1 Samuel 19:5 - Qheshwa Biblia DC

⁵ Payqa wañuyta mana manchachikuspa filisteosta wañucherqa, jinamanta Señorqa paynejta tukuy israelitasman jatun atipayta qorqa, chaytaqa rikorqanki kusikorqankitaj. Imaraykutaj qan uj mana juchayoj runata wañuchiyta munankiri, Davidta mana imallamanta wañuchiyta munaspari?

DIOSPA QHELQACHISQAN DEUTEROCANONICAL

⁵ Payqa wañuyta mana manchachikuspa, chay jatunkaray filisteota wañucherqa. Chay jinamanta Tata Diosqa tukuy israelitakuna filisteokunata atipananchejpaj yanapawarqanchej. Chayta rikuspa, mayta kusikorqanki. Chantá, imaraykutaj kunan mana juchayoj Davidta wañuchiyta munashankiri? nispa.

DIOSPA QHELQACHISQ

⁵ Payqa wañuyta mana manchachikuspa, chay jatunkaray filisteota wañucherqa. Chay jinamanta Tata Diosqa tukuy israelitakuna filisteokunata atipananchejpaj yanapawarqanchej. Chayta rikuspa, mayta kusikorqanki. Chantá, imaraykutaj kunan mana juchayoj Davidta wañuchiyta munashankiri? nispa.

1 Samuel 19:5 ပူးပေါင်းရင်းမြစ်များ

2 Samuel 23:10

Payqa mana iskayrayaspa maqanakullarqapuni, filisteostataj wañuracherqa makin sayk'unankama, makin espadanman k'askaykunankama. Chay diapi Señorqa uj jatun atipayta qorqa. Chaymantataj soldadosqa Eleazarta qhaterqanku chay enemigosninkoj imasninta jap'ikapunankupaj.

1 Crónicas 11:18

Chaypacha chay kinsantin wapu soldadosqa filisteospa jarankuman yaykuspa, Belenman yaykuna punkumanta uj ladopi kasharqa chay pozomanta yakuta orqhomuspa Davidman aparqanku. Davidtaj mana ujyarqachu, manachayqa Señorpaj nispa pampaman jich'arqa.

Salmos 109:5

Allin ruwasqaymanta sajra kajwan kutichiwanku, munakuyniymantaj chejnikuywan kutichiwanku.

Salmos 119:109

Wañoyqa qhatiykachallawampuni; chaywampis kamachiwasqasniykimanta mana qonqanichu.

Salmos 25:3

Qampi suyajqa mana ujpis p'enqaypi rikhurenqachu. P'enqaypi rikhurichunku contraykipi qhasimanta oqharikojkuna.

Salmos 69:4

Ashkha kanku qhasillamanta chejnikuwajkunaqa, umaypi chujchasniymantapis astawan. Yanqhallamanta chejnikuwaj runasqa, aswan atiyniyojman tukunku. Mañawankutaj mana suwasqayta qopunayta.

Salmos 94:21

Mana juchayoj runaj contrampi wakichikunku, wañuchinankupajtaj juchachanku.

Éxodo 14:13

Moisestaj paykunaman nerqa: Chaymantaqa ama mancharikuychejchu, sumajta sayaychej, rikunkichej Señor imatachus ruwanqa qankunata libranasuykichejpaj; imaraykuchus kunallanña egipciospa uyasninkuta rikushankichej, kaymanta qhepamanqa ni jayk'aj rikunkichejñachu.

Jeremías 26:15

Jinapis kaytaqa allinta yachaychej: Sichus wañuchiwankichejman chayqa, qankuna, chantá kay llajtapi tiyakojkuna ima juchachasqas kankichej, uj mana juchayojta wañuchisqaykichejrayku; imaraykuchus cheqamanta Señorpuni kachamuwarqa kay tukuy imasmanta sut'ita willanasuykichejpaj.

San Mateo 27:24

Pilatotaj, runasta mana atipayta aterqachu; astawanraj ch'ajwa jatarisharqa. Yakuta apachimuspataj, makisninta mayllakorqa, runakunaj ñaupaqempi, nispa: Mana noqaqa juchayojchu kani, kay cheqan runaj yawarninmanta; qankunallaña imatapis ruwaychej.

San Mateo 27:4

Nerqataj: Juchallini mana juchayojta wañuyman entregaspa. Paykunataj nerqanku: Ima ruwanayku tiyan chaywanri? Qan chaytaqa imanaypis.

San Juan 15:25

Kayqa ajina, leyninkupi escribisqa kashan chay palabra junt'akunampaj: Mana kajmanta chejniwanku.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

Filipenses 2:30

Wañusharqaña Cristoj ruwayninrayku, noqaraykutaj kausaynintaj churarqa. Wañuy patapiña karqa yanapanawampaj, imaraykuchus mana qankunaqa karupi kaspa yanapawayta aterqankichejchu.

Jueces 12:3

Qankuna yanapaj mana jamuwasqaykuta rikuspa, noqa kikiy maqanakupi ñak'ayta wañuymanta llusp'erqani amonitaswan maqanakuspa, Señortaj paykunata atipachiwarqa. Imaraykutaj qankunaqa noqawan maqanakoj jamuwankichejri?

Jueces 9:17

Tatayqa ñak'ayta wañuymanta ayqeqorqa, qankunata madianitaspa makisninmanta orqhosunaykichejrayku

1 Samuel 11:13

Saultaj nerqa: Kay p'unchaypeqa mana pipis wañonqachu, Señor Israel ayllunta salvasqanrayku.

1 Samuel 14:45

Israel ayllutaj Saulman kuticherqa: Imaraykutaj Jonatán wañunmanri, payqa israelitasman qorqa uj jatun atipachiyta! Mana chayqa jinachu kanqa. Señornejta jurayku mana uj chujchallampis pampaman uraykonqachu! Kunan ruwasqasqa Diospa yanapayninwan karqa. Chay jinamanta Israel aylloqa Jonatanta qhechorqa wañunan kashajtin.

1 Samuel 19:6

Saulqa wawan Jonatampa nisqasninta uyarispa, qhaparerqa: Señorpa sutinrayku jurani, Davidqa mana wañonqachu.

1 Samuel 20:32

Jonatantaj tatan Saulman kuticherqa: Imaraykutaj pay wañonqari? Imatataj pay ruwasqari?, nispa.

1 Samuel 22:14

Chaypacha Ahimelecqa reyman kuticherqa: Mayqentaj tukuy yanapajkunasniykimanta David jina cheqan runarí? Payqa tolqayki kampis, chay jawari soldadospa kuraj kamachejnin, palacioykipitaj sumaj runapaj qhawasqa.

1 Samuel 28:21

Chay warmitaj Saulta sinch'i mancharisqata rikuspa nerqa: Kay kamachiyki warmeqa mañasqaykiman jina ruwarqa. Kausayniyta yaqha wañuyman enqhaykuni kamachiykunasniykita junt'anayrayku.