1 Samuel 14:3 - Qheshwa Biblia DC

³ Efod p'achata apaykachajqa Ahías karqa. Payqa Ahitobpa wawan karqa, Icabodpa wauqentaj. Ahitobqa Fineespa wawan karqa, chanta Eléj allchhintaj. Elirí Silopi Señorpa sacerdoten karqa. Chaypi runasqa mana yacharqankuchu Jonatán ripusqanta.

DIOSPA QHELQACHISQAN DEUTEROCANONICAL

³ Unkuta apaykachaj Ajiaspis chaypi kashallarqataj. Payqa Ajitobpa churin karqa, Icabodpa wawqentaj. Ajitobqa Finespa churin karqa, chantá Elíj allchhintaj. Eliqa Silopi Tata Diospa sacerdoten unayña kasqa. Chaypacha runakunaqa Jonatán llojsisqanta mana yacharqankuchu.

DIOSPA QHELQACHISQ

³ Unkuta apaykachaj Ajiaspis chaypi kashallarqataj. Payqa Ajitobpa churin karqa, Icabodpa wawqentaj. Ajitobqa Finespa churin karqa, chantá Elíj allchhintaj. Eliqa Silopi Tata Diospa sacerdoten unayña kasqa. Chaypacha runakunaqa Jonatán llojsisqanta mana yacharqankuchu.

1 Samuel 14:3 ပူးပေါင်းရင်းမြစ်များ

1 Samuel 1:3

Sapa wata Elcanaqa llajtanmanta Siloman rejpuni, chaypi Tukuy Atiyniyoj Señorta yupaychamoj, rikuchikustawan jaywamoj. Silopeqa kasharqanku Elí sacerdotej iskay wawasnin, sutisninkutaj ujnimpataqa Ofni, ujnimpatataj Finees karqa. Paykunapis Señorpa sacerdotesnillantaj karqanku.

1 Samuel 14:36

Chaymantataj Saulqa nerqa: Kunan ch'isi qhatiykunachej filisteosta qhatiykoj, sut'iyanankamataj rispa tukuy imasninkuta qhechuramunachej, mana ujniyojta wañurachispa. Chaypitaj tukuy kuticherqanku: Ruwallay, imachus allin rijch'asusqanta. Sacerdotetaj nerqa: Manaraj imata ruwashaspa Diosta tapurinachej, nispa.

1 Samuel 2:18

Chaykamataj Samuelqa linomanta ruwasqa efod nisqa p'achawan, Señorta sirvispallapuni kasharqa.

1 Samuel 2:28

Israelpa tukuynin ayllusnin ukhumanta paykunata ajllarqani sacerdotesniy kanankupaj, rikuchikusta ruphachinankupaj altarniy patapi, jinataj inciensota ruphachinankupaj, chantá efod p'achata ñaupaqeypi churakunankupaj ima. Chay jawa ñaupa tatasniykichejman qorqani israelitas Señorpaj rikuchikusta mikhunankupaj.

1 Samuel 22:20

Ahimelecpa ujnin kaj wawan Abiatar sutiyoj kaj, chay wañurachishajtinku ayqekorqa, chayarqataj maypichus David kasharqa chaykama.

1 Samuel 4:21

Wawatataj Icabodta suticharqa, chay niyta munan: Israelqa mana allimpaj qhawasqa qhepakun, Diospa trato cajonninta qhechuchikusqankurayku. Chaywanqa niyta munan Diospa trato cajonnin qhechusqa kasqanta, suegrompa wañusqanta, jinataj qosampa wañusqantapis.

1 Samuel 4:4

Israelitas kacharqanku uj t'aqa soldadosta Silomanta apamunankupaj Tukuy Atiyniyoj Señorpa trato cajonninta, Payqa tiyakun querubines nisqa angelespa patampi. Eléj wawasnin Ofni, chanta Fineespis apaysimorqanku Diospa trato cajonninta.