1 Samuel 10:3 - Qheshwa Biblia DC

³ Aswan jaqaymantaj, Taborpi encina sach'a nisqa chayman chayajtiyki tinkukunki kinsa runaswan, Diosta yupaychaspa Betelman rejkunawan. Ujnenqa apashanqa kinsa chivosta, ujnintaj kinsa t'antasta, ujnintaj qara bota vinota.

DIOSPA QHELQACHISQAN DEUTEROCANONICAL

³ Aswan jaqaymantaj, Taborpi encina sach'a chayman chayaspa, Betelman Diosta yupaychaj rejkunamanta kinsa runawan tinkukunki. Ujnenqa kinsa chivota apashanqa, ujnintaj kinsa t'antata, ujnintaj qara bota vinota.

DIOSPA QHELQACHISQ

³ Aswan jaqaymantaj, Taborpi encina sach'a chayman chayaspa, Betelman Diosta yupaychaj rejkunamanta kinsa runawan tinkukunki. Ujnenqa kinsa chivota apashanqa, ujnintaj kinsa t'antata, ujnintaj qara bota vinota.

1 Samuel 10:3 ပူးပေါင်းရင်းမြစ်များ

Génesis 28:19

Chay cheqapi ñaupajta karqa uj llajta, Luz sutiyoj. Jacobtaj waj sutita churara, Betel sutiyoj kanqa, nispa.

Génesis 28:22

Kay rumita sayachisqayqa Diospa wasin kanqa. Diosníy, qosqaykipuni sapa chunkamanta ujta tukuy ima qowasqaykimanta.

Génesis 35:1

Dios nerqa Jacobman: Jatarikuy, Betelman tiyakoj ripuy. Chaypi uj altarta ruwanki, wauqeyki Esaumanta ayqeshajtiyki rikhurisorqa chay Diospaj.

Génesis 35:3

Usqhayllata risunchej Betelman; chaypi ruwamunay tiyan uj altarta, llakisqa kashajtiy yanapawaj Diosman, Pay yanapawan tukuy puriyniypi.

Salmos 89:12

Qan ruwarqanki uray ladota, pata ladotapis. Tabor orqowan, Hermón orqowampis, kusisqas sutiykiman takinku.

Jeremías 32:8

Imaynatachus Señor niwasqanman jina chay wauqey Hanameel carcelpa pationman jamuwarqa. Niwarqataj Anatotpi chay jallp'anta rantinayta. Chayqa karqa Benjamimpa ayllumpa jallp'ampi. Chayrayku noqa chay jallp'ata rantinay atikorqa, chaywantaj qhepakapunaypaj aswan qaylla ayllun kasqanrayku. Chay tukuy imaswan yacharqani Señormantapuni uj kamachiy kasqanta.

Levítico 1:10

Sichus ovejasmanta, chayri cabrasmanta, chayri rikuchikuta mayqempis apamonqa ruphachipunawampaj chayqa, apamuchun uj orqotapuni uj sumajnin kajta, mana iman imanasqata.

Levítico 23:13

Chanta apamullankichejtaj sumajnin kaj ñut'u jak'uta tawa kilos khuskanniyojta aceitewan ñat'usqata, chayta Señorpaj ruphachenqa. Chay ruphachispa jaywasqampa q'apaynenqa Señorpaj allin kanqa. Chantapis apamullanqankutaj uj litro vinota jaywaspa ch'ajchunampaj.

Levítico 3:12

Sichus cabrata rikuchikupaj apamunman chayqa, Señorpa ñaupaqenman apamuchun.

Levítico 3:6

Maypachachus mayqempis Señorman apamunman uywasninmanta, orqotapis chinatapis allinyakuy rikuchikuta jina chayqa, chay uywaqa sumajnin kaj kachun mana iman imanasqa.

Levítico 7:13

Jinallataj allinyakunampaj agradecekuy uywatawan khuska apamullanqataj levadurayoj t'antasta jaywanampaj.

Jueces 20:18

Israelitasqa Betelman rerqanku, chaypitaj Diosta tapurerqanku ima aylluchus Benjaminwan ñaupajta maqanakoj rinanta. Señortaj kutichispa nerqa Judaraj ñaupajta rinanta.

Jueces 20:27

Jaqay tiempospeqa Diospa Trato Cajonnenqa Betelpi kasharqa, sacerdotenkutaj Finees karqa, payqa Eleazarpa wawan karqa Aarompa allchhintaj. Israelitastaj Señorta tapurerqanku: Watejmanta maqanakoj atiykumanchu riyta Benjamín ayllumanta masisniykuwan, chayri atipasqas jinachu qhepakusqayku, nispa. Señortaj paykunaman nerqa: Maqanakoj rillaychej, q'aya noqa atipachisqaykichej.

Jueces 4:12

Tabor orqoman Barac wicharisqanta yachaytawankama, Sisaraqa tantaykorqa isq'on pachaj fierromanta carrosninta jinataj tukuy soldadosnintawan, paykunawantaj rerqa Haroset-goimmanta Cisón wayq'okama.

Jueces 4:6

Uj p'unchaytaj Deboraqa wajyacherqa Abinoampa wawan Baracta, payqa Neftalí ayllumanta karqa, Cedespitaj tiyakoj. Paymantaj nerqa: Israelpa Señor Diosnin kamachisunki kay jinata: Riy Tabor orqoman, chaypitaj tantamuy chunka waranqa runasta, Neftalí jinataj Zabulón ayllusmanta kajkunata.

Jueces 8:18

Chaymanta tapurerqa Zebata Zalmunatawan: Imaynataj karqanku chay Taborpi wañucherqankichej chay runasri? Paykunataj kuticherqanku: Qanman rijch'akorqanku. Sapa ujninkutaj uj reypa wawanman rijch'akorqa.

1 Samuel 10:4

Paykunaqa napaykuspa iskay t'antasta jaywarisonqanku. Chaytataj jap'ikunki.