1 Reyes 3:3 - Qheshwa Biblia DC

³ Salomonqa Señorta munakoj, tatan Davidpa kamachisqasninman jina purispa, chaywampis payqa lomas pata altarespi uywa ñak'asqasta jaywaj, inciensota ima q'osñichej.

DIOSPA QHELQACHISQAN DEUTEROCANONICAL

³ Salomonqa Tata Diosta munakoj, tatan Davidpa kamachisqanman jina purispa. Chaywanpis payqa loma pata altarkunapi uywa ñak'asqata jaywajraj, inciensotapis q'oshñichejraj.

DIOSPA QHELQACHISQ

³ Salomonqa Tata Diosta munakoj, tatan Davidpa kamachisqanman jina purispa. Chaywanpis payqa loma pata altarkunapi uywa ñak'asqata jaywajraj, inciensotapis q'oshñichejraj.

1 Reyes 3:3 ပူးပေါင်းရင်းမြစ်များ

1 Reyes 11:34

Manataj makinmantachu qhechusaj reinotaqa, aswampis saqellasajraj kamachinanta tukuy kausaynimpi, kamachiy Davidta munakusqayrayku, mayqentachus noqa ajllakorqani, paytaj kamachisqasniyta, nisqasniytawan waqaycharqa.

1 Reyes 11:38

Sichus uyariwanki kay tukuy kamachisusqayta, ñankunasniypitaj puriwaj, noqaj ñaupaqeypi, cheqanta ruwaspa, waqaychaspa kamachisqasniyta, nisqasniytawan, kamachiy David ruwarqa jinata chayqa, qanwan noqa kasaj, wasiykitapis sumajta sayachisaj, imaynatachus Davidpajpis ruwarqani jinata, Israeltataj qanman qosqayki.

1 Reyes 11:4

Salomón machu runaña kashajtintaj, warmisnenqa waj dioskunaman sonqonta kutiricherqanku, ajinamanta sonqonqa mana cheqanchu karqa Señor Diosnimpajqa, imaynachus tatan Davidpa sonqon cheqan karqa ajinataqa.

1 Reyes 11:6

Ajinamanta Salomonqa sajratapuni ruwarqa Señorpa ñaupaqempi, manataj cheqantachu purerqa Señorta qhatispa tatan David jinaqa.

1 Reyes 14:23

Paykunaqa ruwallarqankutaj lomas patapi altaresta tukuynej alto orqospi, jatuchaj thansa sach'a uraspipis.

1 Reyes 14:8

Davidpa ayllunmanta reinota qhechuspa qanman qorqayki. Qanqa mana kamachiy David jinachu kanki, payqa tukuy kamachisqayta waqaychaspa, tukuy sonqowan noqaj qhepaypi purerqa noqaj ñaupaqeypi cheqan kajta ruwaspa.

1 Reyes 15:11

Señorpa ñaupaqempitaj Asaqa cheqanta ruwarqa, ñaupa tatan David jina.

1 Reyes 15:14

Chaywampis loma pataspi altaresqa mana qhechukorqachu. Chay tukuywampis Asaj sonqonqa tukuy kausaynimpi Señorpaj cheqan karqa.

1 Reyes 15:3

Ñaupajta tatan juchasta ruwarqa chaykunallapitaj purerqa, manataj paypa sonqon cheqanchu Señor Diosninwan karqa, imaynachus tatan Davidpata karqa jinaqa.

1 Reyes 15:5

Imaraykuchus Davidqa Señorpa ñaupaqempi cheqanta ruwarqa, manataj mayqen kamachisqanmantapis karunchakorqachu tukuy kausaynimpi; mana chayqa hitita Uriaspa contrampi juchachakorqa chaylla.

1 Reyes 22:43

Paytaj tatan Asaj tukuy ñankunasnimpi purerqa, mana pantaspa; Señorpa ñaupaqempi cheqanta ruwaspa. Chay tukuywampis lomas patapi yupaychana wasisqa mana qhechusqaschu karqanku; maypichus runasqa uywa ñak'asqasta jaywaj kanku, inciensotawan q'oshnichej kanku.

1 Reyes 22:44

Israelmanta reywan Josafatqa uj tratota ruwarqa allinta kausanankupaj.

