1 Corintios 4:1 - Qheshwa Biblia DC

¹ Ajina ari, Cristoj kamachisninta jina runas qhawawachuyku; imaraykuchus mayordomos kayku, Diospa pakasqa imasninta sut'inchanaykupaj.

DIOSPA QHELQACHISQAN DEUTEROCANONICAL

¹ Qankunaqa Cristoj kamachinkunata jinalla qhawanawayku tiyan, imaraykuchus noqayku Diospa wakichisqanmanta chay pakasqa yachayta yachachinaykupaj kamachisqa kayku.

DIOSPA QHELQACHISQ

¹ Qankunaqa Cristoj kamachinkunata jinalla qhawanawayku tiyan, imaraykuchus noqayku Diospa wakichisqanmanta chay pakasqa yachayta yachachinaykupaj kamachisqa kayku.

Quechua South Bolivia: Dios Parlapawanchej

¹ Cunanka Cristoj yanapajcunanpaj khawawaychej, Diospa pacaska yuyayninta sut'inchanaycupaj khawapojcunantajina ima.

1 Corintios 4:1 ပူးပေါင်းရင်းမြစ်များ

San Mateo 13:11

Paytaj kutichispa nerqa: Qankunaman janaj pacha reinoj pakasqa imasninmanta yachayta qosunkichej, manataj paykunamanqa.

San Mateo 24:45

Pitaj chay allin kamachi, yuyayniyojtaj kanman, mayqentachus patronnin churanman kamachi masisninman horampi mikhunata qonampaj?

Marcos 4:11

Jesustaj kuticherqa: Qankunaqa rejsinkichejña chay Diospa pakasqa reinonmanta. Jawapi kaj runasmanrí, rijch'anachinaswan yachachina tiyan.

San Lucas 12:42

Señortaj kuticherqa: Pitaj allin yuyayniyoj junt'aj mayordomo, mayqentachus patronnin churan wasi qhawajta, mikhuchinampajtaj tiempompi?

San Lucas 8:10

Paytaj nerqa: Qankunamanqa Dios rejsichisunkichej reinompa pakasqa yachaykunasninta; wajkunamanrí rijch'anachinaswan parlan, qhawashaspa mana rikunankupaj, uyarishaspapis mana entiendenankupaj.

Romanos 11:25

Hermanos, kay pakasqa yachaytaqa rejsinaykichejta munani, ama yachaysapas kasqaykichejta yuyakunaykichejpaj. Wakin israelitaspa sonqon rumiyarqa gentilespa salvacionnin junt'akunankama.

Romanos 16:25

Qankunata sinch'ita sayachej Diosta yupaychaychej, evangelionman jina. Jesucristomanta willasqaymantataj wiñaypa wiñaynintinmantapacha pakasqa yachay sut'inchasqay kasqanman jina.

1 Corintios 2:7

Astawanqa parlayku Diospa pakasqa yachayninmanta; chaytaj pakasqa karqa manaraj kay mundota ruwashajtin, wiñaymantapacha, janaj pachaman pusasqas kananchejpaj.

1 Corintios 3:5

Kunanqa, pitaj Pablori? Pitaj Apolosri? Noqayku Diospa kamachisnin kayku, qankunataj noqaykunejta creerqankichej; chaytataj sapa ujniykuman Señor atiyta qowasqaykuman jina.

1 Corintios 4:13

Runakunaqa noqaykuta mana kajmanta tumpawayku; paykunapajtaj Diosmanta mañapuyku; kunankamataj kay mundoj q'opanta jina qhawawayku, runakunaj wijch'usqanta jina.

1 Corintios 4:2

Kunanqa sapa uj mayordomo junt'achun ruwananta.

2 Corintios 11:23

Cristoj kamachisninchu kanku? Locopis kayman jina parlashani, noqa astawan Cristoj kamachin kani paykunamantaqa. Noqa ashkhata llank'arqani, may chhika kutita jasut'ichikuspa. Carcelpi wisq'asqa, ashkha kutitataj wañunaypaj jina karqani.

2 Corintios 12:6

Alabakuyta munayman chaypis, mana wampu jinachu kayman; imaraykuchus cheqa kajta parlayman. Chaywampis, ch'in kakusaj, ama pipis rikuwaspa, chayrí uyariwaspa imachus kasqaymanta astawanraj yuyanampaj, chay jatuchaj t'ukunas rikhuriwasqanta rikusqayrayku. Chayrayku ama anchata oqharinawampajqa, aychaypi uj aguijonwan jina t'ojsisqa karqani; chaytaqa Satanaspa kamachin sajmawarqa ama jatunchakunaypaj.

2 Corintios 4:5

Manataj noqaykumantachu willayku, astawanqa Señor Jesucristomanta willayku; noqaykutaj qankunaj kamachiykichej jina kayku, Jesuspa munakuyninrayku.

2 Corintios 6:4

Astawanqa munayku tukuy imapi rikuchikuyta Diospa kamachisnin jina, ancha pacienciawan ñak'ariykunapi, pisichikuypi, llakiykunapi; jasut'isqas, carcelman churasqas, ch'ajwas chaupipi, llank'aykunapi, mana puñusqas, mana mikhusqastaj.

Efesios 1:9

Munayninman jina pakasqa imasta rejsichiwarqanchej, pay kikin ruwayta munarqa chayta.

Efesios 6:19

Noqapajpis mañapuwaychej, simiyta kicharejtiy Dios palabranta qonawampaj; ama manchachikuspataj evangelioj pakasqa yachayninta rejsichinaypaj.

Colosenses 2:2

Munani sonqosninku kallpachasqas kanankuta, munakuypi ujchasqas, qhapaj suyaytataj tarinankupaj. Ajinamanta Diospa pakasqa yachayninta rejsinankupaj. Chaytaj Cristo.

Colosenses 4:3

Noqaykupajpis mañapuwayku, Señor punkuta kicharinampaj palabranta willanaykupaj, rejsichinaykupajtaj Cristoj pakasqa yachayninta. Payrayku noqapis presochasqa kashani.

1 Timoteo 3:16

Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

1 Timoteo 3:6

Iglesiapi kamachejqa mana kananchu tiyan pichus mana unaymanta pachachu cristiano. Pajtataj jatunchakuspa, supay jina juchaman urmanman.

1 Timoteo 3:9

Creeypa pakasqa yachachiyninta llimphu concienciawan waqaychachunku.

Tito 1:7

Iglesiapi uma kajqa mana k'amina kanan tiyan, Diospa mayordomon jina, mana jatunchakoj, mana usqhayllata phiñakoj, mana machaj, mana maqanakoj, nitaj qolqeta munapayaj.

1 Pedro 4:10

Sapa ujtaj Diospa qosqanman jina wajkunaman jaywachun, sumaj mayordomo jina, Diosmanta ashkha yanapata jap'isqanmanta.