1 Corintios 8:3 - Qheshwa Biblia DC

³ Sichus mayqempis Diosta munakunman chayqa, Diospis payta rejsin.

DIOSPA QHELQACHISQAN DEUTEROCANONICAL

³ Pichus Diosta munakun, chaytaqa Dios paypata kasqanta rejsikapun.

DIOSPA QHELQACHISQ

³ Pichus Diosta munakun, chaytaqa Dios paypata kasqanta rejsikapun.

Quechua South Bolivia: Dios Parlapawanchej

³ Dioska rejsinmin payta munacojtaka.

1 Corintios 8:3 ပူးပေါင်းရင်းမြစ်များ

1 Reyes 3:3

Salomonqa Señorta munakoj, tatan Davidpa kamachisqasninman jina purispa, chaywampis payqa lomas pata altarespi uywa ñak'asqasta jaywaj, inciensota ima q'osñichej.

Salmos 1:6

Señorqa cheqan runaspa ñanninta rejsin, sajra runaspa ñanninrí chinkayman pusan.

Salmos 17:3

Sonqoypi imachus kasqanta qan yacharqanki, ch'isin watoj jamuwarqanki. Ninaman churawarqanki yachanawaykipaj, manataj ima sajratapis noqapi tarerqankichu. Simiyta ama pantananta nerqani.

Éxodo 33:12

Moisesqa Señorman nerqa: Qhawariy, qan niwarqanki noqaman: Kay runasta orqhoy, nispa; manataj sut'inchawankichu pitachus kachamunawaykita noqawan rinampaj. Chaywampis qan niwarqanki, noqa qanta allintapuni rejsiyki, nispa. Chanta nillawankitaj: Noqapi khuyakuyta tarinki, nispa.

Éxodo 33:17

Chaymanta Señorqa Moisesman nerqa: Kay tukuy imasta niwasqaykitaqa ruwasaj, qan noqapi khuyakuyta tarisqaykirayku, noqa qantaqa allintapuni rejsiyki.

Nahúm 1:7

Señorqa may k'achamin, waqaychan Paypi confiajkunataqa, waqaychantaj Paypi confiakojkunataqa.

San Mateo 7:23

Chaypachataj paykunaman nisaj: Ni jayk'aj qankunata rejserqaykichejchu; t'aqakuychej noqamanta sajrata ruwajkuna.

San Juan 10:14

Noqa sumaj michej kani: Ovejasniyta rejsini, noqajta kajkunataj rejsiwanku.

San Juan 21:17

Kinsa kaj kutipi nillarqataj: Simón, Jonaspa churin, munakuwankichu? Pedrotaj llakikorqa, kinsa kutikama munakuwankichu?, nisqanmanta. Kuticherqataj: Señor, qan tukuy imata yachanki, munakususqaytapis yachanki. Jesustaj payman nerqa: Ovejasniyta michipuway.

Romanos 11:2

Diosqa ayllunta mana qhesachanchu, imaraykuchus ñaupajmantapacha rejserqa. Chayrí, manachu yachankichej escribisqapi imatachus Eliasmanta nisqanta? Imaynatachus pay Israelpa contranta Diosman willakusqanta?, nispa: Señor, profetasniykita wañurachinku, altaresniykitapis urmarachinku, noqallaña qhepakuni; kunanrí noqatañataj wañuchiwayta munashanku.

1 Corintios 13:12

Kunanqa rikunchej espejopi jina chharpullata; qhepamantaj uyapura rikunakusunchej maychus kajta. Kunanqa wakillantaraj rejsini, qhepamantaj allinta rejsisaj, imaynatachus Dios noqata rejsiwan ajinata.

1 Corintios 2:9

Imaynachus escribisqapi kasqanman jina: Imatachus ñawi mana rikorqachu, nitaj ningri uyarerqachu, nillataj sonqonkupi yuyarqankuchu, chaykunatataj Dios wakicherqa payta munakojkunapaj.

Gálatas 4:9

Kunanqa Diosta rejsishaspa, chayrí Diospa rejsisqasnin kaspa, imaraykutaj ujtawan mana kallpayoj, wajcha yachachiykunaman kutiripuyta munankichej kamachisnin jina?

2 Timoteo 2:19

Diospa cimiento churasqanqa sumajta sayan, kay jina selloyoj: Señorqa paypata kajkunata rejsin. Juchamanta t'aqakuchun pichus Señorpa sutinta oqharejqa.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

1 Pedro 1:8

Jesucristotaqa munakunkichej mana rikuspalla; kunanqa mana rikuspalla paypi creenkichej, kusikunkichejtaj mana niy atina kusiywan, janaj pacha jatun k'anchaywan ima.

1 Juan 4:19

Noqanchejqa Diosta munakunchej, pay ñaupajta munakuwasqanchejrayku.

1 Juan 4:7

Munakusqasníy, purajmanta munanakunachej. Munakoyqa Diosmantamin. Munakojqa Diospa wawan, Diostataj rejsin.

Apocalipsis 2:13

Noqa yachani tiyakusqaykita maypichus Santanás chaypi. Sutiytapis jap'ishallankiraj, manaraj creeytapis qhesachashankichu. Ni cheqan willajniy Antipas kausharqa chay p'unchayllapipis. Paytaqa wañucherqanku qankuna ukhupi, maypichus Satanás tiyan chaypi.

Apocalipsis 2:19

Noqa rejsini ruwasqasniykita, munakuyniykita, creesqaykita, yanapasqaykita, pacienciaykitapis. Ajinallatataj chay qhepa ruwasqasniykitapis, ñaupaj kajkunamanta nisqaqa, aswan sumaj kasqankuta yachani.

Apocalipsis 2:9

Rejsini llakiyniykita, pisipasqa kasqaykitapis. Chaywampis qhapaj kanki. Yachani qampaj sajrata rimasqankuta judíos kayku nikojkuna. Paykunaqa mana judioschu, astawanqa Satanaspa tantakuna wasi kanku.