1 Juan 1:3 - Qheshwa Biblia DC

³ Imatachus rikusqaykuta, chay uyarisqaykuta ima, qankunaman willamuyku; qankunapis uj sonqolla noqaykuwan kanaykichejpaj, imaynatachus noqaykupis ujlla kayku Dios Tatawan Jesucristo Churinwampis.

DIOSPA QHELQACHISQAN DEUTEROCANONICAL

³ Ajinaqa imatachus rikusqaykuta, chantá uyarisqaykuta ima qankunaman willayku, qankuna uj sonqolla noqaykuwan kanaykichejpaj, imaynatachus noqaykupis Tata Dioswan, chantá Churin Jesucristowan uj sonqolla kayku, ajinata.

DIOSPA QHELQACHISQ

³ Ajinaqa imatachus rikusqaykuta, chantá uyarisqaykuta ima qankunaman willayku, qankuna uj sonqolla noqaykuwan kanaykichejpaj, imaynatachus noqaykupis Tata Dioswan, chantá Churin Jesucristowan uj sonqolla kayku, ajinata.

Quechua South Bolivia: Dios Parlapawanchej

³ Ricuskaycuta uyariskaycutawan kancunaman willashaycu nokaycuwan ujchaska uj yuyaylla causacunayquichejpaj. Chekamanta tucuy nokanchej uj yuyaylla canchej Dioswan paypa Wawan Jesucristowan.

1 Juan 1:3 ပူးပေါင်းရင်းမြစ်များ

Job 13:1

Kay tukuy imastaqa kikin ñawisniywan rikuni; ningrisniywampis uyarini imaschus kajta.

Salmos 2:7

Tukuymantaj willasaj Señorpaj kamachisqanta. Payqa niwan: Qanqa waway kanki, kunan noqa kausayta qoyki.

Salmos 22:22

Qanmanta noqa parlasaj wauqesniyman. Tantakojkunawantaj yupaychasqayki.

Isaías 66:19

Paykunaj chaupinkuman uj señalta churasaj. Paykunamanta ujnin ayqekoj kajtataj kay nacionesman kachasaj: Tarsisman, Libiaman, flechayta yachaj Lidiaman, chantaqa, Tubalman, Greciaman, mar qocha cantospi karupi tiyakojkunaman. Paykuna noqamanta mana yachankuchu, manataj k'anchayniytapis imaynachus kasqanta rikunkuchu. Chaykunaman ima kachasaj. Imaynachus atiyniy kasqanta paykuna tukuy nacionesman willanqanku.

Números 10:32

Sichus qan noqaykuwan rinki chayqa, ima allinkunastachus noqaykuman Señor qowasqayku, chayta qampis jap'illankitaj.

San Juan 17:11

Noqa manaña mundopichu kasaj. Paykunataj mundopi qhepakonqanku, noqataj qanman jampusaj. Sumaj Tatáy, noqapi creejkunata sutiykipi waqaychay, paykuna uj sonqolla kanankupaj, qanwan noqawan ujlla kanchej, ajinata.

San Juan 17:25

Cheqan kaj Tatáy, mundoqa mana rejsisorqachu, noqataj rejsiyki, paykunataj yachankuña qan kachamuwasqaykita.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

San Juan 19:35

Chayta rikojqa willan. Chay willasqantaj cheqapuni; pay yachan cheqata nisqanta, qankunapis creenaykichejpaj.

Hechos 13:32

Ajinata noqaykoqa, evangeliomanta qankunaman willashayku, imatachus ñaupa tatasninchejman Dios qosqaykichej nisqanta.

Hechos 13:41

Qhawakuychej qhesachajkuna, t'ukuychej, chinkariychejtaj. Noqa Diosmin uj ruwanata ruwasaj p'unchayniykichejpi. Chay ruwasqayta pillapis willasunkichejman chayqa, qankunaqa mana creewajchejchu.

Hechos 2:42

Sumajta sayaspa, apostolespa yachachisqanta qhatisharqanku, ujchasqastaj karqanku. T'antata partispa khuska mikhoj kanku, Diosmantataj mañakuspa.

Hechos 4:20

Mana ch'in kayta atiykumanchu. Willanaykupuni tiyan imatachus yachasqaykuta, rikusqaykuta, uyarisqaykuta ima.

