1 Samuel 12:22 - Qheshwa Biblia DC

²² Señorqa sutinta jatunchanarayku mana saqesonqachejchu imaraykuchus payqa munan qankunaqa ayllumpuni kanaykichejta.

DIOSPA QHELQACHISQAN DEUTEROCANONICAL

²² Tata Diosqa sutin yupaychasqa kananrayku mana saqerpasonqachejchu, imaraykuchus payqa ayllunpuni kanaykichejta munan.

DIOSPA QHELQACHISQ

²² Tata Diosqa sutin yupaychasqa kananrayku mana saqerpasonqachejchu, imaraykuchus payqa ayllunpuni kanaykichejta munan.

1 Samuel 12:22 ပူးပေါင်းရင်းမြစ်များ

1 Reyes 6:13

Israelitaspa chaupimpitaj tiyakusaj, manataj Israel aylluytaqa saqerpayasajchu.

1 Reyes 8:57

Señor Diosninchejqa noqanchejwampuni kachun, imaynatachus tatasninchejwan karqa ajinata, amataj saqerpariwasunchu, nitaj qhesachawasunchu.

2 Reyes 14:27

Manataj Señorqa israelitasta kay jallp'asmanta chinkachiyta yuyarqachu. Chayrayku Señorqa librarqa Joaspa wawan Jeroboamnejta.

2 Reyes 21:14

Llajtamanta puchojkunata saqerparisajtaj, enemigosnimpa makisninmantaj jaywaykusaj, paykunata suwanankupaj, q'arallata sayachinankupajtaj.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Salmos 106:8

Diosninchejqa llimphu sutinrayku paykunata salvarqa, atiyninta rikuchinampaj.

Salmos 94:14

Señorqa mana ayllunta saqenqachu, nitaj wawasnintapis qonqanqachu.

Éxodo 32:12

Manachu chayta yachaspa egipciosqa ninkuman: Diosqa israelitasta orqhon ch'in pampaspi wañuchinanrayku, kay jallp'a patamanta q'alata chinkachinanrayku?, nispa. Thasnullay ari chay k'ajaj phiñakuyniykitaqa, ama ari phiñakuychu, yuyarikuy ari Israel runasniykimanta.

Isaías 37:35

Noqa kay llajtamantaqa sayaykusaj, librasajtaj, noqa paykunata munakusqayrayku, jinallataj kamachiy Davidta munakusqayrayku.

Isaías 41:17

Wajcha runas, mana imayoj kajkunaqa yakuta mask'anku, manataj tarinkuchu. Yaku ch'akiywan siminkupis pharallaña kashan. Noqa Señortaj paykunata uyarisaj. Noqa Israelpa Diosnin, paykunataqa mana saqerpayasajchu.

Isaías 42:16

Ciegosta pusasaj mana rikusqanku ñanta, mana rikusqanku chaki ñankunasninta purichisaj. Ñaupaqenkupi laqhayayta k'anchayman tukuchisaj. Mana puriy atina kajtapis pampaman tukuchisaj. Kay imasta noqaqa ruwasaj, mana saqeraspa.

Isaías 43:25

Noqarí, noqa kikiyta munakusqayrayku chay millay juchaykichejta pichani. Chay juchasniykichejmantaqa manaña yuyarikusajchu.

Isaías 43:7

Sutiyta apaykachajkunata, pikunatachus noqa kusikunaypaj ruwarqani chaykunata, sayaricherqanitaj.

Isaías 48:11

Noqarayku, noqa kikiypa munakuyniyrayku ajinataqa ruwarqani, ama sutiy qhesachasqa kanampaj. Noqa jatunchasqa kayniytaqa mana pimampis qosajchu.

Isaías 49:15

Uj warmeqa wawitanta qonqarparinmanchu? Wijsanmanta llojsej wawanta manachu munakunman? Pay qonqapunman chaypis, noqaqa ni jayk'aj qonqasqaykichu.

Isaías 63:8

Señorqa nerqa: Cheqamanta noqaj aylluy kanku, mana llullakoj wawas kanku, noqataj paykunata salvarqani, nispa.

Jeremías 14:21

Sutiyki may jatunchasqa kasqanrayku, ama qhesachawaykuchu ari, amataj aylluykita sajra ñawiwan qhawaychu, maypichus may uyarisqa tronoyki kashan chaytaqa, yuyarikuy noqaykuwan tratota ruwasqaykita.

Jeremías 14:7

Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

Jeremías 14:9

Imaraykutaj t'ukusiri runa jina, uj maqanakoj runa manaña yanapayta atinñachu ajinari? Jinapis, Señor, qan chaupiykupi kashanki, tukuy yachanku qampa aylluyki kasqaykuta. Ama saqerakuwaykuchu ari!

Lamentaciones 5:20

Imaraykutaj chay jinatapuni qonqakapuwaykuri? Imaraykutaj kay chhika unaytaña saqerpariwaykuri?

Ezequiel 20:14

Chaywampis, sutiyrayku chay yuyasqayta mana yuyarqanichu, Egiptomanta paykunata orqhomushajta rikuwarqanku, chay jallp'amanta runaspa ñaupaqempi ama p'enqaypi rikhurinayrayku.