1 Reyes 3:14

Sitajchus ñankunasniypi purinki, leyesniyta, kamachisqasniytapis waqaychaspa, imaynatachus tatayki David purerqa ajinata chayqa, ashkha watasta kausachisqayki.

1 Reyes 3:6

Chanta Salomonqa nerqa: Qanqa khuyarqanki jatun khuyakuyniykiwan tatay David kamachiykita, imaraykuchus payqa purerqa qampa ñaupaqeykipi cheqanta, cheqa kaypi, cheqan sonqowantaj, qantaj mayta khuyakorqanki, uj wawatapis qorqanki tronompi tiyakunampaj, imaynachus kunan p'unchay kashan jina.

1 Reyes 8:25

Kunantaj ari, Israelpa Señor Diosnin, junt'allaytaj imatachus tatay Davidman nisqaykita, nispa: Noqaj ñaupaqeypi mana pisisonqachejchu uj qhari wawa Israelpa tronompi tiyaykukojqa, sichus wawasniyki kamachisqasniyta waqaychanqanku, ñankunasniypitaj purenqanku, imaynatachus qampis purerqanki noqaj ñaupaqeypi ajinata chayqa.

1 Reyes 8:61

Señor Diosninchejwan sonqoykichej cheqampuni kachun, purispa nisqasnimpi, tukuy kamachisqasninta waqaychaspataj kunan p'unchay jina.

1 Reyes 9:4

Sichus qan ñaupaqeypi purinki tatayki David jina, cheqan sonqowan mana k'aminataj, ruwaspataj tukuy imata nisusqayta, waqaychaspa kamachisqasniyta nisqasniytawan chayqa, noqa Israelpa tronoykita sumajta wiñaypaj sayachisaj, imaynatachus tatayki Davidman parlarqani: Mirayniykimanta Israelpa tronompi tiyakoj qhareqa kallanqapuni, nispa.

2 Reyes 12:3

Chay tukuywampis lomas patapi altaresqa mana chinkachisqaschu karqanku. Runasqa chaykunaspi uywa ñak'asqasta jaywallajpuni, inciensotawan q'osñichispa.

2 Reyes 12:4

Sacerdotesmantaj Joasqa nerqa: Señorman tukuy jaywasqa qolqeta, Señorpa wasinman apamuna kajta, sapa uj runaqa paymanta paganan kajta imaynachus ñapis nisqaña chaykunata, pikunachus tukuy sonqonkumanta Señorpa wasinman apamunku chaykunatawan.

2 Reyes 14:3

Paytaj Señorpa ñaupaqempi cheqan kajta ruwarqa, manapis ñaupa tatan jinapunichu, imaynatachus tatan Joás ruwarqa ajinallatataj paypis ruwarqa.

2 Reyes 14:4

Lomas patapi altarestataj mana chinkacherqachu, runasqa chaykunapi uywa ñak'asqasta jaywallajpuni kanku, inciensotawan q'osñichispa.

2 Reyes 15:35

Chay tukuywampis loma patapi kaj altaresqa mana chinkachisqachu karqanku, imaraykuchus llajtamanta runasqa chaypi uywa ñak'asqata jaywaspa inciensotapis q'osñichillajpuni kanku. Payqa Señorpa wasimpi jatun kaj punkutapis jallch'acherqa.

2 Reyes 15:4

Chay tukuywampis, lomas patapi kaj qhasi dioskunaj altaresnin mana chinkachisqaschu karqanku. Chay lomas pata altarespi runasqa uywa ñak'asqasta jaywallajpuni kanku, inciensotapis q'osñichej kanku.

2 Reyes 18:22

Sichus niwankichejman: Noqaykoqa atienikuyku Señor Diosniykupi, manachu lomas patapi kaj altaresninta Ezequías urmacherqa, chanta nerqataj Judata Jerusalentawan: Altarpa ñaupaqempi Jerusalenllapi yupaychankichej, nispa?

2 Reyes 18:4

Payqa loma patapi altaresta chinkacherqa, rumi lantistapis t'unarqa, Aseraj lantisnintapis t'unararqa, Moisespa broncemanta ruwasqan kataristapis t'unamucharqa. Israelmanta runasqa chay tiempokama inciensota q'osñichillajpuni kanku. Chayta suticharqa Nehustán, nispa.

