1 Corintios 6:9 - Qheshwa Biblia DC

^9-10 Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.

DIOSPA QHELQACHISQAN DEUTEROCANONICAL

⁹ Manachu yachankichej mana cheqan kajta ruwajkunaqa Diospa kamachiyninman mana yaykunankuta? Ama q'otiyachikuychejchu: Khuchichakuypi purejkuna, lantikunata yupaychajkuna, warminkuta qosankuta wasanchaspa wajwan khuchichakojkuna, qhari kashaspa warmiman tukojkuna, qharipura jinanakojkunapis Diospa kamachiyninman mana yaykonqankuchu.

DIOSPA QHELQACHISQ

⁹ Manachu yachankichej mana cheqan kajta ruwajkunaqa Diospa kamachiyninman mana yaykunankuta? Ama q'otiyachikuychejchu: Khuchichakuypi purejkuna, lantikunata yupaychajkuna, warminkuta qosankuta wasanchaspa wajwan khuchichakojkuna, qhari kashaspa warmiman tukojkuna, qharipura jinanakojkunapis Diospa kamachiyninman mana yaykonqankuchu.

Quechua South Bolivia: Dios Parlapawanchej

⁹ Sumajta yachanquichej mana chekanta ruwajcunaka mana yayconkancuchu janaj pachaman. Ama pantaychejchu. Ni khenchas, ni ruwaska dioscunata yupaychajcuna, ni millaycuna, ni kharipura cuerposwan juchallicojcuna,

1 Corintios 6:9 ပူးပေါင်းရင်းမြစ်များ

Génesis 19:5

Lottataj qhaparerqanku: Maytaj kunan ch'isi wasiykiman chayamorqanku chay qharis? Paykunawan puñuyta munayku. Orqhomuy, nispa.

Éxodo 23:1

Ama llullakuspa imatapis willankichu sajra runata yanapaychu qhasi mana kajta juraspa.

Proverbios 11:1

Señorqa chejnikun mana cheqan kaj pesasta, cheqan pesastarí munakun.

Proverbios 22:8

Sajrata tarpojqa sajrallatataj cosechanqa; sajra imasta ruwanampaj atiynintaj chinkachisqa kanqa.

Proverbios 7:27

Chay warmej wasinman reyqa, wañuy ñanta jap'iriyman ninakun.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Levítico 18:20

Ama runa masiykej warminwan puñuykapunkichu, ajinamanta qanqa mana llimphupajchu qhawasqa kanki.

Levítico 18:22

Ama pi qhariwampis puñuykapunkichu, warmiwampis puñushawaj jina; chayqa millay juchamin.

Levítico 19:15

Sichus qan juez kanki chayqa, cheqanta ruwanki, ama wajchaman sayakuspa, nitaj qhapajman sayakuspa. Cheqan juiciota qanqa ruwanki.

Levítico 20:13

Sichus uj qhari waj qhariwan puñuykapunman warmiwampis puñushanman jina chayqa, iskayninku wañuchisqas kanqanku, imaraykuchus jatun millay juchata ruwanku. Paykunalla wañuyninkumanta juchayoj kanku.

Zacarías 5:3

Paytaj niwarqa: Chaypi tukuy jallp'aj maldicionninmanta qelqasqa kashan. Puraj ladopi escribisqa kasqanman jinaqa, pipis suwajqa chayri pipis qhasimanta jurajqa, mana jasut'isqapunichu kanqa.

San Mateo 19:29

Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

San Lucas 21:8

Jesustaj nerqa: Allinta qhawakuychej, amataj ch'aukiyachikuychejchu, imaraykuchus ashkhas sutiypi jamonqanku, noqa Cristo kani, nispa. Kunanqa tiempoman qayllaña. Ama ari, qhepankuta riychejchu.

Hechos 20:32

Kunantaj Diosman saqeykichej, sonqochaj palabranman ima. Payqa atiyniyoj kallpachanampaj, chayaqeykichejta pis qonampaj tukuy ajllasqasman ima.

Hechos 24:25

Pablota parlajta uyarispataj cheqan kajta ruwanamanta, ama qhenchachakunamanta, jamoj juicio p'unchaymanta ima, Felixqa mancharikorqa, Pablotataj nerqa: Kunanqa ripullayña, waj p'unchaypi wajyachillasqaykitaj.

Romanos 1:18

Diospa phiñakuynenqa janaj pachamantapacha rikuchikun, Diosta mana yupaychajkunaj contrampi, mana cheqan kajta ruwajkunapaj ima. Paykunaqa mana cheqan kayninkuwan, cheqan kajta jark'ashanku.

