1 Samuel 11:11 - Qheshwa Biblia DC

¹¹ Chay q'ayantintaj Saulta soldadosninta kinsa jatuchaj t'aqasman t'aqarqa, manaraj sut'iyamushajtintaj yaykuykorqanku enemigosninkoj jarankuman. Chaypachataj amonitasmanta kaj runasta ashkhata wañuracherqanku chaupi p'unchaynejkama. Ayqekuspa llusp'erqanku chaykunaqa ch'eqerarqanku tukuynejman, mana iskayllapis khuskaqa qhepakorqankuchu.

DIOSPA QHELQACHISQAN DEUTEROCANONICAL

¹¹ Chay q'ayantenqa Saúl soldadonkunata kinsaman t'aqarqa. Manaraj sut'iyamushajtintaj, amonitakunaj jarankuman yaykuykorqanku. Chawpi p'unchaykama amonitakunawan maqanakuspa, ashkhatapuni wañuracherqanku. Mana wañorqankuchu chaykunarí, tukuynejman ch'eqerarqanku, manataj iskayllapis khuskaqa qhepakorqachu.

DIOSPA QHELQACHISQ

¹¹ Chay q'ayantenqa Saúl soldadonkunata kinsaman t'aqarqa. Manaraj sut'iyamushajtintaj, amonitakunaj jarankuman yaykuykorqanku. Chawpi p'unchaykama amonitakunawan maqanakuspa, ashkhatapuni wañuracherqanku. Mana wañorqankuchu chaykunarí, tukuynejman ch'eqerarqanku, manataj iskayllapis khuskaqa qhepakorqachu.

1 Samuel 11:11 ပူးပေါင်းရင်းမြစ်များ

Génesis 22:14

Chay cheqata Abrahamqa suticharqa: Señorqa qon imachus mana kanchu chayta, nispa. Chayrayku kunan ninku: Uj orqopi Señorqa qon imachus mana kanchu chayta, nispa.

2 Samuel 18:2

Kinsaman kacharqa tukuynin soldadosta. Joabpa kamachinman churarqa ujnin t'aqata, ujnintataj Sarviaj wawan Joabpa hermanon Abisaiman, chay ujnin t'aqatataj Gatmanta Itaejpa kamachinman. Tukuynin soldadosmantaj Davidqa nerqa: Noqa qankunawan risaj maqanakuman.

Salmos 46:1

Diosninchejqa jark'akuwajninchej, kallpanchejtaj. Llakiykunapi mana allin kashajtinchej, usqhayta yanapawanchej.

Éxodo 14:24

Señortaj q'ayantin sut'iyarpamuyta egipciospa campamentonta, phuyu ukhumanta, nina k'anchay ukhumantawan qhawarimuspa, egipciostaqa q'alata pejturparerqa.

San Mateo 7:2

Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

Jueces 1:7

Chaypacha Adonisedecqa nerqa: Ñaupajtaqa noqa mut'urarqani qanchis chunka reykunaspa makisninkoj machu dedosninkuta jinataj chakisninkojtapis, chay runastaj mesay urapi mikhuy puchusta pallaj kanku. Kunanrí imaynatachus noqa ruwarqani kikillantataj Dios ruwawan. Jerusalenman payta pusarqanku, chaypitaj wañuporqa.

Jueces 4:16

Chaykamataj Baracqa Sísaraj carrosninta jinataj soldadosnintawan qhatiykorqa Haroset-goimkama. Jaqay p'unchaypeqa Sisaraj soldadosninmantaqa ni uj soldadollapis kausarqachu, tukuyninku wañorqanku.

Jueces 7:16

Chay ratopacha, chay kinsa pachaj runasninta kinsaman t'aqarparerqa, tukuyninkumantaj pututusta jaywarqa, chantá ch'usaj wich'istawan, ukhusnimpitaj k'ancha jap'ichinasniyojta.

Jueces 7:20

Kinsantin t'aqas kajkuna ujllapi pututusninkuta waqacherqanku, wich'isninkutapis p'akillarqankutaj. Lloq'e makisninkupi apasharqanku nina k'anchanasta, pututusninkutataj paña makisninkupi, qhaparerqankutaj: Señornejta Gedeonnejtataj kay maqanakoqa.

1 Samuel 11:2

Amonmanta Nahastaj kuticherqa: Qankunawan uj tratota ruwasaj, chayta ruwanaypajqa sapa ujniykichejmantaraj paña kaj ñawisniykichejta orqhonay kanman, jinamanta Israel aylluta p'enqaypi rikhurichinaypaj.

1 Samuel 14:47

Ajinata Saulqa Israel llajta ukhupi kamachejninku jina tronompi sumajta tiyaykuytawan qayllasnimpi kajkuna enemigosninwan maqanakorqa: Moabwan, Amonwan, Edomwan, Sobaj reyninwan, filisteoswan ima. Mayllapipis maqanakuspaqa atipallajpuni.