1 Samuel 17:26 - Qheshwa Biblia DC

²⁶ Chaypacha David tapurerqa chay ladompi kajkunata: Imatataj qonqanku kay filisteo runata wañuchejman, Israelta k'umuykachachejta qhechojmanri? Pitaj kasqa Diosta mana rejsej runari, kausaj Diospa soldadosnimpa contrampi sayaykojri?, nispa.

DIOSPA QHELQACHISQAN DEUTEROCANONICAL

²⁶ Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

DIOSPA QHELQACHISQ

²⁶ Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:26 ပူးပေါင်းရင်းမြစ်များ

2 Reyes 19:4

Ichapis Señorqa uyarinña, chay kuraj kamachejpa parlasqasninta, pitachus wiraqochin Asiriamanta reyqa kachamorqa, kausaj Diosmanta sajrata parlanampaj. Señor Diosniykeqa chay ch'ichi palabrasninta uyarispa jasut'ichun. Kunanqa kaypi qhepakojkunarayku Diosmanta mañay ari.

2 Crónicas 32:17

Senaqueribqa cartasta qelqarqa Israelpa Señor Diosnimpa contrampi, kay jinata rimaspa: Imaynatachus waj nacionespa dioskunasninku mana aterqankuchu llajtankuta atiyniymanta kacharichiyta, ajinallatataj Ezequiaspa Diosnimpis manallataj llajtanta kacharichiyta atenqachu atiyninmantaqa.

Nehemías 5:9

Noqataj chaypi nerqani: Imatachus ruwashankichej chayqa mana walejchu kashan. Qankunaqa Diosninchejta manchachikunaykichej karqa. Ajinamanta chay enemigosninchej Diosta mana manchachikojkuna ama asipayanawanchejpaj.

Salmos 44:13

Toreanawaykupaj jina qan churawarqayku, muyuyniykupi kajkuna asipayanawaykupaj, p'enqaypitaj qhawachinawaykupaj.

Salmos 74:18

Yuyarikuy, Señor, enemigoqa qhasimanta ch'atasusqanta. Wampu runastaj qanmanta sajrata parlanku.

Salmos 79:12

Señorníy, qayllaykupi kajkunaman, qanchis kutita aynita kutichiy, contraykipi millayta juchallikusqankumanta.

Isaías 37:23

Pipaj qanqa rimankiri, pimantataj alqochakunkiri? Pejpa contrantataj chhika jatunmanta qhaparinki, jatun jatunmanta qhawaykachaspari? Israelpa Santo Diosnimpa contranta ruwanki.

Jeremías 10:10

Señorqa cheqan Diospuni, kausaj Diospuni, wiñaypaj reytaj. Maypachachus pay phiñarikun chayqa, jallp'antin kharkatitin. Nacionestaj phiñakuyninta mana jap'ikuyta atinkuchu.

Jeremías 9:25

Señorqa nillantaj: Uj p'unchay jamushan, tukuy ayllus aychaman jinalla circuncidakojkunata jasut'isaj.

Jeremías 9:26

Kay ayllusta: Egiptota, Judata, Edomta, Amonta, Moabwan, jinallataj tukuy ch'in pampapi tiyakojkunata, umasninkuta ruthuchikunku chaykunatawan. Imaraykuchus chay ayllusqa, jinataj tukuy Israel ayllupis, cheqamanta sonqonkupi qhesachawanku.

Ezequiel 28:10

Waj llajtayojpa makisnimpeqa mana circuncidasqa runa jina wañunki. Noqa kaytaqa parlani, nin Señorqa.

Daniel (hebreo) 5:23

Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

Daniel (hebreo) 6:27

Paymin salvajqa, kacharichejtaj. T'ukuna k'acha imasta rikuchin, janaj pachapi, jinallataj kay pachapipis. Paymin Danielta salvarqa leonespa sillusninmantaqa.

Daniel (hebreo) 9:16

Señor, yachayku may k'acha kasqaykita. Ama jinachu kay ari, Jerusalenmanta karunchay phiñakuyniykita, k'ajaj phiñakuyniykita, imaraykuchus llajtaykimin chayqa, chayllapitaj kashan ajllakusqayki lomaykipis. Tukuy muyuynimpi nacionesmanta kaj runakunaqa, Jerusalenmanta, aylluykimantapis asikunku, noqaykoj juchasniykurayku, jinallataj tatasniykoj juchasninkuraykupis.

Deuteronomio 5:26

Pi runataj chay jina nina lauraj chaupimanta kausaj Diospa parlamusqanta uyarenqari noqayku jina mana wañuspari?

1 Tesalonicenses 1:9

Paykunallataj noqaykumanta willanku imaynamantachus qankunaman yaykumusqaykuta, imaynamantachus qankunapis lantikunamanta kutirikusqaykichejta, kausaj cheqa Diosta kasunaykichejpaj.

Josué 3:10

Kaypimin yachakonqa kausashaj Señor Diosniykichej qankunaj chaupiykichejpi kasqanqa, risqaykichejman jina ñaupaqeykichejmanta pichasqampi, cananeosta, hititasta, heveosta, ferezeosta, gergeseosta, amorreosta, chantá jebuseosta ima.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

1 Samuel 11:2

Amonmanta Nahastaj kuticherqa: Qankunawan uj tratota ruwasaj, chayta ruwanaypajqa sapa ujniykichejmantaraj paña kaj ñawisniykichejta orqhonay kanman, jinamanta Israel aylluta p'enqaypi rikhurichinaypaj.

1 Samuel 14:6

Jonatanqa chay yanapajninman nerqa: Thaskiypacha, risunchej Diosta mana manchachikoj runaspaman. Ichapis Señorqa noqanchejnejta imatapis ruwanman, paypajqa atikullan atipachinawanchej ashkha runaswampis, chayri pisiswampis.

1 Samuel 17:10

Chay filisteoqa nillarqataj: Kay p'unchaypi noqa israelitaspa soldadosninman yaykuspa mañani. Qowaychej runata noqawan maqanakunampaj.

1 Samuel 17:30

Chaymantaqa wauqenmanta ithirispa wajkunatañataj tapurerqa. Chay soldadospis ñaupajta nerqanku chay kikillantataj kuticherqanku.

1 Samuel 17:36

Ajinata kay kamachiykeqa wañuchej leontapis, chayri osotapis. Kay Diosta mana rejsej runatapis kikillantataj ruwasaj, kausaj Diospa soldadosnimpa contrampi sayaykusqanrayku.

1 Samuel 31:4

Chayrayku Saulqa chay yanapajninman nerqa: Espadaykita orqhokuy, chaywantaj t'ojsispa wañuchiway, Diosta mana rejsejkuna runas wañuchiwaspa ama noqamanta asikunawankupaj. Jinapis chay yanapajnenqa mana chay nisqanta ruwarqachu, sinch'ita manchachikusqanrayku. Chaypacha Saulqa espadanta oqharikuspa, chay espadan pataman urmaykarparerqa.