1 Samuel 15:24 - Qheshwa Biblia DC

²⁴ Chaypacha Saulqa Samuelman nerqa: Arí juchallini, Señorpa kamachisqasninta, niwasqaykitawan mana kasuta ruwaspa. Chaytaqa ruwarqani runasta manchachikuspa, imatachus mañawasqankuta uyarinayrayku.

DIOSPA QHELQACHISQAN DEUTEROCANONICAL

²⁴ Chantá Saulqa Samuelta nerqa: Arí, juchallini, Tata Diospa kamachisqanta, niwasqaykitawan mana kasuta ruwaspa. Chaytaqa ruwarqani runata manchachikuspa, imatachus mañawasqankuta uyarisqayrayku.

DIOSPA QHELQACHISQ

²⁴ Chantá Saulqa Samuelta nerqa: Arí, juchallini, Tata Diospa kamachisqanta, niwasqaykitawan mana kasuta ruwaspa. Chaytaqa ruwarqani runata manchachikuspa, imatachus mañawasqankuta uyarisqayrayku.

1 Samuel 15:24 ပူးပေါင်းရင်းမြစ်များ

Génesis 3:12

Qharitaj kuticherqa: Qampa qowasqayki warmeqa chay sach'aj poqoyninta qowarqa, noqataj mikhuykorqani.

Génesis 3:17

Qharimantaj nerqa: Warmiykita kasusqaykirayku, chay sach'aj poqoyninta amapuni mikhunkichu mikhuspa nerqani chayta, kunanqa jallp'a maldicisqa kanqa; ancha ñak'ariywantaj poqochinki mikhunaykipaj tukuy kausayniykipi.

2 Samuel 12:13

Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

Job 31:34

Runasta manchachikusqayrayku, paykuna qhesachanawankuta, wasiyllapi wisq'asqa ch'inmanta mana kakojchu kani.

Salmos 51:4

Contraykipi juchallikorqani, ñaupaqeykita mana allin kajta ruwaspa. Chayrayku nisqaykeqa cheqan. Cheqanchaspaqa mana pantankichu.

Éxodo 10:16

Chaymanta faraonqa usqhay usqhayta Moisesta Aarontawan wajyachimuspa nerqa: Noqa juchallini Señor Diosniykichejpa contranta, qankunaj contraykichejtawan.

Éxodo 23:2

Ama ashkha kasqankurayku sajra juchankuta ruwaysinkichu, ama ashkha kasqankurayku millay juchankuta qhatinkichu paykunata manchachikuspa, mana allin kajta allin ninaykipajqa.

Éxodo 9:27

Chaymantaqa faraón wajyachimorqa Moisesta Aarontawan, nerqataj: Kunan kutipeqa juchata ruwani, jinallataj runasniypis, Señorqa cheqampuni.

Proverbios 29:25

Runata manchachikoyqa tojllapis kanman jina, pichus Señorpi atienekojqa sumaj qhawasqa waqaychasqataj kanqa.

Jeremías 38:5

Rey Sedequiasqa paykunaman kuticherqa: Walej, munasqaykichejman jina payta ruwaychej. Noqa mana imatapis contraykichejpeqa ruwaymanchu.

Números 22:34

Señorpa angelninmantaj Balaamqa nerqa: Noqaqa juchallikuni. Mana yacharqanichu qan noqata ñaupaqeypi sayaykuspa ñanmanta jark'amushawasqaykita, sichus qampaj mana allin chayqa, kaymanta kutipusaj ari, nispa.

San Mateo 27:4

Nerqataj: Juchallini mana juchayojta wañuyman entregaspa. Paykunataj nerqanku: Ima ruwanayku tiyan chaywanri? Qan chaytaqa imanaypis.

Gálatas 1:10

Chantá kunanqa runakunamanchu, chayrí Diosmanchu allin rijch'ayta mask'ashani? Chayrí, runastachu kusichiyta munashani? Runastarajchus kusichiyman chayqa, mana Cristoj kamachinchu kayman.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

1 Samuel 15:15

Saultaj kuticherqa: Amalecmanta apamunku, runas t'aqasqanku chay allichaj kaj ovejasta, jinataj torosmantapis Señor Diosniykiman jaywanankupaj rikuchikuta jina, chay wakintataj wañuracherqayku, nispa.

1 Samuel 15:30

Saul kutichillarqataj noqa juchallini, nispa. Chaywampis mañakuyki tukuy israelitaspa ñaupaqempi, jinataj kurajkunaspa ñaupaqempipis allillampajpuni qhawanawaykita. Kutimuytaj, Señor Diosniykita noqawan yupaychamuna.

1 Samuel 15:9

Chaywampis Saul soldadosninwan imaqa mana wañucherqankuchu rey Agagtaqa, allichaj ovejasnin kajta, nitaj torostapis, nillataj wira waka uñasnintapis, nitaj corderostapis, nitaj chay sumachaj kaj imastapis. Imastachus phirirarqanku chaykunaqa karqanku mana walej, nitaj valorniyoj imasllamanta.

1 Samuel 2:29

Imaraykutaj qhesachankichej chay rikuchikusta noqa kamacherqaykichej jaywanaykichejta chaykunatari? Jinataj ofrentastapisri? Imaraykutaj wawasniykimanraj noqamanta aswan ñaupajta qonki, tukuy Israel aylluypa aswan sumaj ofrendasniywan paykunata wirayachispari?

1 Samuel 26:21

Saultaj kuticherqa: David wawáy! Noqa juchayoj kani! Uj wampu runa jina kasharqani, may jatunta pantaspa! Chaywampis kutimpuy. Manaña chay sajra ruwayta qampaj mask'asajchu, kunan qan rikuchiwanki kausayniyta munakuywan jatumpi qhawasqaykita.