1 Corintios 8:1 - Qheshwa Biblia DC

¹ Lantikunaman mikhuna jaywasqasmanta tukuy yachanchej; chay yachaytaj qhasi mana kajta umata oqharichin; munakuyrí Espirituman jina wiñachin.

DIOSPA QHELQACHISQAN DEUTEROCANONICAL

¹ Kunanqa lantikunaman jaywasqa mikhunamanta tapuwasqaykichejman kutichiyta munani. Tukuyninchej kaymanta yachanchejña. Chaywanpis yachayniyoj kanaqa may kasqanchejta yuyachiwanchej. Munakuyniyoj kanarí iglesiata kallpachan.

DIOSPA QHELQACHISQ

¹ Kunanqa lantikunaman jaywasqa mikhunamanta tapuwasqaykichejman kutichiyta munani. Tukuyninchej kaymanta yachanchejña. Chaywanpis yachayniyoj kanaqa may kasqanchejta yuyachiwanchej. Munakuyniyoj kanarí iglesiata kallpachan.

Quechua South Bolivia: Dios Parlapawanchej

¹ Kancuna tapuwarkanquichej waj dioscunaman jaywaska miqhunamanta. Ninquichejjina tucuymin yachayniyoj canchej. Yachayka runata jatunchacuyman apan; munacuyrí hermanosta Señorpi wiñachin.

1 Corintios 8:1 ပူးပေါင်းရင်းမြစ်များ

Isaías 47:10

Qanqa sajra ruwasqasniykiman atienekuspa nerqanki: Mana pipis rikuwanchu, nispa. Qantaqa imatachus yachasqaykiwan, yachaynillaykiwantaj ch'aukiyasunku. Qantaj sonqoykipi nerqanki: Noqalla kani. Noqamanta astawan wajqa mana kanchu.

Isaías 5:21

Ay qankunaqa yachayniyoj kasqaykichejta creekunkichej, may yuyayniyoj kasqaykichejta yuyakunkichej!

Números 25:2

Chay warmis pusarqanku lantisninkuman uywa wañuchisqasta jaywasharqanku chaykunaman. Israelitastaj chay mikhuykunasta mikhuysikorqanku, yupaycharqankutaj moabitaspa lantisninkuta.

Hechos 15:10

Kunanrí, imaraykutaj Diosmanta iskayrayankichejri, creejkunaman llasa q'epita jina kamachiykunata qospa, mayqenkunatachus mana ñaupa tatasninchej, nitaj noqanchejpis junt'ayta aterqanchej chayta.

Hechos 21:25

Gentilesmanta creejkunaman, ñapis cartata apacherqaykuña, willachispa, lantikunaman jaywasqa aychata ama mikhunankuta, nitaj yawarta, nillataj jeq'eqasqa uywastapis, amataj qhenchachakunankuta.

Romanos 11:25

Hermanos, kay pakasqa yachaytaqa rejsinaykichejta munani, ama yachaysapas kasqaykichejta yuyakunaykichejpaj. Wakin israelitaspa sonqon rumiyarqa gentilespa salvacionnin junt'akunankama.

Romanos 12:16

Uj sonqolla kaychej qankuna ukhupi; ama jatunchakuspa llamp'u sonqo kajkunawan kausakuychej. Amataj qankunaj yuyayniykichejpi yachaysapas kaychejchu.

Romanos 14:10

Qanrí, imaraykutaj hermanoykita juzganki? Chayrí, imaraykutaj hermanoykita qhesachanki? Tukuyninchej cheqanchasqas kasunchej Diospa ñaupaqempi.

Romanos 14:14

Noqa yachani, yuyanitaj Señor Jesuspi, mana imapis pay kikinmanta ch'ichi kasqanta. Astawanqa pichus yuyan imallapis ch'ichi kasqanta chayqa, payllapaj chay imasqa ch'ichi kashan.

Romanos 14:19

Ajinaqa, imachus sonqo tiyakuyta apamun, chayta qhatina, purajmanta kallpachankuspa.

Romanos 14:22

Tiyanchu feniyki? Feqa tiyapusuchun Diospa ñaupaqempi. Kusikuyniyojmin pichus pay kikin mana pantajqa, chay imatachus allimpaj yuyasqampi.

Romanos 14:3

Tukuy imata mikhojqa ama qhawarachunchu mana tukuy imata mikhojtaqa. Mana mikhojpis ama qhawarachunchu chayta mikhojtaqa; imaraykuchus Diosqa chay runata paypaj ajllarqa.

