1 Samuel 12:3 - Qheshwa Biblia DC

³ Kunanqa kaypi qankunawan kashani: Sichus pejpa bueyesninta, chayri burrontapis jap'ikaporqani, chayri pitapis tumparqani, chayri llakicherqani, chayri piwampis lluk'iykuchikuspa t'inkata jap'erqani chayqa, kunampacha Señorpa ñaupaqempi juchachawachun, ajllasqan chay reypa ñaupaqempipis niwaychej, noqataj mashkhachus qonay kasqanta qopusqaykichej.

DIOSPA QHELQACHISQAN DEUTEROCANONICAL

³ Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.

DIOSPA QHELQACHISQ

³ Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.

1 Samuel 12:3 ပူးပေါင်းရင်းမြစ်များ

2 Samuel 22:22

Noqa qhaterqani Señorniypa ñanninta; mana jayk'ajpis Diosniymanta t'aqakorqanichu!

Nehemías 5:11

Ajinallatataj mañayku chay jallp'asta, uvas huertasta, olivo sach'asta, wasisninkutapis kunampacha kutichipunaykichejta. Ajinallatataj manusninkutapis qonqapunachej qolqeta granotapis, chay vinotapis, aceitetapis.

Salmos 15:5

Pichus qolqenta manun mana interesniyojta. Pichus mana rantichikunchu pillawampis, llimphu sonqoyoj contrampi. Jinata ruwaj runaqa ni jayk'aj urmanqachu.

Éxodo 20:17

Ama munapayankichu runa masiykej wasinta; ama munapayankichu runa masiykej warminta, ni qhari kamachinta, ni warmi kamachinta, ni wakanta, ni burronta, nitaj ni iman kajta.

Éxodo 22:4

Sichus suwaj makimpi kausashajllataraj tarikapunku suwasqan wakata, chayri burrota, chayri ovejata chayqa, chay suwa qopunan tiyan uj jinatawan chay uywayojman.

Éxodo 23:8

Ama imatapis lluk'ichikunkichu, imaraykuchus lluk'eyqa runasta ciegoyachin, jinamanta mana juchayojtaqa juchajoyta rikhurichinku.

Proverbios 15:27

Kapushajtin waj imastapis astawan munapayajqa wasillantataj urmachin; pichus lluk'iykuchikuyta qhesachajrí, kausanqa.

Levítico 6:4

Chay runaqa runa masinman kutichipunan tiyan: Atiyniyoj kaspa qhechusqanta, prendata jap'ikapusqanta, chayri tarikuspa pakaykusqanta ima.

Levítico 6:5

Jinallatataj imallatapis qhasimanta juraspa jap'ikapusqanta ima. Tukuyninta kutichipunan tiyan pejpatachus karqa chayman. Yapaykonqataj valorninmanta sapa phishqamanta ujta rikuchikuta juchanmanta apamojtin.

Números 16:15

Chaymanta Moisesqa maytapuni phiñarikorqa, Señormantaj nerqa: Señor, ama ofrendasninkuta jap'iychu. Noqaqa paykunamanta mana uj burrollankutapis qhechunichu, nitaj ima sajratapis ruwanichu ni mayqenninkuta.

San Mateo 22:21

Paykunataj kuticherqanku: Cesarpata, nispa. Chaypachataj paykunaman nerqa: Cesarpata kajtaqa, Cesarman qopuychej; Diospata kajtataj, Diosman qopuychej.

San Lucas 19:8

Chantá Zaqueoqa, sayaykukuspa Señorman nerqa: Señor, tukuy kapuwasqanta qosaj khuskanninta wajchasman. Pimantachus ch'aukiyaspa imatapis suwarqani chayqa, tawa jinatawan kutichipusaj.

Hechos 20:33

Mana pejpa qolqenta, qorinta, nitaj p'achanta munapayarqanichu.

2 Corintios 12:14

Kunanqa kinsa kutitaña wakichikuni qankunata watukoj jamunaypaj; manataj imatapis mañasqaykichejchu, imaraykuchus mana imaykichejtachu mask'ashani, astawanqa qankunata. Mana wawaschu qolqetaqa tantananku tiyan tatasninkupaj, manachayqa tatasqa qolqeta tantananku tiyan wawasninkupaj.

