1 Samuel 12:19 - Qheshwa Biblia DC

¹⁹ Chayrayku Samuelta tukuy nerqanku: Señor Diosniykimanta mañaripuwayku ari, kay qampa kamachisniyki ama wañunaykupaj, tukuy juchasniykuman kaytawan yapaykukuyku uj reyta mañakuspa.

DIOSPA QHELQACHISQAN DEUTEROCANONICAL

¹⁹ Chayrayku tukuyninku Samuelta nerqanku: Tata Diosniykimanta noqaykurayku mañaripuwayku ari, ama wañunaykupaj. Kuraj kamachejta mañakuspa, juchaykuman astawan yapaykukuyku, nispa.

DIOSPA QHELQACHISQ

¹⁹ Chayrayku tukuyninku Samuelta nerqanku: Tata Diosniykimanta noqaykurayku mañaripuwayku ari, ama wañunaykupaj. Kuraj kamachejta mañakuspa, juchaykuman astawan yapaykukuyku, nispa.

1 Samuel 12:19 ပူးပေါင်းရင်းမြစ်များ

Génesis 20:7

Kunanqa kutichipuy kay warmita qosanman, imarayuchus payqa profeta, Diosmanta mañapusonqa kausanaykipaj. Mana qopunki chayri, qan, tukuy qampata kajkunasnintin wañunkichejpuni.

Job 37:13

Kaytaqa Dios apachimun jallp'ata jasut'inampaj, wakin kutispitaj apachimun munakuyninta rikuchinanrayku.

Job 42:8

Kunanqa qanchis torosta, qanchis carnerostawan qhatirikuspa kamachiy Jobman riychej; chaypitaj q'olachispa jaywamuychej chay jinata parlasqaykichejmanta. Kamachiy Jobqa chaypi qankunapaj Señormanta mañapusonqachej, noqataj chay mañapusqasuykichejta uyarisaj, jinamanta mana jasut'isqaykichejchu; chaywampis qankunaqa jasut'isqapuni kanaykichej karqa, imaynatachus noqamanta mana cheqantachu parlasqaykichejrayku, imaynatachus kamachiy Job ruwarqa jinataqa.

Éxodo 10:17

Chayrayku kunanqa mañakuykichej juchasniyta perdonanawaykichejta kunan kutillaña. Kunanqa qankuna mañaychej ari Señor Diosniykichejmanta, kay wañuchej jasut'iyllatapis qhechunampaj.

Éxodo 32:30

Q'ayantin Moisesqa runasman nerqa: Qankunaqa uj jatun juchata ruwarqankichej, kunanqa wicharisaj maypichus Señor kashan chayman, ichapis Señorqa juchasniykichejta pampachanqa.

Éxodo 9:28

Señormanta mañay ari, kay qhon qhonkuna, granizo ima thañinampaj; noqataj manaña astawan jark'asqaykichejchu llojsipunaykichejta.

Isaías 26:16

Chay jina llakiypi tarikuspa qanta mask'asorqayku, Señor; ajinata jasut'iwajtiyki astawan mañakorqayku.

Jeremías 15:1

Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

Jeremías 27:18

Cheqamanta profetaspuni kanku chayqa, cheqamantataj paykunaman parlani chayqa, noqa Tukuy Atiyniyoj Señormanta mañawachunku, ama Babiloniaman apanankuta saqenampaj, chay Diosta yupaychana wasipi qhepakunkuraj chay imasta, chantá Judamanta reypa palaciompi, Jerusalempipis qhepakunkuraj chaykunata ima.

Jeremías 37:3

Rey Sedequiastaj, Selemiaspa wawan Jucalta kacharqa, jinataj Maasiaspa wawan sacerdote Sofoniasta, Jeremiasta tapumunankupaj: Noqaykurayku Señor Diosninchejmanta mañapuwayku, nispa.

Jeremías 42:2

Profeta Jeremiasman qayllarqanku, nerqankutaj: Uj imata mañakuyku: Ama qhesachawaykuchu. Kay pisi p'unchaykunapaj Diosniykimanta mañapuwayku. Ñaupajta ashkhas karqayku. Kunantaj uj chhikallaña puchurpariyku kay imaynatachus rikunki ajinata, chayman jina Señor Diosniyki yachachinawaykupaj, ima ñantachus qhatinaykuta, imatatajchus ruwanaykuta.

Malaquías 1:9

Diosmanta mañakuychej khuyakunawanchejta. Chaywampis, sichus chay laya ofrendata jaywankichej chayqa, ama yuyaychejchu Dios kusiywan jap'ikunantaqa. Kayta Tukuy Atiyniyoj Señorqa nin: Noqa munayman mayqellampis qankunamanta templo punkuta wisq'aykapunanta, ama ujtawan qhasi mana kajpaj altarniypi nina jap'ichisqa kanampaj. Qankunawanqa mana kusiyniy kanchu, ofrendasniykichejtapis mana jap'isajñachu.

Números 21:7

Chaymanta israelitasqa maypichus Moisés kasharqa chayman rispa nimorqanku: Noqayku juchallikuyku ajinata parlaspa Señorpa contranta, qampa contraykitawan. Señormanta mañapuwayku ari, kay katarista noqaykumanta ithirichinanta!, nispa. Chaymanta Moisesqa Señormanta mañakorqa israelitasta perdonananta.

Hechos 8:24

Simontaj nerqa: Qankuna Diosmanta mañaripuwaychej ama imapis kay nisqaykichejmanta chayamunawampaj.

Santiago 5:15

Creespa mañasqanku onqosqata thañichenqa, Señortaj sayarichenqa; juchapi karqa chaypis, juchan pampachasqa kanqa.

1 Juan 5:16

Pillapis wauqenta rikunman mana wañuyman apaj juchawan juchallejta chayqa, Diosmanta paypaj mañapuchun. Diostaj payman kausayta qonqa. Kayta nini mana wañuyman apaj juchawan juchallejkunapaj. Tiyallantaj wañuyman apaj juchapis. Mana ninichu Diosmanta mañanata chay juchawan kajpaj.

1 Samuel 12:13

Chaywampis kaypi kashan chay ajllasqaykichej reyqa. Señorqa qosunkichej mañakusqaykichej reyta.

1 Samuel 12:17

Kunanqa trigota oqharina tiempo kashan, manataj paray tiempochu, icharí? Chaywampis noqaqa kunan Señormanta mañasaj, paytaj apachimonqa qhon qhonkunata, parastapis, qankuna yachanaykichejpaj, reparanaykichejpajtaj Señorqa imajtinchu mana munarqachu reyniyoj kanaykichejta, Señorpa rikuynimpeqa qankuna mana allintachu ruwankichej uj reyta mañakuspa.

1 Samuel 12:20

Samueltaj kuticherqa: Ama manchachikuychejchu. Cheqamanta qankunaqa sajrata ruwarqankichej, kunantaj Señormantaqa amaña t'aqakuychejchu, manachayqa tukuy sonqowan Señorta yupaychaychej.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

1 Samuel 7:5

Chaymanta Samuelqa kamacherqa: Tukuy Israel aylluta Mizpa llajtapi tantaykuychej, noqataj Señormanta qankunapaj mañapusqaykichej, nispa.

1 Samuel 7:8

Chaymantataj Samuelman nerqanku: Señor Diosninchejmanta noqaykupaj mañapullawaykupuni ari, filisteospa atiyninmanta kacharichinawaykupaj.

1 Samuel 8:6

Samuelmantaj uj reyta paykunata kamachinampaj mañasqankoqa mana allinchu rijch'arqa, chaytataj Señorman willarqa.