1 Samuel 10:6 - Qheshwa Biblia DC

⁶ Chaypacha Señorpa espíritun atiynin ima jamusonqa, chanta paykuna jinallataj parlanki. Waj jina runamantaj tukurparinki.

DIOSPA QHELQACHISQAN DEUTEROCANONICAL

⁶ Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.

DIOSPA QHELQACHISQ

⁶ Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.

1 Samuel 10:6 ပူးပေါင်းရင်းမြစ်များ

Números 11:17

Chayman uraykamusaj, qanwantaj parlasaj. Chantaqa qampi kaj espirituta wakinta paykunaman qosaj, paykuna kay runasta kamachiyta, pusayta ima yanapasunankupaj. Ajinamanta qan manaña sapaykichu rikukunki.

Números 11:25

Señortaj chayman phuyupi uraykamorqa, Moisesmantaj parlarqa. Moiseswan kasharqa chay espiritumantataj, wakinta chay qanchis chunka kurajkunaman qorqa. Espíritu paykunaman chayajtintaj, chay kutilla Diosmanta sut'inchajkuna jina parlayta qallarerqanku.

Números 11:26

Chay qanchis chunkamanta iskaytaj mana rerqankuchu Dioswan parlana toldoman, manachayqa jarallankupi qhepakorqanku; sutinkutaj karqa: Eldadwan, Medadwan. Chay tukuywan paykunamampis espiritoqa chayallarqataj. Paykunapis Diosmanta sut'inchaj jina jarasninkupi parlayta qallarillarqankutaj.

Números 11:29

Moisestaj payman kuticherqa: Qanqa chaytapis jark'aytachu munashanki? Allin kanman, Señorqa tukuynin israelitasman espirituta qonan, ajinamanta Diospa sut'inchajnin kananupaj!

San Mateo 7:22

Chay p'unchaypeqa, ashkhas niwanqanku: Señor, Señor! Manachu sutiykipi profetizarqayku, sutiykipitaj supaykunata qharqorqayku; sutillaykipitaj ashkha milagrostapis ruwarqayku?

Jueces 14:6

Chaypacha Señorpa Espíritun Sansonman jamorqa. Chay ratotaj makisnillanwan uj cabritota jina leontaqa t'isarparerqa, chaytataj mana willarqachu tatasninmanqa.

Jueces 15:14

Lehiman chayamojtintaj filisteosqa kusiywan qhaparkachaspa payta taripaj llojserqanku. Señorpa Espirituntaj Sansonman jamorqa, paytaj makisnimpi chay watasqa waskhasta t'ipirarerqa uj ruphasqa linomantapis ruwasqas kankuman karqa jinata.

Jueces 3:10

Señorpa Espíritun Otonielman jamorqa, paytaj israelitasta kamacherqa, maqanakuman llojsejtintaj Señorqa rey Cusan-ristaimta atipacherqa.

1 Samuel 10:10

Saulwan chay kamachinwan Gabaa llajtaman chayajtinkutaj, profetasqa paykunawan tinkukorqanku. Chaypacha Señorpa Espíritun atiyninwan ima Saulman jamorqa. Saultaj chay profetas jina parlarqa.

1 Samuel 10:9

Samuelmanta ripunampaj Saul t'aqakapojtinkamataj Diosqa Saulpa sonqonta waj jinaman tukucherqa. Chay kikin p'unchaypitaj chay tukuy señales junt'akorqanku.

1 Samuel 11:6

Chayta uyarejtinkamataj Diospa Espíritun Saulman jamorqa. Saultaj may sinch'itapuni phiñarikorqa.

1 Samuel 16:13

Chay ratopacha Samuelqa chay ch'itita aceiteyoj carneroj wajranta jap'ispa jawiykorqa wauqesnimpa ñaupaqempi. Chay p'unchaymantapachataj Señorpa Espíritun Davidman jamorqa. Chaymanta Samuelqa Ramá llajtaman kutiporqa.

1 Samuel 19:20

Chaypacha Saulqa runasninta kacharqa Davidta jap'imunankupaj. Saulpa kacha runasnintaj Ramaman chayaspa uj t'aqa profetasta musphaypi jina parlashajta rikorqanku, chaykunatataj Samuel pusaykachashajta. Jinallamanta chay kacha runasmampis Diospa Espíritun junt'aykorqa. Chanta paykunapis chay profetas jina parlarqanku.