1 Reyes 2:3 - Qheshwa Biblia DC

³ Señor Diosniykej kamachisqasninta junt'ay, ñankunasnimpi purispa, kamachisqasninta allinta qhawaspa, chantá nisqasninta, yachachiykunasninta, leyesnintawan ima, imaynachus Moisespa leyesnimpi qelqasqa kasqanman jina, tukuy ima ruwasqaykipi qhallarisqaykipipis allin risunampaj.

DIOSPA QHELQACHISQAN DEUTEROCANONICAL

³ Tata Diosniykej kamachisqanta junt'ay, munasqanman jina ruwaspa. Chantá Diospa tukuy kamachisqanta kasuypuni, imaynachus Moisespa kamachisqanpi qhelqasqa kasqanman jina, tukuy ima ruwasqaykipi, tukuy imata ruwaj churakusqaykipipis allin risunanpaj.

DIOSPA QHELQACHISQ

³ Tata Diosniykej kamachisqanta junt'ay, munasqanman jina ruwaspa. Chantá Diospa tukuy kamachisqanta kasuypuni, imaynachus Moisespa kamachisqanpi qhelqasqa kasqanman jina, tukuy ima ruwasqaykipi, tukuy imata ruwaj churakusqaykipipis allin risunanpaj.

1 Reyes 2:3 ပူးပေါင်းရင်းမြစ်များ

2 Samuel 8:14

Chaymantaqa qhawaj soldadosta churallarqataj tukuy Edom jallp'aman, edomitastaj Davidpa kamachiyninman yaykorqanku, ajinamanta Señorqa, Davidta atipachillarqapuni mayllamampis rejtenqa.

2 Samuel 8:6

Chaymantataj Davidqa soldadosninta churarqa Damasco jallp'a Siriapi, jinamanta siriospis paypa kamachisnin karqanku, tasatataj pagaj kanku. Ajinata ari, Señorqa, Davidtaqa atipachillarqapuni maymampis rejtenqa.

1 Reyes 3:3

Salomonqa Señorta munakoj, tatan Davidpa kamachisqasninman jina purispa, chaywampis payqa lomas pata altarespi uywa ñak'asqasta jaywaj, inciensota ima q'osñichej.

2 Reyes 18:7

Señortaj paywampuni karqa; mayllamampis llojsejtin allimpuni paytaqa rerqa. Payqa Asiriamanta reypa contrampi oqharikorqa, payta mana sirviyta munaspa.

1 Crónicas 29:19

Waway Salomonmampis qollaytaj cheqa sonqoyoj kayta, kamachisqasniykita, nisqasniykita, leykunasniykitapis junt'ayta atinampaj. Tukuy chaykunata ruwaspa Diosta yupaychana wasita sayarichinampaj, chaypajqa noqa wakichiniña.

Salmos 119:111

Kamachisqasniykita chayaqeta jina wiñaypaj jap'ikapuni, kamachisqasniykeqa sonqoyta kusichinku.

Salmos 119:138

Tukuy kamachisqasniykeqa cheqan sut'i kanku.

Salmos 119:2

Kusisqas kanku paypa kamachisqasninta uyarejkuna, tukuy sonqowantaj payta mask'ajkuna.

Salmos 19:7

Cheqampuni Señorpa yachachisqanqa, imaraykuchus mosoj kausayta qon. Cheqampuni Señorpa kamachisqanqa. Yachayniyojman tukuchin mana yachajta.

Eclesiastés 12:13

Kay tukuy imasta uyarisqaykimantaqa kayta ruwan: Diosta munakuy, kamachisqasnenqa waqaychay. Kay imasllata runaqa astawan ruwanan tiyan.

Levítico 8:35

Chayrayku qankunaqa Dioswan tinkukuna toldo punkupi kanaykichej tiyan tuta p'unchay, qanchis día junt'ata. Señorpa kamachisqanta kasuychej, manataj wañunkichejchu. Ajinata ari Señorqa kamachiwarqa.

Malaquías 4:4

Horeb nisqa orqopi, kamachiy Moisés kamachiyniykunata qorqani, chaykunamanta yuyarikuychej. Chay kamachisqasniytaqa tukuynin Israel runas junt'ananku karqa.

Deuteronomio 29:8

Chaymantataj jallp'asninkuta jap'ikaporqanchej, qoporqanchejtaj Rubén aylluman, Gad aylluman, Manasés khuskan ayllunmanwan.

Deuteronomio 29:9

Chayrayku qankunaqa waqaychaychej, junt'aychejtaj kay tratota, tukuy ima ruwasqasniykichejpi allin risunaykichejpaj.

Deuteronomio 4:1

Kunanqa, israelitas, sumajta uyariychej kamachiykunasta, chayman jina ruwanaykichejpaj. Jinamanta allinta kausakunaykichejpaj, ima jallp'apichus Señor, ñaupa tatasniykichejpa Diosnin qosonqachej, chaypi.

Deuteronomio 4:45

Kaykuna kanku: Yachachiykunas, kamachiykunas ima, mayqenkunatachus ruwanapaj Moisesqa israelitasman nerqa Egiptomanta llojsimusqankutawan.

Deuteronomio 4:5

Noqa yachacherqaykichej Señorpa kamachisqasninta, imatachus nisqasninta. Chaykunata Señor Diosniy kamachiwarqa qankunaman yachachinayta, qankuna chaykunata ruwanaykichejpaj, mayqen jallp'atachus jap'ikapunkichej chaypi.

Deuteronomio 4:8

Mana mayqen jatun naciompallatapis kapunchu cheqan kamachiykunasqa, yachachiykunaspis qankunaman qoykichej jinaqa.

Deuteronomio 5:1

Moisesqa tukuy israelitasta tantachispa nerqa: Israelitas, uyariychej, kamachiykunasta, imastachus ruwana kasqanta, chaykunamanta kunan willasqaykichej. Allinta yachaychej, waqaychaychejtaj chaykunaman jina imatapis allinta ruwaspa.

Josué 22:5

Kunanqa kayllata mañakuykichej, kamachiykunata, Señorpa kamachin Moisés ima kamachiytachus qosorqachej chaykunata sumajtapuni junt'aychej. Niyta munani, Señor Diosniykichejta munakuychejpuni, ñankunasnintapuni puriychej, kamachisqasninta kasuychejpuni. Payta qhatiychejpuni, tukuy sonqowan, tukuy almawantaj kamachisusqaykichejta ruwaychej.

Josué 23:6

Kallpachakuychej ari, junt'aychejtaj imatachá Moisespa escribisqan libropi nishan chayta, ni uj chhikanta saqerispa.

1 Samuel 18:14

Davidta Señor yanapasqanrayku tukuy ruwasqasnimpi allillampuni rerqa.

1 Samuel 18:30

Chay jawari filisteos ukhumanta kurajkunasninku sapa kuti maqanakoj llojsejtinku, Davidpuni Saulpa tukuy waj kamachisninmanta nisqaqa astawan atipaj, chayraykutaj payqa tukuypaj allin qhawasqa karqa.

1 Samuel 18:5

Davidqa Saul maymanchá kachaj chayman rej, tukuy imatataj allintapuni ruwaj. Chayrayku Saulqa Davidta soldadosta kamachinampaj churarqa. Davidqa allimpaj qhawasqa karqa tukuy runaspa ñaupaqempi, jinallataj Saulpa soldadosnimpa kamachejkunasnimpajpis.