaswan ruwarqa: Pichus kausayta qowanchej chay Señorpa sutimpi jurayki wañuchinasunkuta mana saqesajchu, nitaj wañuchisuyta munajkunaj makinmampis jaywaykusqaykichu.

Deuteronomio 28:66

Wañuy patapi jinalla kausankichej tutapis p'unchaypis manchachikuspa. Mayk'ajpis atillankichej wañuyta.

Deuteronomio 6:13

Señor Diosniykichejta manchachikuychej. Pay sapallanta yupaychaychej. Juraspapis Señorpa sutillanta oqhariychej.

Hebreos 6:16

Runasqa astawan kurajninkoj sutimpi juranku; juramentota oqharejtinkutaj tukuy ima churanaku tukukapun.

1 Samuel 1:26

Chaypitaj Anaqa payta nerqa: Uyariway Señorníy, noqa kani chay warmi, qayllaykipi Señormanta mañakusharqani chay.

1 Samuel 17:55

Chay filisteowan Davidwan maqanakoj rishajtin Saulqa Abnerta soldadospa kuraj kamachejnin tapukorqa: Abner niway, pitaj jaqay waynaj tatanri?, nispa.

1 Samuel 20:2

Jonatantaj kuticherqa: Mana imaynamantapis jinachu kanqa, qanqa mana wañunkichu! Yachanayki tiyan, tatayqa mana imatapis ruwanchu, juch'uypis kachun, chayri jatumpis kachun mana noqaman willawaspaqa. Imaraykutaj tatayqa kayta pakawanmanri? Kayqa mana jinachu kanqa.

1 Samuel 20:4

Chaypacha Jonatán taporqa: Imatataj qanrayku ruwanayta munankiri?, nispa.

1 Samuel 25:26

Chaywampis cheqamanta Señorqa mana munarqachu qan wañurachej jamunaykita, makiykiwan aynita kutichinaykita! Señor munachun tukuy qampa enemigosniykita, sajrawan rikusuyta munajkunatapis, Nabalta, jinataj ima sajrapis qhatirichun.

1 Samuel 27:1

Chaywampis Davidqa sonqompi nerqa: Mayk'ajpis Saulqa atin wañuchiwayta. Chayrayku, noqapajqa aswan allin kawanman filisteospa jallp'anman ayqekunay. Jinamanta Saulqa saqewanqa, amaña tukuy Israel jallp'api mask'anawampaj, jinamanta Saulpa makinmanta llusp'isaj, nispa.