1 Samuel 12:21 - Qheshwa Biblia DC

²¹ Ama chay qhasi dioskunasta qhatiychejchu, paykunaqa mana atinkuchu yanapayta, nitaj salvaytapis qhasi llullas kasqankurayku.

DIOSPA QHELQACHISQAN DEUTEROCANONICAL

²¹ Ama qhasi manakaj dioskunata yupaychaychejchu. Chaykunaqa mana pitapis yanapayta atinkuchu, nitaj qhespichiytapis qhasi manakajlla kasqankurayku.

DIOSPA QHELQACHISQ

²¹ Ama qhasi manakaj dioskunata yupaychaychejchu. Chaykunaqa mana pitapis yanapayta atinkuchu, nitaj qhespichiytapis qhasi manakajlla kasqankurayku.

1 Samuel 12:21 ပူးပေါင်းရင်းမြစ်များ

2 Reyes 17:15

Señorpa nisqanta qhesacharqanku ñaupa tatasninkuwan trato ruwasqanta, tukuy kamachisqantawan qhesacharqanku, qhasi mana kaj lantista qhatispa, qhasi mana kajman tukorqanku, paykunaj qayllankupi kaj nacionespa ruwasqankuta ruwaspa. Chaykunamanta Señorqa ñaupajtaña nisqa, ama paykuna jina ruwanankuta.

Isaías 41:29

Tukuyninku mana imapis kankuchu. Chaykunaqa mana imatapis ruwayta atinkuchu. Chay ruwasqanku lantisqa qhasi mana kaj ch'usajlla kanku.

Isaías 45:20

Tantakuspa jamuwaychej. Tukuy nacionespi kausashajkuna qayllamuwaychej. Maderamanta ruwasqa lantisninkuta oqharispa apajkunaqa mana yachankuchu imatachus ruwasqankuta. Mana salvayta atej diosmanta qhasi manakajllata mañakunku.

Isaías 46:7

Lijrariykukuytawan apanku, maypichus kananmantaj churanku. Chaypitaj mana kuyurispa kakullan. Paymanta qhaparikunku, manataj uyarinchu, nirajtaj llakiyninkumantapis libranchu.

Jeremías 10:15

Chaykunaqa qhasi manakaj, asikunapaj jinataj, juicio p'unchaypi chinkachisqas kanqanku.

Jeremías 10:8

Tukuy paykuna wampus kanku, mana uj chhikan yachayninkupis kanchu. Uj juch'uy k'aspillaqa mana imatapis yachachinchu.

Jeremías 14:22

Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 2:13

Aylloyqa iskay layata juchallin: Noqata saqerpariwarqanku uj ch'uwa kausaj juturi yaku kashajtiy. Allarqankutaj pujyusninkuta, yakusta mana sayachej lajra pujyusta.

Jonás 2:8

Lantista qhatejkunaqa, qanman kutisqa kayta qonqapunku.

Jonás 2:9

Noqaqa agradecekuspa rikuchikusta jaywakusqayki; imatachus qosqayki nisusqayta jaywasqayki. Salvacionqa Señorpatamin.

Habacuc 2:18

Imamanta sirvin rumi lanteqa, maypachachus ruwajqa ruwayta tukunña chaypachaqa? Imamantataj sirvin uj lanti llulla yachakuykunasllata yachachin chaypachaqa? Chay lantikunaqa mana atinkuchu parlayta; chayrayku imaynatataj pichus chaykunata ruwaj runaqa paykunapi confiakunmanri?

1 Corintios 8:4

Chay mikhunata lantikunaman jaywasqamantaqa, yachanchej jina, lanteqa mana imachu kay pachapeqa. Yachallanchejtaj uj k'ata Dioslla kasqanta.

Deuteronomio 11:16

Señormanta amapuni t'aqachikunkichejchu waj dioskunata yupaychaspa, paykunamantaj qonqorikuspa.

Deuteronomio 30:17

Chanta sichus kaykunamanta sonqoykichejta karunchachinkichej, amichikunkichejtaj waj dioskunaman qonqorikuspa yupaychanaykichejpaj chayqa; kunan noqaqa niykichej: Wañunkichejpuni. Jinamanta manataj unaytachu tiyakunkichej, chay jap'ikusqaykichej jallp'api Jordán mayuta chimpasqaykichejmanta.

Deuteronomio 32:21

Mana dios kajta yupaychaspaqa, sonqoyta nanachiwanku. Lantista ruwakuspa phiñachiwanku. Noqapis paykunaj sonqonkuta nanachisaj, uj manakaj aylluta munakuspa, uj manakaj runaswan paykunata phiñachisaj.