1 Samuel 14:6 - Qheshwa Biblia DC

⁶ Jonatanqa chay yanapajninman nerqa: Thaskiypacha, risunchej Diosta mana manchachikoj runaspaman. Ichapis Señorqa noqanchejnejta imatapis ruwanman, paypajqa atikullan atipachinawanchej ashkha runaswampis, chayri pisiswampis.

DIOSPA QHELQACHISQAN DEUTEROCANONICAL

⁶ Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

DIOSPA QHELQACHISQ

⁶ Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

1 Samuel 14:6 ပူးပေါင်းရင်းမြစ်များ

2 Samuel 1:20

Ama willaychejchu Gat llajtapi, nillataj willaraychejchu Ascalón llajtapipis, ama chay filistea warmis kusikunankupaj, Diosta mana rejsejkuna warmis kusiywan ama phinkiykachanankupaj.

2 Samuel 16:12

Ichapis Señorqa uyariwanqa kay llakiyniyta rikuspa, bendicionesninta apachimuwanman chay maldicionespa cuentanmantaqa.

2 Reyes 19:4

Ichapis Señorqa uyarinña, chay kuraj kamachejpa parlasqasninta, pitachus wiraqochin Asiriamanta reyqa kachamorqa, kausaj Diosmanta sajrata parlanampaj. Señor Diosniykeqa chay ch'ichi palabrasninta uyarispa jasut'ichun. Kunanqa kaypi qhepakojkunarayku Diosmanta mañay ari.

2 Crónicas 14:10

Chaypacha Asaqa maqanakoj llojserqa, runasninwantaj Sefata vallepi maqanakuman yaykunankupaj wakichikorqa Maresa qayllapi.

2 Crónicas 14:11

Asaqa Señor Diosninman qhaparikorqa: Señorníy, qampajqa uj rejllamin, kallpayoj kajtapis, pisi kallpayoj kajtapis yanapayqa. Chayrayku yanapariwayku Señor Diosniyku, qampi suyakusqaykurayku, sutiykipitaj kay soldadoswan maqanakoj jamorqayku. Señor, qanmin Diosniykoqa kanki. Mana pipis qanwan churanakuyta atisqanta rikuchiy ari.

Salmos 135:6

Señorqa tukuy munasqanta ruwan, janaj pachapi, kay pachapi, mar qochapi, tukuy ukhuspipis.

Jeremías 9:23

Señorqa nin: Yachayniyoj runaqa ama chay yachayninmanta runaykachachunchu, nitaj atiyniyojpis, nitaj qhapajpis.

Jeremías 9:25

Señorqa nillantaj: Uj p'unchay jamushan, tukuy ayllus aychaman jinalla circuncidakojkunata jasut'isaj.

Jeremías 9:26

Kay ayllusta: Egiptota, Judata, Edomta, Amonta, Moabwan, jinallataj tukuy ch'in pampapi tiyakojkunata, umasninkuta ruthuchikunku chaykunatawan. Imaraykuchus chay ayllusqa, jinataj tukuy Israel ayllupis, cheqamanta sonqonkupi qhesachawanku.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

Sofonías 2:3

Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Números 10:32

Sichus qan noqaykuwan rinki chayqa, ima allinkunastachus noqaykuman Señor qowasqayku, chayta qampis jap'illankitaj.

Números 31:4

Sapa ayllumanta waranqa runas maqanakoj richunku.

San Mateo 19:26

Jesustaj paykunata qhawarispa, nerqa: Runaspajqa mana kayqa atikunchu, Diospajrí tukuy ima atikun.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

Deuteronomio 32:30

Imaynamantataj uj runalla waranqa runasta qhatiykachayta atinmanri? Imaynamantataj iskay runaslla chunka waranqa runasta ayqechiyta atinkumanri? Ajina kanqa jark'akojtinku paykunata saqerpayasqanrayku, Señorninku enemigosninkuman entregasqanrayku.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.

Josué 14:12

Chayrayku kunanqa qoway ari may orqotachus Señor qonawanta nerqa chayta. Chaymantapacha qanqa yachanki chaynejpi anaquitas tiyasqankuta, jatuchaj llajtas sumaj jark'achisqastaj kasqanta. Chaywampis noqaqa yuyani Señor yanapanawanta chay llajtasta chinkachiyta, imaynatachus Señorqa yanapanawanta nisqanman jina.

Jueces 15:18

Chaypacha Sansonqa sinch'ita ch'akichikusharqa, Señormantaj qhaparikorqa, nispa: Imaraykutaj kay jatun atipayta qowarqanki kunantaj qampi mana creejkunaj makimpi yaku ch'akiywan wañuchinawaykipaj?

1 Samuel 14:5

Ujnenqa patanejpi Micmas chimpaman qhawarisqa kasharqa, ujnintaj uranejpi Gabaa chimpanejman qhawarisqa.

1 Samuel 14:7

Yanapajnintaj nerqa: Ruwallay imachus yuyayniykipi kasqanman jina, noqaqa yuyasqaykiman jina yanapasqaykipacha.

1 Samuel 17:26

Chaypacha David tapurerqa chay ladompi kajkunata: Imatataj qonqanku kay filisteo runata wañuchejman, Israelta k'umuykachachejta qhechojmanri? Pitaj kasqa Diosta mana rejsej runari, kausaj Diospa soldadosnimpa contrampi sayaykojri?, nispa.

1 Samuel 17:36

Ajinata kay kamachiykeqa wañuchej leontapis, chayri osotapis. Kay Diosta mana rejsej runatapis kikillantataj ruwasaj, kausaj Diospa soldadosnimpa contrampi sayaykusqanrayku.

1 Samuel 17:46

Kunampacha qanta Señorqa makisniyman jaywawanqa, kunampacha wañuchisqayki, umaykitataj qholusaj, tukuy filisteospa aychasnintataj chay aycha mikhu p'isqosman, jinataj chay monte sajra animalesman qarasaj. Jinamanta tukuy runas yachanqanku Israel ukhupi uj Dios kasqanta.

1 Samuel 17:47

Tukuy tantasqa runaspis yachanqanku, Señorqa mana espadawanchu salvasqanta, nitaj lanzawanchu. Kay tukuy maqanakoyqa Señorpatamin, paytaj qankunataqa makisniykuman jaywawasqayku.

1 Samuel 31:4

Chayrayku Saulqa chay yanapajninman nerqa: Espadaykita orqhokuy, chaywantaj t'ojsispa wañuchiway, Diosta mana rejsejkuna runas wañuchiwaspa ama noqamanta asikunawankupaj. Jinapis chay yanapajnenqa mana chay nisqanta ruwarqachu, sinch'ita manchachikusqanrayku. Chaypacha Saulqa espadanta oqharikuspa, chay espadan pataman urmaykarparerqa.