2 Crónicas 15:17

Asaqa mana chinkacherqachu Israelpi lomas patapi lanti churana wasistaqa. Chaywampis payqa tukuy kausaynimpi cheqan sonqoyoj karqa.

Salmos 145:20

Señorqa payta munakojkunata jark'an, sajra runastataj tukuchin.

Salmos 31:23

Señorta munakuychej payta qhatejkuna. Cheqan sonqoyojkunata waqaychan. Astawantaj wapu wapuman kutichin, sajra kayninkuman jina.

Levítico 17:5

Israelitasqa Señorman apamuchunku uywasninkuta, campopi ñak'ayta yachanku chayta Dioswan tinkukuna toldo punkupi sacerdote allinyanakuy ofrendata jaywanankupaj, jinamanta ama maypipis chay uywasta ñak'anallankupaj.

San Mateo 22:37

Jesustaj kuticherqa: Señor Diosniykita munakunki tukuy sonqoykiwan, tukuy almaykiwan, tukuy yuyayniykiwantaj.

San Juan 14:15

Munakuwankichej chayqa, kamachisqasniyta ruwaychej.

San Juan 14:21

Pichus kamachisqasniyta jap'ikun, waqaychantaj, chaymin munakuwajqa. Noqata munakuwajtataj Tatay munakonqa, noqapis payta munakusaj, rikuchikusajtaj payman.

Romanos 8:28

Yachanchej, Diosta munakojkunataqa tukuy ima allimpaj yanapasqanta, paypa munayninman jina wajyasqasta.

1 Corintios 8:3

Sichus mayqempis Diosta munakunman chayqa, Diospis payta rejsin.

Deuteronomio 10:12

Kunanqa israelitas, imatataj mañakusunkichej Señor Diosniykichejri? Payqa munan Payta manchachikunaykichejta, Paypa ñannintataj purinaykichejta. Munallantaj payta yupaychanaykichejta tukuy sonqoykichejwan, tukuy almaykichejwan ima.

Deuteronomio 10:13

Chanta munallantaj kamachisqasninta, leyesninta ima junt'anaykichejta tukuy ima allin rinasuykichejpaj.

Deuteronomio 11:13

Sichus qankuna kasunkichej kunan qoykichej chay kamachiykunasta, Señor Diosniykichejta munakuspa, paytataj yupaychaspa tukuy sonqoykichejwan, tukuy almaykichejwan ima chayqa, Señor nisunkichej kay jinata: Chay jallp'asmanqa noqa parachimusaj maychus tiempompi, ñaupaj parata qhepa paratapis, qankuna trigota, vinota, aceitetapis sumajta oqharinaykichejpaj.

Deuteronomio 30:16

Sichus kunan kasunkichej kamachishaykichej chaykunata Señor Diosniykichejta munakuspa, ñankunasninta purispa, junt'aspa kamachiykunasninta, leyesninta, nisqasnintawan chayqa, chaypacha kausankichej, ashkha wawasniyojtaj kankichej. Señor Diosniykichejqa bendicisonqachej ima jallp'apichus tiyakunkichej chaypi.

Deuteronomio 30:20

Señor Diosniykichejta munakuychej, kasuychej, Payllata qhatiychej. Ajinamanta kausayniyoj kankichej, unayta tiyakunkichej, chay jallp'api Señor Diosniykichej juraspa qonanta nerqa tatasniykichej Abrahamman, Isaacman, Jacobman ima, chaypi.

Deuteronomio 30:6

Señor Diosniykichejqa llimphuchanqa sonqoykichejta, mirayniykichejpa sonqosninkutapis, payta munakunaykichejpaj tukuy sonqoykichejwan, tukuy almaykichejwampis, ajinamanta kausanaykichejpaj.

Deuteronomio 6:5

Munakuy Señor Diosniykita tukuy sonqoykiwan, tukuy almaykiwan, tukuy kallpaykiwantaj.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

1 Samuel 9:12

Paykunataj kuticherqanku: Arí, payqa aswan jaqaypiraj kashan, usqhayllata riychej, kunallan llajtaman jamun, imaraykuchus paykunaqa kunan p'unchay loma patapi Señorman rikuchikuta jaywanqanku.