1 Pedro 3:3 - Qheshwa Biblia DC

^3-4 K'achanchakuyniykichejqa ama jawallamantachu kachun, ñajch'akuypis ama runaj rikunallampaj; nitaj qorimanta ruwasqa k'acha imasta churakuspa, chayri valorniyoj p'achaswan p'achallikuspa; manachayqa, k'achanchakoyqa sonqoykichej ukhupi kachun, mana ismoj allinchakuywan, espiritupi, llamp'u sonqo kaypitaj kachun. Kay imasqa Diospa ñaupaqempi jatumpaj qhawasqa.

DIOSPA QHELQACHISQAN DEUTEROCANONICAL

³ Ama anchata k'achanchakuyta munaychejchu, may jinata umaykichejta t'ikanchaspa, nitaj ancha valorniyoj jaluchukunata churakuspa, nillataj may jina precioyoj p'achata churakuspa.

DIOSPA QHELQACHISQ

³ Ama anchata k'achanchakuyta munaychejchu, may jinata umaykichejta t'ikanchaspa, nitaj ancha valorniyoj jaluchukunata churakuspa, nillataj may jina precioyoj p'achata churakuspa.

Quechua South Bolivia: Dios Parlapawanchej

³ Ama yuyaychejchu jawa ricucojllata c'achachacuytaka. C'achachacuyniyquichejka ama cachunchu ni chujcha c'uyuska ni koriwan nitaj sumaj p'achaswanpis.

1 Pedro 3:3 ပူးပေါင်းရင်းမြစ်များ

Génesis 24:22

Camellos yakuta ujyayta tukojtinkutaj kamacheqa uj qori sortejata orqhorqa, chaytaj karqa sojta gramos jina; chaytataj sipaspa senqanman warkhuykorqa. Chanta iskay qori brazaletesta qollarqtaj, chaytaj karqa pachaj gramos jina.

Génesis 24:47

Chaymantataj taporqani: Pejpa ususintaj kankiri?, nispa. Paytaj niwarqa: Noqaqa Betuelpa wawan kani, Nacorpata Milcajtawan allchhinku. Niwajtinkamataj senqanman warkhuykorqani sortejata, makisninmantaj brazaletesta.

Génesis 24:53

Chaymantataj q'episninmanta orqhorqa ashkha imasta qolqemanta, qorimanta, chanta p'achastawan, jinaspataj Rebecaman jaywarqa. Chanta qollarqataj turanman, mamanmanwan.

2 Reyes 9:30

Chanta Jehoqa Jezreelman jamporqa. Jezabeltaj chayta yachaytawan, ñawisninta pintaykukorqa, chujchasnintapis simp'aykukorqa. Ventanamantataj payta qhawaj chimpaykorqa.

Ester (hebreo) 5:1

Kinsa p'unchaymantawan Esterqa reina p'achasta churaykukuspa, reypa palaciompa ukhu kaj pationman yaykorqa, maypichus reyqa tiyasqa kamachinampi kasharqa chay salaj ñaupaqenman. Chaytaj punku yaykuy cheqan chimpapi karqa.

Salmos 45:9

Reyespa ususisninku muyuykusunku. Tiyakunaykej pañampitaj Ofirmanta qoriwan k'achanchasqa, reina kashan.

Éxodo 3:22

Sapa uj warmi mañanqa qayllampi kaj warmismanta, chayri piwanchus tiyakun chaymanta, imaschus qolqemanta, qorimanta, ruwasqasta, p'achasta ima. Chaykunata qhari wawasniykichejman qonkichej, jinallataj warmi wawasniykichejmampis, paykuna churakunankupaj. Ajinamanta Egiptota ch'usajta saqenkichej tukuy kapuyninkumanta.

Éxodo 32:2

Aarontaj nerqa: Warmisniykichejpa ningrimpi kashan chay qori faluchost apamuychej, jinallataj qhari wawasniykichejpata, warmi wawasniykichejpatawan.

Éxodo 33:4

Señorpa sinch'i palabranta uyarispa israelitasqa mayta llakikorqanku, ni mayqenninku ima k'achanchakunasninta churakorqankuchu.

Éxodo 35:22

Ajinata jamorqanku qharis warmis ofrendas aparisqas, mashkhatachus sonqonkupi qoyta munasqankuman jina. Chaypi apamorqanku kaykunata: Jap'ichinasta, faluchosta, qori sortejasta, walqasta, imaschus qorimanta ruwasqa karqa chaykunatawan. Ajinata Señorman ofrendasta apamorqanku.

Éxodo 38:8

Chaymantaqa Bezaleel ruwallarqataj uj broncemanta uj ch'illamita, Diospa tinkukuna toldo punkupi sirvej warmispa espejosninkumanta. Ajinallataj sayaynintapis.

Isaías 52:1

Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Jeremías 2:32

Qonqakapunmanchu uj warmi chay k'achanchakunasninmanta, jinallataj casarakapoj warmi k'achanchakunasninta? Chaywampis aylloyqa astawanraj noqamantaqa qonqakaporqa.

Jeremías 4:30

Qanrí, raqayllaña kaj llajta, Imapajtaj puka p'achaswan p'achallikunkiri? Imapajtaj qori k'achanchanaswan k'achanchakunkiri? Imapajtaj ñawisniykita yanawan tiñikunkiri? Mana imapaj allinchu kasonqa chay k'achanchakusqasniykeqa, tukuy munapayasojkunaqa qhesachasunkuña, astawampis wañuchinasunkupaj mask'ashasunku.

Ezequiel 23:40

Karu llajtasmanta qharista pusachimorqanku, paykunataj jamorqanku. Chaykunata munakuspa mayllakorqanku, ñawisninkuta jawikorqanku, walqasta churakuspa k'achachakorqanku, chay qharista jap'iqanankupaj.

Romanos 12:2

Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.