Ezequiel 20:9

Chay tukuywampis, sutiyrayku chay yuyasqayta saqerqani. Paykuna kasharqanku chay llajtasniyoj runakuna rejsiwarqanku, paykunaj ñaupaqempi ama p'enqaypi rikhurinayrayku, paykunata Egiptomanta orqhorqani.

Malaquías 1:2

Señorqa nin: Noqa qankunata munakuykichej. Qankunataj niwankichej: Imaynapi yachayku qan munakuwasqaykuta?, nispa. Chanta Señor kutichin: Esaoqa Jacobpa wauqen karqa; noqa Jacobta munakorqani, Esautataj chejnerqani. Esaupata llajtan ashkha orqosniyoj karqa, chayta ch'in lomasman tukucherqani. Jallp'asnintarí, campo animalesllapaj allin kanampaj tukucherqani.

San Mateo 11:26

Arí, Tatáy, ajinata munarqanki.

San Juan 15:16

Mana qankunachu ajllawarqankichej, astawanqa noqa ajllarqaykichej; churarqaykichejtaj willaj rinaykichejpaj, poqoytataj apanaykichejpaj. Chay poqoyniykichejtaj kakunallampajpuni; tukuy imata sutiypi Dios Tatamanta mañakusqaykichejta taj, pay qosonqachej.

Romanos 11:1

Kunanqa tapuni: Diosqa ayllunta qhesachanchu? Mana imaynamantapis qhesachanchu. Noqapis israelita kani, Abrahampa mirayninmanta, Benjamimpa ayllunmantataj.

Romanos 11:29

Diospa qosqasnenqa, wajyaynimpis mana qhechukuyniyojchu.

1 Corintios 4:7

Pitaj qanta allimpi rikuchisunki, wajkunamanta astawan? Chayrí imataj tiyapusunki mana Diospa qosusqan? Pay qosunki chayri, imaraykutaj wapuykachanki manapis Diosmanta jap'iwajchu karqa jina?

Efesios 1:12

Noqanchej ñaupajmantapacha Cristopi suyarqanchej, Diospa jatun kayninta yupaychananchejpaj.

Deuteronomio 14:2

Qankunaqa Señor Diosniykichejpa ajllakusqasnin runas kankichej. Pay ajllakusorqachej tukuy naciones ukhumanta, paypata ajllasnin nisqa runas kanaykichejpaj.

Deuteronomio 31:17

Chayrayku sinch'i phiñakuyneyqa paykunaj contranta k'ajarenqa. Paykunataqa saqerparisaj, mana qhawarisajchu ni ima kashajtimpis. Chay chhika nanaykuna, llakiykuna ima patankuman jamojtintaj, paykuna nenqanku: Manachu kay llakiykunaqa jamuwanchej manaña Diosninchej kasqanrayku?

Deuteronomio 31:6

Qankunaqa sumajta kallpachakuychej, sinch'itataj sayaychej. Qankunaqa ama manchachikunkichejchu chay runaswan tinkuytawan. Señor Diosniykichejqa qankunawan kashan. Payqa qhawasonqachejpuni, manataj saqerpayasonqachejchu.

Deuteronomio 31:8

Señorqa ñaupaqeykita renqa, qanwantaj kanqa. Payqa qhawasonqapuni, manataj saqerpayasonqachejchu. Qanqa ama manchachikuychu, nitaj kharkatitiychu.

Deuteronomio 7:6

Qankunaqa Señor Diosniykichejpa t'aqasqa ayllun kankichej. Señorqa ajllasorqachej kay jallp'a patapi tukuy ayllun ukhumanta, qankuna Señorpa k'ata munasqa ayllun kanaykichejpaj.

Deuteronomio 9:5

Mana qankuna allin kasqaykichejraykuchu, nitaj cheqan kajta ruwasqaykichejraykuchu, paykunaj jallp'asninkuta jap'ikapunkichej. Señorpuni ñaupaqeykichejmanta paykunata juchachakusqankurayku wijch'un junt'anampaj ñaupa tatasniykichejman Abrahamman, Isaacman, Jacobman ima imatachus nisqanta.

Filipenses 1:6

Kay imasmanta yachaspataj, allin ruwayta qankunapi Dios qallarerqa. Payllataj tukuychanankama ruwallanqapuni Jesucristoj jamunan p'unchayninkama.

Hebreos 13:5

Kausakuychej qolqeta ama munapayaspa. Kapususqaykichejllawan kusisqas kaychej; imaraykuchus pay nerqa: Mana wijch'urparisqaykichu nitaj saqerparisqaykichu.

Josué 7:9

Kunanqa kay imasmanta yachanqanku cananeos, tukuy kaynejpi tiyaj runas ima; ujllaman tantaykukuspataj jamuwasqayku, chinkachiwasqaykutaj mana ujniyojta, mana kanqachu yuyarikunallapajpis. Chantá imataj kanqa chay jatun sutiykimantari?

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.