1 Samuel 10:1 - Qheshwa Biblia DC

^1-2 Chaypacha Samuelqa aceite botellata jap'ispa Saulpa uman pataman jich'aykorqa, much'aykuspataj nerqa: Kunanmanta Señorqa t'aqasunki, Israel ayllumpa reynin kanaykipaj. Qan kamachinki atipachinkitaj chay muyuynimpi kaj enemigosninmanta. Kay uj señal kanqa qanta Señorqa ayllumpa reynin kanaykipaj t'aqasusqanmanta: Kunanqa kaymanta ripushaspa iskay runaswan tinkukunki Raquel maypichus p'ampasqa kashan, Selsa llajta qayllapi. Chayqa kashan Benjamimpa jallp'asnin chaypi. Paykunataj nisonqanku mask'asharqanki chay chinkaj burrosta tarisqankutaña, chanta nisonqanku tataykeqa manaña burrosmantachu llakisqa kashasqanta, manachayqa qankunamanta llakikushan, tapurakushantaj: Imanasajtaj wawaymantari?, nispa.

DIOSPA QHELQACHISQAN DEUTEROCANONICAL

¹ Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa:

DIOSPA QHELQACHISQ

¹ Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa:

1 Samuel 10:1 ပူးပေါင်းရင်းမြစ်များ

2 Samuel 1:14

Davidtaj sinch'iwan chay runaman nerqa: Imaraykutaj mana manchachikorqankichu Señorpa ajllasqampa contrampi makiykita oqhariytarí? nispa.

2 Samuel 19:39

Tukuynin runas Jordán mayuta chimparqanku, reytaj mayuta chimpaspaña uj much'aywan Barzilaimanta t'aqakaporqa, bendicerqataj. Chaypacha Barzilaeqa kutiporqa maypichus tiyakorqa chayman.

2 Samuel 20:19

Llajtaykoqa tukuymanta aswan k'acha tiyakoj llajta, mana jayk'aj t'aqakoj Israelpa tukuy imasninmanta. Tukuymanta aswan uyarisqa kajtaj! Jinapis qanqa phiriyta munashanki. Imaraykutaj chinkachiyta munanki Señorpa llajtantarí?

2 Samuel 5:2

Cheqamanta, Saúl reyniyku kashajtimpis, qampuni Israeltaqa tukuy maqanakusnimpi pusaykacharqanki. Chay jawaqa, Señor qanman nisorqa pusaykachanaykita kamachinaykitataj tukuy Israel ayllutaqa, nispa.

1 Reyes 1:34

Chanta jaqaypitaj sacerdote Sadoc, profeta Natanwan Salomompa umanman aceitewan jawenqanku Israelpa kamachejnin kanampaj; putututa waqachispataj ninkichej: Kausachun kamachej Salomón!, nispa.

1 Reyes 19:18

Israelpitaj noqaqa qanchis waranqata qhepachikusaj pikunachus Baalpa ñaupaqempi mana qonqorikorqankuchu, nitaj siminkupis lantinta much'arqankuchu.

2 Reyes 9:1

Profetasmanta ujnin kajta, Eliseoqa wajyaspa nerqa: P'achasniykita wakichikuy, kay aceite yuru aparisqa Ramot Galaadman riy, nispa.

2 Reyes 9:12

Paykunataj kuticherqanku: Llullakushanki, allinta willawayku. Jehutaj kuticherqa: Kay jinata nispa payqa willawan: Señorqa kay jinata nin: Israelpi kamachej kanaykipaj noqa jawiykuyki, nispa.

Salmos 135:4

Pay Jacobta ajllakorqa, Israelta, qhapaj kapuynin kanampaj.

Salmos 2:12

Churita jatunchaychej ama phiñakunampaj, amataj ñampi chinkanaykichejpaj, pajtataj ñampi chinkachisqas kawajchej. Payqa kaymanta jinalla phiñakun. Payqa munakuyninta mask'ajkunaqa kusikuyniyojmin.

Salmos 78:71

Oveja michejmanta orqhorqa, ayllunta qhawanampaj, chayaqen Israel runasta.

Jeremías 10:16

Waj jinapuni kay tukuy imasta ruwajqa, chaymin Jacobpa Diosnenqa. Paymin Israel aylluta paypata kanampaj ajllakorqa. Tukuy Atiyniyoj Señormin sutenqa. Profetaqa nin:

Ezequiel 16:13

Ajina, qolqewan, qoriwantaj k'achanchasqa karqanki. P'achasniykeqa linomanta, sedamanta ima karqa, may sumaj coloreswan sirasqastaj. Mikhorqanki trigomanta jak'usqa yuraj jak'uta, misk'iyojta, olivomanta kaj aceiteyojtaj. Manchay k'achanchasqa karqanki, uj reina jinataj llojserqanki.

Oseas 13:2

Kunan juchallapiraj kashanku! Qolqesninkuta unuyarichispa lantista ruwarikunku sapa munarispa, chay ruwajkunaspa munasqanman jina. Chaymanta ninku: Rikuchikusta jaywaychej! nispa; runastaj much'arinku chay waka uñasman rijch'akun lantista.