Romanos 15:27

Kay ruwasqankoqa gentilesman allin rijch'arqa; imaraykuchus creejkuna judiosman manu karqanku. Gentileschus Espirituman jina paykunamanta jap'erqanku chayqa, gentilespis ajinallatataj, kay pachapi kapuyninkuwan, creejkuna judiosta yanapananku tiyan.

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

1 Corintios 1:9

Diosqa junt'ampuni nisqanta, payraykutaj wajyasqas karqankichej, Churin Jesucristo Señorninchejwan khuska kanaykichejpaj.

1 Corintios 15:1

Kunanqa, hermanos, yuyarichiykichej evangeliomanta willasqayta. Chaytataj qankunapis jap'erqankichej, chaypitaj qankuna sinch'ita sayashankichej.

2 Corintios 13:14

Señor Jesucristoj khuyakuynin, Diospa munakuynin, Santo Espíritoj ujchakuyninwan, tukuy qankunawan kachun. Amén.

Efesios 3:6

Gentilkunaqa, chay kikin chayaqellatataj jap'enqanku judioswan ujllaña kaspa. Diospa qosqayki nisqantapis Cristo Jesuspi jap'illanqankutaj evangelionejta.

Filipenses 1:7

Allimpuni noqapajqa, qankunamanta yuyanayqa; imaraykuchus sonqoypi jap'iykichej. Carcelpi kashajtiypis, evangeliota willashajtiypis tukuy qankuna noqawan khuska kusikorqankichej, Diospa khuyakuynimpi.

Filipenses 2:1

Chayrayku, sichus Cristopi tiyan ima sonqochakuypis, Espíritoj ujchakuynimpis, tukuy sonqo munakuypis, ima khuyakuypis chayqa, kusikuywan sonqoyta junt'aykuchiychej; uj sonqolla kaspa uj kikin munakuywan, ujchakuspa uj yuyaylla kaspa imapipis.

Colosenses 1:13

Dios, laqhaj atiyninmanta orqhospa, munasqa Churimpa reinonman pusawarqanchej.

1 Tesalonicenses 1:10

Willallankutaj qankuna janaj pachamanta Diospa Churinta suyashasqaykichejta, pitachus Dios wañusqakunamanta kausarichimorqa. Chaytaj Jesús. Pay jamoj k'ajaj phiñakuymanta salvawarqanchej.

1 Timoteo 6:2

Creej patronesniyoj kajkunaqa, paykunata ama qhesachachunkuchu hermanos kasqankurayku. Astawanqa allinta patronespa kamachisqankuta ruwachunku, creejkuna kasqankurayku, imaraykuchus kapuyninmanta yanapata jap'ejkunaqa, munasqa hermanos kanku. Kayta yachachiy, yuyaychaytaj:

Hebreos 2:12

Ajinallatataj nin: Hermanosniyman sutiykita willasaj, iglesia chaupipitaj takispa yupaychasqayki.

Hebreos 3:1

Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

Hebreos 3:14

Cristowan chayaqeyoj kanchej; sichus creesqanchejta, qallariymanta tukukuykama sinch'ita jap'isunchej chayqa.

1 Pedro 5:1

Qankuna ukhupi kurajkuna kajkunamanta mañakuni, noqapis paykuna jina kurajllataj kaspa; Cristoj ñak'arisqasninta rikorqani, ajinallatataj chayaqeyoj kani, paypa k'anchaynin rikuchikojtin.

2 Pedro 1:16

Señorninchej Jesucristoj atiyninmanta, jamuyninmantawan qankunaman yachacherqayku chay imasqa, mana wakichisqa, nitaj qhasi mana kaj parlaywanchu, astawanqa, noqaykupuni paypa jatun k'anchayninta rikorqayku.

1 Juan 1:1

Kausayta qoj Palabramanta qankunaman escribimuyku. Kay Palabraqa ñapis karqaña kay pacha qallarikushajtin. Noqayku paymanta qankunaman willamuyku imatachus uyarisqaykuta, imatachus ñawisniykuwan rikusqaykuta, imatachus qhawasqaykuta, imatachus makisniykuwan payta llankhasqaykuta ima.

1 Juan 1:5

Kay yachachiyta Jesucristomanta uyarerqayku, qankunamantaj willamuyku: Diosqa k'anchaymin, manataj paypeqa ni ima laqhayajpis kanchu.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.