1 Samuel 12:13 - Qheshwa Biblia DC

¹³ Chaywampis kaypi kashan chay ajllasqaykichej reyqa. Señorqa qosunkichej mañakusqaykichej reyta.

DIOSPA QHELQACHISQAN DEUTEROCANONICAL

¹³ Kayqa, ajllakusqaykichej kuraj kamachejqa kaypi kashan. Mañakusqaykichejman jina Tata Diosmin payta qosunkichej.

DIOSPA QHELQACHISQ

¹³ Kayqa, ajllakusqaykichej kuraj kamachejqa kaypi kashan. Mañakusqaykichejman jina Tata Diosmin payta qosunkichej.

1 Samuel 12:13 ပူးပေါင်းရင်းမြစ်များ

Oseas 13:11

Noqa qanwan phiñasqa kaspa reykunasta qorqayki, jinataj qanwan phiñasqallataj chay reykunata qhechukaporqayki.

Hechos 13:21

Chaymanta israelitasqa, uj reyta mañarqanku. Diostaj Saulta, Cispa churinta qorqa, Benjamimpa ayllunmanta. Paytaj tawa chunka watata israelitasta kamacherqa.

1 Samuel 10:24

Samueltaj tukuyta tapurerqa: Rikunkichejñachu Señor ajllapusorqachej chay reyta? Mana mayqen israelitaspis paymanqa jap'ikunchu! Kausachun reyqa nispa israelitasqa qhaparerqanku.

1 Samuel 11:15

Chayrayku tukuynin Israel ayllu Gilgal llajtaman kachaykukorqanku, chaypitaj Señorpa ñaupaqempi Saulta reyninku kanampaj churarqanku, chaymantataj Señorman jaywarqanku allinyakuy rikuchikuta. Saulwan israelitaswantaj mayta kusikorqanku.

1 Samuel 12:17

Kunanqa trigota oqharina tiempo kashan, manataj paray tiempochu, icharí? Chaywampis noqaqa kunan Señormanta mañasaj, paytaj apachimonqa qhon qhonkunata, parastapis, qankuna yachanaykichejpaj, reparanaykichejpajtaj Señorqa imajtinchu mana munarqachu reyniyoj kanaykichejta, Señorpa rikuynimpeqa qankuna mana allintachu ruwankichej uj reyta mañakuspa.

1 Samuel 12:19

Chayrayku Samuelta tukuy nerqanku: Señor Diosniykimanta mañaripuwayku ari, kay qampa kamachisniyki ama wañunaykupaj, tukuy juchasniykuman kaytawan yapaykukuyku uj reyta mañakuspa.

1 Samuel 8:5

Chaypitaj nerqanku: Qanqa ña allin machuña kanki, wawasniykitaj mana qan jina allintachu purinku, chayrayku uj reyta ajllapuwayku kamachinawaykupaj, tukuy nacionespi kasqanman jina.

1 Samuel 9:20

Chay kinsa diataña chinkaj burrosmantaqa ama llakikuychu, chaykunataqa tarinkuña. Israelpa aswan munasqanqa qampaj, jinataj aylluykipajpis kanqa.