1 Samuel 15:22 - Qheshwa Biblia DC

²² Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.

DIOSPA QHELQACHISQAN DEUTEROCANONICAL

²² Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.

DIOSPA QHELQACHISQ

²² Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.

1 Samuel 15:22 ပူးပေါင်းရင်းမြစ်များ

Génesis 4:4

Abelpis apallarqataj Señorman jaywanata ovejasninmanta uj sumajnin kajta, kuraj kaj uñasmanta. Señortaj may kusisqa Abelta qhawarerqa, jinallatataj oveja apasqan jaywanantapis.

Éxodo 19:5

Kunanqa sichus tratoymanta palabrasniyta uyarikunkichej, waqaychankichejtaj chayqa, noqapaj kankichej uj sumaj ayllu, tukuy ayllusmanta aswan sumaj; imaraykuchus noqajtamin tukuy jallp'asqa.

Proverbios 21:3

Cheqanta puriyta, cheqan kajtawanqa ruwaypuni, Señorqa chayta astawan munan uywa ñak'asqasta jaywanamanta nisqaqa.

Eclesiastés 5:1

Diospa wasinman rispaqa as allinta puriy; astawan qayllakuy sumajta uyarinaykipaj, wampu runas jina uywa ñak'asqata jaywanaykimanta nisqaqa. Chaykunaqa mana yachankuchu mana allin kajta ruwashasqankuta.

Jeremías 11:4

kay tratota ruwarqani chay ñaupa tatasninkuwan Egiptomanta orqhomorqani chaypacha. Chay jallp'a paykunapajqa, fierrota unuyachinapaj horno jina karqa. Noqa nerqani: Kasuwaychej, ruwaychejtaj tukuy kamachisusqayta, jinamanta qankuna aylluy kanaykichejpaj, noqataj Diosniykichej kanaypaj.

Jeremías 11:7

Ñaupa tatasniykichejta Egiptomanta orqhomorqani chaypachaqa nerqani kasunawankuta, chaymantapacha kunankamataj k'amillarqanipuni kasunawankuta.

Jeremías 26:13

Astawan allinta puriychej, ruwaychejtaj, Señor Diosniykichejtapis kasuychej. Paytaj manaña, apachimusaj nerqa chay ñak'ariykunastaqa apachimusunkichejchu.

Oseas 6:6

Noqaqa astawan munani munakunawaykichejta, manataj sacrificiosllatachu apachimunawaykichejta. Munani Diosniykichejta jina rejsinawaykichejta, manataj q'olachinasllatachu apamunawaykichejta.

Oseas 8:13

Paykunapajqa may sumaj kasqa chay ñak'ariy rikuchikusqa, chay rikuchikustataj jaywanku, chay rikuchikusmanta jaywasqankumanta aychastataj mikhunku; jinapis noqa Señor chaykunawanqa mana kusisqachu kani; noqa yuyarikusaj chay millay ruwasqasninkumanta jasut'isajtaj chay juchasninkumanta, Egiptoman paykunata kutirichispa.

San Mateo 12:7

Yachawajchejchus imatachus niyta munan: Khuyakuyta munani, mana uywa wañuchisqatachu. Mana jayk'ajpis juchachawajchejchu mana juchayojkunataqa.

San Mateo 23:23

Ay qankunamanta, leymanta yachachejkuna, fariseos puraj uyas! Qankunaqa diezmota qonkichej mentamanta, anismanta, cominomanta ima. Leypi aswan allin kajtataj mana kasunkichejchu: Cheqan kajta, khuyakuyta, creeyta ima. Kaykunata ruwanaykichej karqa, ama chay ujkunata saqespa.

San Mateo 9:13

Rispa yachamuychej, imatachus kay niyta munasqanta: Khuyakuyta munani, mana uywa wañuchisqatachu. Chayrayku, mana cheqanta kausajkunatachu mask'aj jamuni; astawanqa juchasapasllata.

Marcos 12:33

Diosta tukuy sonqo munakoyqa, tukuy yachaywan, tukuy almawan, tukuy kallpawan ima, runa masinchejtataj noqanchejta jina munakoyqa; aswan allin ruphachina rikuchikusmanta, uywa wañuchisqasta Diosman jaywanamanta ima nisqaqa.

1 Samuel 13:12

Noqataj yuyarqani paykuna Gilgalman maqaj jamunawankuta, Señormanta manaraj yanapayninta mañakushajtiy, chayrayku yuyarqani walej kasqanta, usqhayllata noqa kikiy Señorpaj chay rikuchikuta ruphachipusqayta.

1 Samuel 13:13

Samueltaj kuticherqa: Kaytaqa wampu jina ruwanki. Sichus Señorpa kamachisqanta ruwawaj karqa chayqa, payqa wiñaypaj kamachiyniykita sayachinman karqa.