Romanos 15:14

Hermanosníy, noqa allinta yachani qankuna khuyakuywan, tukuy yachaywan junt'a kasqaykichejta, qankunapura sonqochanakunaykichejpaj.

1 Corintios 1:5

Tukuy imapi qhapajyachisqas kankichej Cristorayku, tukuy parlaypi, tukuy yachaypi ima.

1 Corintios 10:15

Parlaykichej yuyayniyoj runasman jina. Qankuna kikiykichej kay nisqayta unanchaychej.

1 Corintios 10:28

Sichus pipis chaypi willasunkichejman: Kay aychaqa lantikunaman jaywasqa karqa nispa chayqa, ama mikhuychejchu chay willasqanrayku, chantá concienciaraykutaj; [imaraykuchus Señorpata jallp'aqa, tukuy ima junt'a kasqanwan].

1 Corintios 14:20

Hermanos, yuyaypeqa ama wawas jina kaychejchu, astawanqa sajra yuyaypaj wawas jina kaychej. Machu runas jina allinta yuyaychej.

1 Corintios 15:34

Qankuna rijch'ariychej sumaj cheqan kausayman, amataj juchalliychejchu; imaraykuchus wakin qankunamanta Diosta mana rejsinkuchu. Kayta nini qankuna p'enqakunaykichejpaj.

1 Corintios 4:10

Noqaykoqa Cristoj munakuyninrayku mana yuyayniyoj jina kayku; qankunataj may yachayniyoj Cristopi kankichej. Noqayku pisi kallpas kayku, qankunataj sinch'is kankichej. Runaspajpis may allimpaj qhawasqas kankichej, noqaykutaj qhesachasqas.

1 Corintios 4:18

Qankunamanta wakin mayta wapuykachashanku, yuyaspa noqa manaña mayk'aj watukoj jamunayta.

1 Corintios 4:6

Hermanos, qankunata munakusqayrayku kay imasta willaykichej, noqamantawan Apolosmantawan yachakunaykichejpaj. Escribisqamanta astawanqa ama yuyaychejchu; pajtataj uj runarayku qankunapura qhesachanakuspa may wapus kawajchej.

1 Corintios 5:2

Qankunarí wapus kashankichej! Manachu astawanqa llakikunaykichej karqa, chay jinata ruwasqanmanta, chay jina juchallikoj runata qankuna ukhumanta qharqosqa kanampaj?

1 Corintios 5:6

Mana allinchu wapuykachanaykichejqa. Manachu yachankichej pisi levaduralla tukuy masata poqochisqanta?

1 Corintios 8:2

Pillapis yuyanman imatapis yachasqanta chayqa, manaraj imatapis yachanchu, imaynatachus yachananta.

1 Corintios 8:4

Chay mikhunata lantikunaman jaywasqamantaqa, yachanchej jina, lanteqa mana imachu kay pachapeqa. Yachallanchejtaj uj k'ata Dioslla kasqanta.

1 Corintios 8:7

Manataj tukuychu yachanku kaykunasta; wakenqa kunankama yachasqas kanku lantikunaman jaywasqa mikhunaman, concienciankutaj pisi kallpayoj kaspa ch'ichichakun.

Efesios 4:16

Paynejta tukuy cuerpoqa allin wakichisqa kashan. Pay kikimpi tukuy iman sumaj t'inkisqa ankuswan ujllaman tukunku, yanapanakuspa maychus sapa uj ruwasqanman jina; sayankutaj munakuypi sayachinakuspa.

Colosenses 2:18

Ama pipis t'inkaykichejta qhechusuchunchu llamp'u sonqoman tukuspa, angelestataj yupaychaspa. Paykunaqa mana rikusqallankuman sat'ikunku, qhasi mana kajta runaykachankutaj sajra yuyayninkuman jina.

Apocalipsis 2:14

Chaywampis uj pisi imas contraykipi tiyapuwan: Balaampa yachachiyninwan kajkunata chaypi jap'ikushanki. Payqa Balacta yachacherqa Israelpa churisnimpa ñaupaqenman misk'anata churananta, lantikunaman jaywasqata mikhunankupaj, qhenchachakunankupaj ima.

Apocalipsis 2:20

Chaywampis uj ima qampa contraykipi tiyapuwan: Chay Jezabel warmita, Diosmanta sut'inchaj kani nikojta saqenki yachachinanta, kamachisniytataj ch'aukiyananta, qhenchachakunankupaj, chay lantikunaman jaywasqasta mikhunankupaj ima.