1 Corintios 15:33

Ama ch'aukiyachikuychejchu. Sajra parlajkunawan puriy allin yachasqa ruwaykunata chinkachin.

1 Corintios 15:50

Kayta niykichej, hermanos: Aychawan, yawarwan ima, mana atinkumanchu Diospa reinonta chayaqepaj jap'iyta, nitaj ima ismoj kajpis atinmanchu chayaqepaj jap'iyta mana ismoj kajta.

1 Corintios 3:16

Manachu yachankichej Diospa templon kasqaykichejta, Diospa Espirituntaj qankunapi kashasqanta?

1 Corintios 5:1

Cheqamanta qankuna ukhupi qhenchachakuy kasqan uyarikun. Chay jina qhenchachakoyqa gentilespurapipis mana kanchu. Uj runa qankuna ukhupi tatampa warminwan kashan.

1 Corintios 5:10

Manataj chaykamapunichu nerqaykichej ithirikunaykichejta, kay pachapi qhenchasmanta, mich'asmanta, suwasmanta, lanti yupaychajkunamanta ima. Jina kanman chayqa, llojsipunaykichejchá kanman kay mundomanta.

1 Corintios 5:11

Chay cartapeqa nimorqaykichej ama tantakunaykichejta ni mayqenwan, hermano sutiyoj kashaspa qhenchachakojwan, mich'akojwan, chayri lanti yupaychajwan, runa masimpaj sajrata rimajwan, chayri machaykojwan, suwakojwan; chay jina runawanqa ama mikhullaychejpischu.

1 Corintios 6:18

Ayqeychej qhenchachakuymanta. Pillapis waj ima juchata ruwanman chayqa, cuerponmanta jawapi kashan. Pichus qhenchachakojqa cuerpompa contrampi juchallikun.

1 Corintios 6:19

Manachu yachankichej cuerpoykichejqa Santo Espíritoj templon kasqanta? Payqa qankunapi kashan. Payta Dios qosunkichej, manataj qankunajtachu kankichej.

1 Corintios 9:24

Manachu yachankichej pujllana kanchapi correjkunamanta? Cheqamanta tukuy correnku, chaywampis ujlla t'inkataqa jap'in atipasqanrayku. Qankunapis correychej t'inkata jap'inaykichejkama.

2 Corintios 12:21

Manchachikullanitaj, kutimojteyqa Diosniy k'umuykachachinawanta qankuna ukhupi. Ichapis waqanay kanqa, chay ashkha, ñaupajta juchallikojkunamanta, Diosman mana kutirisqankumanta, nitaj saqesqankumanta millay kausayninkuta, qhenchachakuyta, aychaj sajra munaynintapis.

Gálatas 6:7

Ama ch'aukiyakuychejchu; Dioswanqa mana pujllakuy kanchu; chayrayku runa imatachus tarpun, chayllatataj oqharenqa.

Deuteronomio 22:22

Sichus uj qhareqa casada warmiwan puñushaspa taripachikunman chayqa, iskayninku wañuchisqas kanqanku. Ajinamanta Israel ukhupi chay jina millay juchata chinkachinkichej.

Deuteronomio 22:5

Warmeqa mana qhari p'achata churakunanchu tiyan, nitaj qharipis warmi p'achata churakunanchu tiyan; kaykunata ruwajkunataqa Señor Diosniykichej millachikun.

Deuteronomio 23:17

Israel ukhupi mana kanqachu qhenchachakoj warmis, chayri qharispis. Imaynatachus mana cheqan Diospi creejkunaqa templosninkupi ruwanku ajinata.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

Hebreos 12:14

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

Hebreos 12:16

Ama pipis sajrata purichunchu, Diosta mana kasoj Esaú jina, pichus uj mikhunaraykulla kuraj kayninta chhalarqa.

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

Santiago 1:16

Munasqa hermanosníy, ama pantaychejchu.

1 Juan 3:7

Wawitasníy, ama piwampis ch'aukiyachikuychejchu. Pichus cheqan kajta ruwajqa, cheqan runa; imaynatachus Jesucristopis cheqan, ajina.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Jueces 19:22

Sinch'i kusiypi karishajtinkutaj, chay llajtamanta aswan sajra runas kajkuna wasita muyuykorqanku, punkutataj takayta qallarerqanku, nerqankutaj chay wasiyoj machu runata: Chay chayaqamoj runata orqhomuy! Paywan puñuyta munayku!, nispa.