1 Samuel 15:23 - Qheshwa Biblia DC

²³ Señorpa contrampi oqharikoyqa layqa juchawan ninakun, Señorta mana kasuytaj lanti yupaychana juchawan ninakullantaj. Imaynatachus qan qhesacherqanki chay kamachisqasninta ajinallatataj paypis qanta qhesachasunki manaña rey kanaykipaj.

DIOSPA QHELQACHISQAN DEUTEROCANONICAL

²³ Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

DIOSPA QHELQACHISQ

²³ Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

1 Samuel 15:23 ပူးပေါင်းရင်းမြစ်များ

Génesis 31:19

Chaykamataj Labanqa ovejasnimpa millmasninta ruthusharqa. Raqueltaj tatampa lantisninta suwarqa.

Génesis 31:34

Paytaj lantista jap'iytawan camelloj monturan uraman sat'iykorqa, jinaspataj patanman tiyaykorqa. Labanqa tukuy imas ukhuta mask'aspa manapuni tarikaporqachu lantisninta.

2 Samuel 7:15

Chaywampis khuyakuyniytaqa paymanta mana ithirichisajchu, imaynatachus Saulmanta ithiricherqani jinataqa, payta t'aqarqani qanta cuentanmanta churasunaypaj.

1 Crónicas 10:13

Ajinatamin Saulqa wañorqa juchasninrayku. Payqa juchallerqa Señorpa kamachisqasninta mana kasuspa, uj yatiri warmita tapukamusqanraykutaj.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

Job 34:37

Jobqa mana juchasapallachu, manachayqa Diospa contranta oqharikun; noqaykoj ñaupaqeykupi Diosmanta asirikun, Paywantaj mayta siminakun.

Salmos 107:11

Señorpa kamachisqanta mana kasukusqankurayku, jatun Diospa munakuyninta qhesachasqankurayku.

Éxodo 22:18

Layqa warmista cantomanta wañurachinki.

Isaías 19:3

Egiptoj yuyayninta mana kajman tukuchisaj. Imastachus ruwananku kajtapis alqachisaj; chantataj paykunaqa taponqanku lantisninkuta, layqasninkuta, wañusqaspa almasninkuta ima.

Isaías 8:19

Sichus chay runas nisonqachej: Tapuriychej wañusqaspa almasninta, chhichinakuspa parlaj layqasta ima, nispa chayqa, niychej: Manachu runasqa Diosnillankuta tapurikunkuman? Wañusqastarajchu kausajkunamanta tapurikunkuman?, nispa.

Jeremías 16:12

Qankunataj paykunamanta aswan mana allinta ruwajkuna kankichej, sapa ujniykichej mana kasukuspa sonqoykichejpa sajra munayninman jinalla ruwarqankichej, manataj noqaqa kasuwarqankichejchu.

Jeremías 28:16

Chayrayku Señorqa nin: Kay jallp'amanta chinkachisqayki. Kay watapi qanqa wañunki, imaraykuchus parlasqasniykiwan noqaj contraypi tukuy runasta oqharichinki.

Jeremías 29:32

Noqa Señor nini Semaiasta tukuy miraynintawan jap'inayta. Mana kay jallp'api paypa miraynin kanqachu. Mana kusikonqachu aylluyman qosaj chay kusikuywan, imaraykuchus chaykunawan aylluyta noqaj contraypi churakunankuta nerqa. Noqa Señor chayta niykichej.

Oseas 13:11

Noqa qanwan phiñasqa kaspa reykunasta qorqayki, jinataj qanwan phiñasqallataj chay reykunata qhechukaporqayki.

Oseas 3:4

Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.

Levítico 20:27

Sichus uj qhari, chayri uj warmi wañusqasta tapunman, chayri layqakunman chayqa, rumiswan ch'anqasqa wañonqa. Chay wañunampajtaj paylla juchayoj kanqa.

Levítico 20:6

Sichus pipis wañusqasta tapojkunaman, layqasmanwan rinman, chayta qhatispataj ch'ichichakunman chayqa, noqa sayarisaj paypa contranta, chinkachisajtaj ayllun chaupimanta.

Números 14:9

Chayrayku ama Señorpa contranta oqharikuychejchu, amataj manchachikuychejchu chay jallp'api kaj runasmanta. Paykunataqa t'antatapis mikhushasunman jina atipasun. Paykunamanta jark'akojqa mana pipis kanchu, noqanchejwanri Señor kashan. Chayrayku ama manchachikuychejchu.

Hechos 13:22

Rey Saulta orqhospataj, Davidta churarqa rey kanampaj. Paymantataj Dios nerqa: Isaejpa churin Davidta, sonqoypa munasqanman jina tarini, tukuy kamachisqaytataj pay ruwanqa.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

Deuteronomio 9:24

Qankunaqa Señorta manapuni kasuyta munankichejchu rejsisqasuykichejmantapacha.

Deuteronomio 9:7

Yuyarikuychejpuni Señor Diosniykichejta ch'in pampapi phiñachisqaykichejta, Egiptomanta llojsimuqaykichejmantapacha, kay jallp'aman chayamunaykichejkama, Señorpa contranta oqharikorqankichej.

Josué 22:15

Tukuyninku rerqanku Galaadman, maypichus kasharqanku Rubén ayllu, Gad ayllu, Manasespa khuskan ayllun ima chayman, chayaspataj nerqanku:

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

1 Samuel 13:14

Chayrayku kunanqa kamachiyniykeqa mana unaypajchu kanqa. Señorqa mask'anña pitachus munasqanta, payta churanqa ayllunta kamachinampaj, qan mana kasusqaykirayku imatachus Señor kamachisusqanta.

1 Samuel 16:1

Señorqa Samuelman nerqa: Mayk'ajkamataj llakikunki Saulmantari?, nispa. Noqaqa manaña munanichu Israel ukhupi pay reyllapuni kanantaqa. Wajraykita aceitewan junt'achiy, riytaj Isaejpa wasinman Belén llajtaman, paypa ujnin kaj wawanta rey kanampaj ajllaniña.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.

1 Samuel 28:3

Chaypajwanqa Samuelqa wañupusqaña, tukuy israelitastaj wañupusqanmanta waqasqanku. Chaymantataj Ramá llajtapi p'ampamusqanku, chayqa paypa llajtampuni karqa. Chaypaj Saulqa chay yatirista wijch'usqaña, wañusqasman qhaparikoj kanku chaykunata.