1 Samuel 13:6 - Qheshwa Biblia DC

⁶ Israelitasqa sinch'i llakiypi rikukorqanku filisteoswan maqanakupi, chayraykutaj pakakamorqanku chhanka jusk'usman, t'oqosman, chhanka k'ajllusman, allasqa jusk'usman, allasqa yaku jusk'usman ima.

DIOSPA QHELQACHISQAN DEUTEROCANONICAL

⁶ Filisteokuna tukuynejmanta maqanakoj sayaykusqankurayku, israelitakuna imatachus ruwanankuta mana yachashaj rikhurerqanku. Chayraykutaj chhanka jusk'uman, t'oqoman, qaqa k'ajllukunaman, allasqa jusk'ukunaman chantá ch'aki pujyukunaman ima pakakamorqanku.

DIOSPA QHELQACHISQ

⁶ Filisteokuna tukuynejmanta maqanakoj sayaykusqankurayku, israelitakuna imatachus ruwanankuta mana yachashaj rikhurerqanku. Chayraykutaj chhanka jusk'uman, t'oqoman, qaqa k'ajllukunaman, allasqa jusk'ukunaman chantá ch'aki pujyukunaman ima pakakamorqanku.

1 Samuel 13:6 ပူးပေါင်းရင်းမြစ်များ

2 Samuel 24:14

Davidtaj Gadman kuticherqa: Jatun llakiypi kashani. Jinapis walej kanman kikin Señorpa mkisninman urmanayku, Paypa khuyakuynin may jatun kasqanrayku, amataj runaj makisninman urmanaykupaj.

Isaías 42:22

Astawampis Israel aylluta suwanku, sarunkutaj chaykunaqa. Tukuyninku wisq'asqas kanku. Tukuyninku wijch'unapaj qhawasqas kanku, manataj pipis paykunata salvaj kanchu. Paykunamanta suwaj kanku, manataj pipis kutichipunchu.

Jeremías 41:9

Ismael wañuracherqa chay runaspa ayasninta wijch'uykorqa chay pujyoqa rey Asaj ruwachisqan karqa, Israelmanta rey Baasamanta pakakunampaj. May chhikan jatumpuni karqa. Jinapis Ismaelqa chay wañuchisqan runaspa ayasninwan chay pujyuman junt'aykucherqa.

Ezequiel 33:27

Paykunaman niy: Señorqa kay jinata nin: Noqa kausayniyrayku jurani, pikunachus chay ch'in pampaman tukuchisqa llajtapi kashanku chaykunaqa espadawan wañurachisqas kanqanku. Campo purejkunatataj millay animalesman oqoykunankupaj qosaj. Pikunachus qaqas ukhupi, rumi jusk'uspi kashanku, chaykunaqa onqoywan wañuranqanku.

Filipenses 1:23

Chay iskayninmantaqa mana ajllayta atinichu; astawanqa munayman wañupuyta, rispa Cristowan kanaypaj. Chaytaj astawan sumaj noqapajqa.

Hebreos 11:38

Mundoqa mana paykunapaj jinachu karqa. Ch'in pampaspi, orqospi, qaqa jusk'uspi, jallp'a toqospi ima chinkasqas purerqanku.

Josué 8:20

Haimanta runastaj qhepankuta qhawarimuspa rikorqanku q'osñi manchayta cielokama wicharishajta. Manaña ni mayman ayqeyta aterqankuchu, imaraykuchus ñaupaqenkuta ch'innejman ayqesharqanku chay israelitasqa ujllata kutirimunku paykunawan tinkoj.

Jueces 10:9

Amonitasqa Jordán mayuta chimparqanku maqanakamunankupaj Judá aylluwan, Benjamín aylluman jinataj Efraín aylluwampis. Ajinamanta israelitasqa may llakiypi rikhurerqanku.

Jueces 20:41

Chaypacha israelitasqa maqanakoj churakorqanku, Benjaminmanta kajkunataj q'ewayayta qallarerqanku llajtankuwan chay llakiy qhatirishasqanmanta.

Jueces 6:2

Madianitas astawan astawan israelitasta ñak'arichisqankurayku, israelitasqa madianitasta manchachikuspa orqosnejpi pakakunasta ruwakamorqanku, chay chhanka jusk'usnejpi, runas mana purinasnimpi jinataj.

1 Samuel 13:15

Chay ratopacha Samuelqa Gilgalmanta riporqa. Saultaj chay puchoj soldadoswan Benjamín jallp'api Gabaa llajtaman riporqa. Chaypitaj Saulqa paywan rejkuna soldadosta yuparqa sojta pachajta jina.

1 Samuel 14:11

Ajinaqa iskayninku chay filisteo soldadoswan rikuchikorqanku. Chay runastaj rikuytawankama nerqanku: Qhawariychej chay hebreo runas llojsiykamusqankuña, pakasqas kasharqanku chay jusk'usmanta, nispa.

1 Samuel 14:22

Maypachachus Efraimpa orqosnimpi pakasqas kasharqanku chay israelitasqa filisteos ayqeshasqankuta yachaspa, llojsiramuytawan qhepankuta rispa maqanakamorqanku.

1 Samuel 23:19

Zif llajtapi tiyakojkunataj Gabaa llajtaman rerqanku Saulwan parlaj, nerqankutaj: Davidqa noqaykoj jallp'aykupi pakasqa kashan, pakakuna Haquila orqopi Hores chhankapi, ch'in pampamanta uranejpi.

1 Samuel 24:3

Chay risqampitaj chayarqa ovejaspa kanchanman, chay qayllanejpitaj karqa uj jatun qaqa jusk'u, chaypitaj Davidwan chay runasninwan pakakusharqanku. Saultaj chay jusk'uman yaykuykorqa samarikunampaj. Chayllapitaj Davidwan chay runasninwan pakakusharqanku.

1 Samuel 31:7

Israelitasqa chay vallemanta chimpampi tiyakojkuna, chanta Jordanmanta inti llojsimuynejpi jina tiyakojkunapis israelita soldados ayqesqankuta, Saultaj wawasnintin wañusqankuta yachaspa; chay llajtasninkuta saqespa ayqekullarqankutaj. Filisteos chayman chayamuspa tiyakaporqanku.

1 Samuel 7:7

Maypachachus filisteos yacharqanku israelitas Mizpa llajtapi tantasqas kashasqankuta, chaypacha filisteospa kurajkunasninku wicharerqanku israelitaspa contrampi. Israelitastaj chayta yachaspa mayta mancharikorqanku.