1 Samuel 19:23 - Qheshwa Biblia DC

²³ Saultaj Ramá llajtapi Naiotman kachaykukorqa. Paymampis Diospa Espíritun junt'aykullarqataj. Chanta Saulqa profeta jina parlaspa rillarqapuni Ramá llajtapi Naiotman chayanankama.

DIOSPA QHELQACHISQAN DEUTEROCANONICAL

²³ Chantá Saulqa Ramá llajtapi Nayotman kachaykukorqa. Jinapi ñanta rishajtin, paymanpis Diospa Espíritun jamullarqataj. Chantá Saulqa Diosmanta sut'inchaj jina sut'inchaspa, Ramá llajtapi Nayotman chayanankama rillarqapuni.

DIOSPA QHELQACHISQ

²³ Chantá Saulqa Ramá llajtapi Nayotman kachaykukorqa. Jinapi ñanta rishajtin, paymanpis Diospa Espíritun jamullarqataj. Chantá Saulqa Diosmanta sut'inchaj jina sut'inchaspa, Ramá llajtapi Nayotman chayanankama rillarqapuni.

1 Samuel 19:23 ပူးပေါင်းရင်းမြစ်များ

Proverbios 16:9

Runaqa imata ruwanantapis yuyaynimpi wakichin, Señortaj chay wakichisqasninta cheqanchan.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Números 23:5

Señortaj chay Balaampa siminman churarqa imatachus parlananta. Nerqataj: Kutispa Balacman nimuy, imatachus qanman niyki chayta.

Números 24:2

Balaamqa israelitasta rikorqa ayllu aylluta jarasqasta. Diospa Espirituntaj payman jamorqa.

San Mateo 7:22

Chay p'unchaypeqa, ashkhas niwanqanku: Señor, Señor! Manachu sutiykipi profetizarqayku, sutiykipitaj supaykunata qharqorqayku; sutillaykipitaj ashkha milagrostapis ruwarqayku?

San Juan 11:51

Caifastaj mana payllamantachu kayta nerqa: Astawanqa chay watapi kuraj sacerdote kasqanrayku sut'incharqa, Jesús wañunanta ayllunrayku.

1 Corintios 13:2

Diospa palabrantachus sut'ichayman, yachaymantaj tukuy pakasqa yachaykunata, tukuy kay pacha imasmantawan; feniytaj kapuwanman orqosta ithirichinaypaj jina, manataj munakuyniy kapuwanmanchu chayqa, mana imachu kani.

1 Samuel 10:10

Saulwan chay kamachinwan Gabaa llajtaman chayajtinkutaj, profetasqa paykunawan tinkukorqanku. Chaypacha Señorpa Espíritun atiyninwan ima Saulman jamorqa. Saultaj chay profetas jina parlarqa.

1 Samuel 10:12

Paykunamantaj ujnin nillarqataj: Pitaj paykunaj tatankuri?, nispa. Chaymantapacha uj parlay rikhurerqa: Saulpis profetallatajchu?, nispa.

1 Samuel 10:6

Chaypacha Señorpa espíritun atiynin ima jamusonqa, chanta paykuna jinallataj parlanki. Waj jina runamantaj tukurparinki.

1 Samuel 18:10

Q'ayantintaj Diospa kachamusqan sajra espíritu Saulman yaykorqapacha. Paytaj palacio ukhupi locoyarqa. Davidtaj arpa tocana yachasqa kasqanman jina arpata tocasharqa. Saultaj uj lanzata makimpi jap'isharqa.

1 Samuel 19:18

Ajinamanta Davidqa ayqerqa. Rerqataj Ramá llajtaman Samuelta watukoj, willakorqataj imastachus Saul paywan ruwasqanta. Chay qhepantataj Davidwan Samuelwanqa Naiotman tiyakoj rerqanku.

1 Samuel 19:20

Chaypacha Saulqa runasninta kacharqa Davidta jap'imunankupaj. Saulpa kacha runasnintaj Ramaman chayaspa uj t'aqa profetasta musphaypi jina parlashajta rikorqanku, chaykunatataj Samuel pusaykachashajta. Jinallamanta chay kacha runasmampis Diospa Espíritun junt'aykorqa. Chanta paykunapis chay profetas jina parlarqanku.

1 Samuel 19:22

Chaymantaqa kikin Saulñataj kachaykukorqa Ramá llajtaman. Secupi uj jatun pujyu chaynejpi Saulqa tapurikorqa Samuelmanta Davidmantawan. Willarqankutaj Ramá llajtapi Naiotpi kashasqankuta.