1 Samuel 13:4 - Qheshwa Biblia DC

⁴ Israelitasmanta kajkuna tukuyninku yacharqanku Saul filisteospa qhawaj soldadosninta tukuchisqantaña, chaymantataj filisteosqa paykunapaj may phiñasqas kasqankuta. Jinamanta israelitasqa Gilgalpi Saulwan tantakorqanku.

DIOSPA QHELQACHISQAN DEUTEROCANONICAL

⁴ Tukuy israelitakuna yacharqanku Saulqa filisteokunaj qhawaj soldadonkunawan maqanakuspa wañuchisqanta, chayraykutaj filisteokunaqa israelitakunata manchayta chejnikusqankuta. Chayrayku israelitakunaqa Gilgalpi Saulwan tantakorqanku.

DIOSPA QHELQACHISQ

⁴ Tukuy israelitakuna yacharqanku Saulqa filisteokunaj qhawaj soldadonkunawan maqanakuspa wañuchisqanta, chayraykutaj filisteokunaqa israelitakunata manchayta chejnikusqankuta. Chayrayku israelitakunaqa Gilgalpi Saulwan tantakorqanku.

1 Samuel 13:4 ပူးပေါင်းရင်းမြစ်များ

Génesis 34:30

Jacobtaj Simeonman Levimanwan nerqa: Kunanqa qankuna mana allinman churaykuwankichej. Kaynejpi tukuy tiyakojkuna, cananeos, fereseos ima chejnikuwanqanku. Tantaykukuspataj noqaj contrayta muyuykamuwanqanku, pisi runasniyojta rikuwaspataj wañuchiwanqanku, jinallataj familiaytapis.

2 Samuel 10:6

Amonitasqa yacharqanku Davidqa paykunapaj phiñasqa kasqanta, chayrayku qolqewan mink'akorqanku iskay chunka waranqata siriosmanta kaj soldadosta, Bet-rehobpi kajkunamanta, chantá Sobapi kajkunamantawan. Mink'akullarqankutaj Maacamanta reypa waranqa soldadosninta, Is-tobmantataj chunka iskayniyoj waranqata.

Éxodo 5:21

Paykunamantaj nerqanku: Señorqa rikuchun qankunaj ruwasqaykichejta, cheqanchachuntaj. Qankuna juchayoj kankichej faraón tukuy kamachisnin ima astawan noqanchejta chejninakunawanchejpaj. Qankuna kikiykichej churankichej espadata makisninman, noqanchejta wañuchinawanchejpaj.

Zacarías 11:8

Uj killallapi kinsa michejkunata wijch'orqani, manaña pacienciay paykunapaj kapuwasqanrayku, chejniwasqankuraykutaj.

Josué 5:9

Chaymanta Señorqa Josueman nerqa: Kay circuncisión ruwakusqanwanqa egipciospa p'enqakuyninta qhechuykichej, nispa. Chayrayku chay cheqaqa kunankama Gilgal nisqa sutiyoj.

1 Samuel 10:8

Gilgal llajtaman ñauparishay, chaypi aswan qhepata tinkukusunchej, Señorman jaywanapaj ruphachinasta, allinyakunapaj nisqa rikuchikustawan. Chaypi qanchis diata suyawanki chayamunaykama, imatachus ruwanaykitataj nisqayki.

1 Samuel 27:12

Aquistaj Davidpi atienikoj, sonqompitaj nej: Davidqa israelitasta astawan chejnishan, jina chayqa kamachillaypuni kanqa, nispa.