1 Pedro 5:9 - Qheshwa Biblia DC

⁹ Payman sinch'ita sayaykuychej feniykichejwan, yachaspa hermanosniykichejpis mundontimpi kikillantataj ñak'arishasqankuta.

DIOSPA QHELQACHISQAN DEUTEROCANONICAL

⁹ Diospi atinikusqaykichejpi sinch'ita sayaspa, Supayman sayaykuychej. Yachankichej jina, tukuy kay pachapi Diosta qhatej masiykichejkunapis qankuna jinallataj ñak'arispa kashanku.

DIOSPA QHELQACHISQ

⁹ Diospi atinikusqaykichejpi sinch'ita sayaspa, Supayman sayaykuychej. Yachankichej jina, tukuy kay pachapi Diosta qhatej masiykichejkunapis qankuna jinallataj ñak'arispa kashanku.

Quechua South Bolivia: Dios Parlapawanchej

⁹ Paypa contranpi sinch'ita sayaycucuychej Diospi confiacuspa. Yachanquichej Cristoraycu quiquin ñac'ariycunallapitaj taricuncu tucuynejpi caj hermanosniyquichejpis.

1 Pedro 5:9 ပူးပေါင်းရင်းမြစ်များ

San Lucas 22:32

Noqataj mañakuni feniyki ama pisiyanampaj. Qantaj noqaman kutirimuspa kallpachay wauqesniykita.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

1 Corintios 10:13

Qankunaqa kallpaykichejman jinalla tentaciontaqa aguantankichej. Diosqa cheqamin, manataj saqesonqachejchu tentasqa kanaykichejta, mana atipay atina tentacionwanqa. Astawanqa tentación jamojtin, Diosllataj yanapasonqachej imaynatachus chay tentacionmanta llojsinaykichejta, ajinapi atipayta atinaykichejpaj.

Efesios 4:27

Nillataj supaytapis kasuychejchu.

Efesios 6:16

Chay tukuywanqa astawan fepa escudonta jap'iychej. Chaywantaj supaypa tukuy larwashaj wach'inasninta thasnunaykichejpaj.

1 Timoteo 6:12

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

2 Timoteo 3:12

Ajinallatataj, tukuy Cristo Jesuspi Diosta yupaychajkunaqa ñak'arinankupuni tiyan qhatiykachasqas kaspa.

2 Timoteo 4:7

Allin tinkupi maqanakuniña, ruwanaytapis tukuychaniña, jinapis creespallapuni kani.

Hebreos 11:33

Paykunaqa creesqankurayku suyu kamachejkunata atiparqanku, cheqan kajta ruwarqanku, Diospa qonan kasqanta jap'erqanku, leonespa simisnintapis wisq'arqanku.

Hebreos 12:8

Manachus jasut'isqas kawajchej chayqa, imaynatachus tukuypis jasut'isqas kanku; wajcha wawaschá kawajchej, manataj cheqa wawaschu.

Santiago 4:7

Astawan Diosta kasuychej. Supaypa contrampi sayakuychej. Paytaj qankunamanta ayqekonqa.

1 Pedro 1:6

Chayrayku, kusisqas kashankichej, kunanqa tukuy imaymana llakiykunawan pisi tiempopaj ñak'arinaykichej kajtimpis, creesqaykichej llimphuman tukunampaj, yupaychakuyman, lliphipiyman, jatunchakuymantaj, Jesucristo rikhurimojtin. Creesqaykichejqa qorimanta aswan k'acha. Qoreqa tukukuyniyoj, chaywampis ninanejta ch'uwachasqa.

1 Pedro 2:21

Diosqa chaypajmin wajyasorqachej. Cristopis qankunarayku ñak'arerqa. Yachachiyta qankunapaj saqerqa, purisqanta purinaykichejpaj.

1 Pedro 3:14

Cheqanta kausaspachus imallatapis ñak'arinkichej chayqa, kusikuyniyojmin kankichej. Chayrayku, ama kharkatitispa paykunata manchachikuychejchu, nitaj musphaykachaychejchu.

1 Pedro 4:13

Astawanqa kusikuychej Cristoj ñak'arisqampi chayaqeyoj kasqaykichejmanta; payqa jatun kaynimpi rikhurimojtintaj, may kusiywan junt'asqa kanaykichejpaj.

Apocalipsis 1:9

Noqa, Juan, hermanoykichej, qankunawan khuska llakiypi, Jesucristoj reinompi, pacienciampitaj chayaqeyoj kani. Patmos nisqa churupi kasharqani Diospa palabranmanta, Jesucristomantawan willasqayrayku.

Apocalipsis 6:11

Yuraj p'achasta sapa ujninkuman qorqanku, nerqankutaj uj pisitawan samarinankuta, kamachi masisninku, hermanosninku ima junt'amunankukama. Paykunapis wañuchisqasllataj kananku tiyan.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.