1 Samuel 18:17 - Qheshwa Biblia DC

¹⁷ Uj día Saulqa Davidman nerqa: Kuraj warmi waway Merabta warmiyki kanampaj qosqayki. Chaypajqa qan guerrapi wapu maqanakoj kanayki tiyan, Señorpa maqanakusnimpitaj maqanakunayki tiyan. Saulqa yuyasharqa chay maqanakupi Davidta filisteos wañuchinankuta, ajinamanta manaña paychu wañuchinampaj.

DIOSPA QHELQACHISQAN DEUTEROCANONICAL

¹⁷ Uj kuti Saulqa Davidta nerqa: Kuraj kaj ususiy Merabwan casarachisqayki. Chaypajqa qan maqanakupaj wapu kanayki tiyan, Tata Diospa sutinpi maqanakupipis sumajta maqanakoj kanayki tiyan, nispa. Ajinata nispa, Saulqa yuyasharqa filisteokuna maqanakupi Davidta wañuchinankuta, manataj paychu.

DIOSPA QHELQACHISQ

¹⁷ Uj kuti Saulqa Davidta nerqa: Kuraj kaj ususiy Merabwan casarachisqayki. Chaypajqa qan maqanakupaj wapu kanayki tiyan, Tata Diospa sutinpi maqanakupipis sumajta maqanakoj kanayki tiyan, nispa. Ajinata nispa, Saulqa yuyasharqa filisteokuna maqanakupi Davidta wañuchinankuta, manataj paychu.

1 Samuel 18:17 ပူးပေါင်းရင်းမြစ်များ

2 Samuel 11:15

Chay cartapitaj kay jinata nerqa: Uriasta ñaupaj kaj sinch'i maqanakuman churaychej, chantá sapantataj saqerpariychej chaypi maqachikuspa wañunampaj.

2 Samuel 6:16

Señorpa trato ruwasqa cajonnin Davidpa llajtanman chayamojtintaj, Saulpa ususin Micalqa wasin ventananmanta qhawarimuspa, rey Davidta rikorqa tusushajta phinkiykachashajtataj Señorpa ñaupaqempi. Chayta rikuspa Micalqa sonqompi Davidta pisipaj qhawarqa.

Salmos 12:2

Paykuna pura llullanakunku, mana kajta ch'aukiyanakunku, puraj uyastaj kanku.

Salmos 55:21

Parlasqankoqa mantequilla jina llamp'u. Sonqonkupi maqanakuyllata yuyanku. Parlayninkoqa aceitemanta aswan llamp'u. Chaywampis, chay parlasqasninkoqa sumaj khuchoj espada jina.

Proverbios 26:24

Pichus chejnikojqa parlashaspa manapis pipaj rimashanmanchu jinaman tukun; sonqompitaj sajrata ruwaykuna wakichisqa kashan.

Proverbios 26:25

Ama qanqa creeychu sichus k'achamanta parlasunki chayqa, imaraykuchus sonqompeqa sajra yuyaykunawan junt'a kashan.

Proverbios 26:26

Chejnikuyninta pakashajtimpis, chay sajra ruwaynenqa tukuypa ñaupaqempi sut'inchakonqapuni.

Números 21:14

Chaytamá a niyta munan Señorpa librompeqa: Puka mar qochapi imatachus ruwasqan, Arnón wayq'opi ruwasqan, corrishaj yakuspi ruwasqan, chaytaj rishan Ar chaynejkama, chayantaj Moab jallp'aj tinkuyninkama, nispa.

Números 32:20

Moisestaj kuticherqa: Sichus kay nisqaykichejta junt'ankichej, maqanakamunkichejtaj Señorpa nisqanman jina, tukuyniykichej qharis Jordán mayuta chimpankichej Señorpa nisqanman jina Señorqa tukuy enemigosniykichejta chinkachinankama chayqa, chay llajtasta qhechuspa atinkichej kutimpuyta. Chaywan qankunaqa Señorpa nisqanta junt'ankichej, jinallataj wauqesniykichej israelitaswampis. Jina kajtenqa, chaymanta kay jallp'asqa qankunajta kanqa Señorpa nisqanman jina.