Hechos 13:21

Chaymanta israelitasqa, uj reyta mañarqanku. Diostaj Saulta, Cispa churinta qorqa, Benjamimpa ayllunmanta. Paytaj tawa chunka watata israelitasta kamacherqa.

Deuteronomio 32:9

Señorqa chayaqenta kikin ayllullantataj ajllakorqa, Jacobpa miraynin kajkunata.

1 Tesalonicenses 5:26

Tukuy hermanosta napaykuychej llimphu much'aykuywan.

Hebreos 2:10

Allin karqa Diospaj, piraykuchus, pinejtatajchus tukuy imapis ruwasqa karqa, ashkha wawasta janaj pacha k'anchayman pusashajtin, paykunaman salvacionta qoj. Jesucristotapis pusallantaj ñak'ariykunawan allinta wakichispa.

Apocalipsis 5:8

Librota jap'isqantawantaj, chay tawa animales, chay iskay chunka tawayoj kurajkuna ima, Corderoj ñaupaqenman qonqoriykukorqanku. Sapa ujninkutaj arpasniyoj karqanku, copasninkutaj inciensowan junt'asqas karqanku. Chaykunaqa ajllasqaspa mañakuynin.

1 Samuel 12:3

Kunanqa kaypi qankunawan kashani: Sichus pejpa bueyesninta, chayri burrontapis jap'ikaporqani, chayri pitapis tumparqani, chayri llakicherqani, chayri piwampis lluk'iykuchikuspa t'inkata jap'erqani chayqa, kunampacha Señorpa ñaupaqempi juchachawachun, ajllasqan chay reypa ñaupaqempipis niwaychej, noqataj mashkhachus qonay kasqanta qopusqaykichej.

1 Samuel 13:14

Chayrayku kunanqa kamachiyniykeqa mana unaypajchu kanqa. Señorqa mask'anña pitachus munasqanta, payta churanqa ayllunta kamachinampaj, qan mana kasusqaykirayku imatachus Señor kamachisusqanta.

1 Samuel 15:1

Uj p'unchay Samuelqa Saulman nerqa: Señor kachamuwarqa t'aqasunaypaj Israel aylloj reynin kanaykipaj. Chayrayku kunan uyariy Señor imatachus nisuyta munan chayta.

1 Samuel 15:17

Samueltaj parlarqa: Qanqa mana kasuy runa karqanki, chaywampis Señorqa Israel ayllus ukhupi reyninku kanaykipaj ajllaspa churasorqa.

1 Samuel 16:1

Señorqa Samuelman nerqa: Mayk'ajkamataj llakikunki Saulmantari?, nispa. Noqaqa manaña munanichu Israel ukhupi pay reyllapuni kanantaqa. Wajraykita aceitewan junt'achiy, riytaj Isaejpa wasinman Belén llajtaman, paypa ujnin kaj wawanta rey kanampaj ajllaniña.

1 Samuel 16:13

Chay ratopacha Samuelqa chay ch'itita aceiteyoj carneroj wajranta jap'ispa jawiykorqa wauqesnimpa ñaupaqempi. Chay p'unchaymantapachataj Señorpa Espíritun Davidman jamorqa. Chaymanta Samuelqa Ramá llajtaman kutiporqa.

1 Samuel 2:10

Señor phirenqa enemigosninta, cielomantapacha qhon qhonkunata apachimonqa. Señorlla tukuy kay pachata juicionman churanqa, reyninmantaj atiyta qonqa. Ajllasqantataj, aswan atiyniyojta ruwanqa.

1 Samuel 24:6

Chay runasninmantaj nerqa: Señor amapuni munachunchu reyniypa contrampi oqharikunayta. Payqa rey kashan Señor payta ajllasqanrayku.

1 Samuel 26:11

Señor jark'awachun, Paypa ajllasqan reyta wañuchiyta munanaymanta. Ajinaqa chay uman chaypi kashan chay lanzata, yaku yuruntawan oqhariykukuy, ripunataj, nispa.

1 Samuel 26:9

Davidtaj kuticherqa: Ama wañuchiychu. Señorqa jasut'enqapuni, Señorpaj aceitewan jawispa ajllasqan reyta wañuchinampaj qhawajta.

1 Samuel 8:19

Chaywampis israelitasqa manapuni Samuelpa nisqanta kasorqankuchu, kay jinatataj kuticherqanku: Imapis kachun reyta munaykupuni.

1 Samuel 8:9

Ajinaqa uyarillay imatachus mañakusqankuta. Chaywampis ñaupajtaqa reparachiyraj, imaynatachus chay ajllakusqanku rey paykunata kamachinanta.

1 Samuel 9:16

Q'aya kay horasta Benjamimpa ayllunmanta uj runata kachamusqayki, paytataj aceitewan jawinki, Israel aylluypa kamachejnin kanampaj. Pay Israel aylluyta filisteospa atiyninmanta kacharichenqa, aylluy willakamuwan chayrayku, imaraykuchus noqa paykunamanta khuyakuni, llakiyta willakuwasqankurayku, nispa.

1 Samuel 9:27

Paykuna chay llajtamanta llojsejtinkuñaqa Samuelqa Saulman nerqa: Kamachiykita niy ñaupa rinanta, qantaj uj chhikata qheparikuy Dios imatachus qanman ninasuyta niwarqa chayta willasunaypaj.