1 Corintios 4:14 - Qheshwa Biblia DC

¹⁴ Kayta escribimuykichej mana qankunata p'enqachinaypajchu, astawanqa k'amimuykichej munasqa wawasniyta jina.

DIOSPA QHELQACHISQAN DEUTEROCANONICAL

¹⁴ Ajinata nispa noqa qhelqamuykichej mana qankunata p'enqachinaypajchu, aswanpis munasqa wawaykunata jina k'amisunaykichejpaj.

DIOSPA QHELQACHISQ

¹⁴ Ajinata nispa noqa qhelqamuykichej mana qankunata p'enqachinaypajchu, aswanpis munasqa wawaykunata jina k'amisunaykichejpaj.

Quechua South Bolivia: Dios Parlapawanchej

¹⁴ Cay imasta kelkamushayquichej mana p'enkacunayquichejpajchu. Manachayrí kancunata c'amiyta munani munaska wawasniytajina.

1 Corintios 4:14 ပူးပေါင်းရင်းမြစ်များ

Ezequiel 3:21

Cheqanta kausashaj runatachus reparachispa k'amiykunki ama juchallikunanta; manataj pay juchallinmanchu chayqa kausallanqapuni, imaraykuchus reparachisqaykita kasukorqa, qantaj kausayniykita salvanki.

Hechos 20:31

Chayrayku ama puñuspa qhawakuychej, yuyarikuspa imaynatachus kinsa wata junt'ata, tuta p'unchay waqayniywan sapa ujniykichejta yuyaycharqaykichej.

1 Corintios 15:34

Qankuna rijch'ariychej sumaj cheqan kausayman, amataj juchalliychejchu; imaraykuchus wakin qankunamanta Diosta mana rejsinkuchu. Kayta nini qankuna p'enqakunaykichejpaj.

1 Corintios 4:15

Chayrayku, chunka waranqa yachachejkunasniyojpis kawajchej Cristopi chayqa; mana ashkha tatasniyojchu kankichej; imaraykuchus noqa Cristo Jesuspi evangelionejta yumarqaykichej.

1 Corintios 4:17

Chaypajtaj kachamorqaykichej munasqa waway Timoteota, sinch'ita Señorpi sayasajta. Payqa yuyarichisonqachej imaynachus Cristopi kausayniy kasqanta, imaynatachus tukuynejpi yachachisqayta, tukuy iglesiaspi ima.

1 Corintios 6:5

Kayta nini qankunata p'enqachinaypaj. Manachu qankuna ukhupi tiyan ni ujllapis yachayniyoj, hermanosta juzganampaj?

1 Corintios 9:15

Noqarí, kay imasmanta mana imatapis jap'ikorqanichu. Kaytapis escribimuykichej, mana ajinata noqawan ruwanaykichejpajchu. Noqaqa wañuyta munayman manaraj pipis kay kusikuyniyta qhechushawajtin.

2 Corintios 11:11

Imaraykutaj ajinata parlani? Manachu munakuykichej? Dios yachan qankunata mayta munakusqayta.

2 Corintios 12:19

Ichapis yuyashankichej noqayku allinta rijch'anaykuta qankunaj ñaupaqeykichejpi. Mana jinachu chayqa. Astawanqa parlashayku Diospa ñaupaqempi, Cristoj sutimpi, tukuy imapi wiñanaykichejpaj, munakusqay wauqesníy.

2 Corintios 7:3

Kaytaqa mana juchachanayraykuchu niykichej, imaynatachus ñaupajtaña nerqani. Qankunaqa sonqosniykupi kashankichej, khuska kausananchejpaj, wañunanchejpajpis.

Colosenses 1:28

Kayta Cristomanta noqayku willayku tukuy runaman sonqochaspa, tukuy ima yachaypitaj yachachispa, sapa ujqa Cristopi allinchasqa kanampaj.

1 Tesalonicenses 2:11

Yachallankichejtaj, imaynatachus uj tata wawasninta k'amin, ajinata k'amej, sonqochajtaj kayku sapa ujniykichejta.

1 Tesalonicenses 5:14

Ajinallatataj mañakuyku, hermanos, mana kasukojkunataqa k'amiychej, manchalistapis yanapaychej, pisi kallpayojkunatapis kallpachaychej, tukuypajtaj khuyakoj sonqoyoj kaychej.

2 Tesalonicenses 3:14

Pichus kay cartapi nisqaykuta mana kasunmanchu chayqa, paymanta allinta qhawakuychej, amataj paywan tantakuychejchu, ajinamanta p'enqakunampaj.

Filemón 1:10

Mañakuyki espirituman jina waway Onesimota khuyakunaykita, pitachus kay carcelpi kashaspa creejman tukucherqani. Payqa waway jina.

1 Juan 2:1

Wawitasníy, kay imasta escribimuykichej ama juchallikunaykichejpaj. Pillapis juchallikunman chayqa, Dios Tataj ñaupaqempi kutikuwajninchej tiyan. Payqa cheqan kaj Jesucristo.

3 Juan 1:4

Mana imapis astawan kusichiwanchu, wawasniy cheqapi purishasqankuta uyarisqaymantaqa.