Números 32:27

Noqayku kamachisniykitaj tukuy maqanakupaj wakichisqas risqayku, Señorpa ñaupaqenta enemigoswan maqanakoj, qan kamachiwasqaykuman jina, nispa.

Números 32:29

Sichus Gad ayllumanta kajkuna, Rubén ayllumanta kajkuna ima, qankunawan khuska Jordán mayuta chimpanqanku enemigoswan maqanakoj Señorpa kamachisqanman jina, qankuna maypichus jallp'asta jap'ikunaykichejkama chayqa, qankuna qopunkichej kay Galaad jallp'asta paykuna tiyakunankupaj.

Deuteronomio 17:7

Chay rikojkunaraj ñaupajta ch'anqananku tiyan, chaymantaraj tukuy runas ch'anqanqanku chay runata wañuchispa. Ajinamanta qankuna ukhumanta kay jina sajrata chinkachinkichej.

1 Samuel 14:49

Saulpa qhari wawasnenqa karqanku: Jonatán, Isúi, Malquisúa ima. Warmi wawasnintaj iskay karqanku: Kuraj kajpata Merab, sullk'a kajpatataj Mical.

1 Samuel 17:25

Chanta israelitasqa ninakoj kanku: Rikunkichejchu chay llojsimoj runata? Payqa Israelpa contrampi sayaykuspa parlaj jamun. Pichus chay runata atipajmanqa rey qonqa ashkha qolqeta, ususintapis warmin kanampaj qollanqataj, chanta tukuy ayllumpis impuestota mana paganqankuchu.

1 Samuel 17:36

Ajinata kay kamachiykeqa wañuchej leontapis, chayri osotapis. Kay Diosta mana rejsej runatapis kikillantataj ruwasaj, kausaj Diospa soldadosnimpa contrampi sayaykusqanrayku.

1 Samuel 17:47

Tukuy tantasqa runaspis yachanqanku, Señorqa mana espadawanchu salvasqanta, nitaj lanzawanchu. Kay tukuy maqanakoyqa Señorpatamin, paytaj qankunataqa makisniykuman jaywawasqayku.

1 Samuel 18:21

Saulqa yuyasharqa wawanta qojtenqa payrayku Davidqa filisteospa makimpi wañunanta. Chaypacha Saulqa ujtawan Davidman nerqa: Kunanqa tolqay kanayki tiyan.

1 Samuel 18:25

Chaypacha Saulqa filisteospa makinmampuni Davidta urmachiyta munaspa nerqa: Willaychej warmi wawaymanta t'ikata jaywanawantaqa, apamuwachun pachaj filisteospa phichilusninkoj puntampa qarasninta khuchuspa, chaywan enemigosniyman aynita kutichinaypaj.

1 Samuel 18:27

Davidqa runasninta pusariykukuspa iskay pachaj filisteosta wañurachimorqa, Chanta chay runaspa phichilusninkoj puntampa qarasninta reyman aparqa, jaywarqataj tolqan kanampaj. Chaypacha Saulqa wawan Micalta Davidman qorqa warmin kanampaj.

1 Samuel 25:28

Kay kamachiyki warmej juchasninta perdonanaykita mañakuyki. Cheqamanta qantaqa Señor, jinataj mirayniykitapis jatun tiyanaykipi sayachichun, Señorpa sutimpi maqanakushasqaykirayku. Tukuy kausayniykipeqa ama ima sajrapis qhatirisuchunchu.

1 Samuel 30:26

Davidqa Siclag llajtaman chayaytawan Judá llajtapi kajkuna kausaqesnin ancianosman apacherqa, enemigosninkumanta qhechorqa chay imasta uj chhikata, kay willaytawan: Kay t'inkata qankunaman apachimuykichej, Señorpa enemigosninmanta qhechusqaykumanta uj chhikanta, nispa.