Deuteronomio 16:19

Ama justiciataqa cheqan kajmanta karunchachinkichejchu, amataj wakillanman kutikunkichejchu. Ama qolqetapis lluk'ichikunkichejchu. Chay lluk'iykunaqa aswan yachayniyoj runastapis pantaykuchin, cheqan runaspa nisqasnintapis waj jinaman tukuchin.

1 Tesalonicenses 2:10

Qankuna yachankichej, Diospis yachan, imaynatachus llimphus, cheqan kausaywan, mana k'aminas qankuna creejkunawan purisqaykuta.

1 Tesalonicenses 2:5

Noqaykoqa, yachankichej jina, mana pitapis ni jayk'aj misk'i simiwan llunk'upayarqaykuchu; nitaj pakaymanta qolqetapis munapayarqaykuchu. Chaytaqa Dios yachan.

1 Pedro 5:2

Qankuna ukhupi kashanku, chay Diospa t'aqa ovejasninta michiychej, allinta paykunata qhawaspa, ama kamachisqas jinachu, astawanqa munayniykichejman jina; nitaj qolqeta mask'aspachu; manachayqa ancha munakuywan; chay churasqas kashanku qhawanaykichejpaj; ama qankunajtapis kanman jinachu kamachiychej, astawanqa, ovejas qankunamanta yachakunankupaj jina allinta puriychej.

1 Samuel 10:1

Chaypacha Samuelqa aceite botellata jap'ispa Saulpa uman pataman jich'aykorqa, much'aykuspataj nerqa: Kunanmanta Señorqa t'aqasunki, Israel ayllumpa reynin kanaykipaj. Qan kamachinki atipachinkitaj chay muyuynimpi kaj enemigosninmanta. Kay uj señal kanqa qanta Señorqa ayllumpa reynin kanaykipaj t'aqasusqanmanta: Kunanqa kaymanta ripushaspa iskay runaswan tinkukunki Raquel maypichus p'ampasqa kashan, Selsa llajta qayllapi. Chayqa kashan Benjamimpa jallp'asnin chaypi. Paykunataj nisonqanku mask'asharqanki chay chinkaj burrosta tarisqankutaña, chanta nisonqanku tataykeqa manaña burrosmantachu llakisqa kashasqanta, manachayqa qankunamanta llakikushan, tapurakushantaj: Imanasajtaj wawaymantari?, nispa.

1 Samuel 12:4

Mana jayk'ajpis ñak'arichiwarqaykuchu, nitaj ima llakiytapis qowarqaykuchu, nitaj lluk'ichikorqankichu, nispa kuticherqanku israelitasqa.

1 Samuel 12:5

Chanta Samuelqa nillarqataj: Señorqa, chanta reypis yachashanku, qankuna mana imantapis juchachawasqaykichejta, nispa.

1 Samuel 2:35

Chaymantataj noqaqa ajllakusaj uj cheqa sacerdoteta, munasqayman jina ruwanampaj. Paymanqa qollasajpuni astawan mirayta, jinataj ajllasqay reypa kamachillampipuni kanampaj.

1 Samuel 24:11

Qhawariy reyníy, makiypi jap'ishasqayta: Qampa qhatakunayki p'achamanta uj chhikanta llik'isusqayta, munaspaqa wañuchiykiman karqa. Kaywan qanqa umachakuy, reyníy, noqaqa mana ima sajratapis ruwasuyta yuyasqayta, nitaj wasanchasusqaytapis, nitaj imatapis contraykipi juchallerqanichu. Chaywampis, reyníy, qan mask'awanki wañuchinawaykipaj.

1 Samuel 24:6

Chay runasninmantaj nerqa: Señor amapuni munachunchu reyniypa contrampi oqharikunayta. Payqa rey kashan Señor payta ajllasqanrayku.

1 Samuel 24:7

Ajinamanta Davidqa runasninta jark'arqa Saulta ama wañuchinankupaj. Saultaj chay jusk'umanta llojsimuspa ñanninta riporqa.

1 Samuel 26:11

Señor jark'awachun, Paypa ajllasqan reyta wañuchiyta munanaymanta. Ajinaqa chay uman chaypi kashan chay lanzata, yaku yuruntawan oqhariykukuy, ripunataj, nispa.

1 Samuel 26:9

Davidtaj kuticherqa: Ama wañuchiychu. Señorqa jasut'enqapuni, Señorpaj aceitewan jawispa ajllasqan reyta wañuchinampaj qhawajta.