1 Corintios 3:18 - Qheshwa Biblia DC

¹⁸ Amataj qan kikiykita ch'aukiyakuychu; pillapis kay pachapi qankuna ukhupi yuyanman yachayniyoj kasqanta chayqa, mana yachayniyojman tukuchun, cheqamanta yachayniyoj kanampaj.

DIOSPA QHELQACHISQAN DEUTEROCANONICAL

¹⁸ Ama pipis pay kikinta q'otiyakuchunchu. Sichus yuyankichej runaj qhawasqanman jina yachayniyoj kasqaykichejta chayqa, mana yachayniyojman tukuychej, Diospa ñawpaqenpi cheqapuni yachayniyoj kanaykichejpaj.

DIOSPA QHELQACHISQ

¹⁸ Ama pipis pay kikinta q'otiyakuchunchu. Sichus yuyankichej runaj qhawasqanman jina yachayniyoj kasqaykichejta chayqa, mana yachayniyojman tukuychej, Diospa ñawpaqenpi cheqapuni yachayniyoj kanaykichejpaj.

Quechua South Bolivia: Dios Parlapawanchej

¹⁸ Ama ni pipis payllataj pantachicuchunchu. Kancuna chaupipi cay pachapi yachayniyoj caskanta yuyajka mana yuyayniyojman tucuchun. Ajinaman tucuchun cheka yachayniyoj cananpaj.

1 Corintios 3:18 ပူးပေါင်းရင်းမြစ်များ

Proverbios 26:12

Yachayniyojman tukoj runamantaqa ni imata tarinchejchu, paymanta nisqaqa wampu runapiraj tarikunmampis.

Proverbios 3:5

Tukuy sonqoykiwan Diosman atienekuy, ama qampa yachasqallaykimanta atienekuychu.

Proverbios 3:7

Ama may yachayniyoj kasqaykita yuyakuychu. Señorta manchachikuy, sajra kajmantataj t'aqakuy.

Proverbios 5:7

Chayrayku uyariwaychej, wawasníy, amapuni yachachisqasniymanta t'aqakuychejchu.

Isaías 44:20

Cheqamanta chayqa ushphata mikhoj jinamin; chayqa llulla yuyajkunawan ch'aukiyachikuymin. Chayrayku chay runaqa almanta mana salvanchu, nitaj ninchu: Manachu paña makiypi kajqa lullalla?, nispa.

Isaías 5:21

Ay qankunaqa yachayniyoj kasqaykichejta creekunkichej, may yuyayniyoj kasqaykichejta yuyakunkichej!

Jeremías 37:9

Noqa Señor k'amiykichej: Ama qhasita yuyakuychejchu, nitaj creekuychejchu chaymanta caldeos jataripunankutaqa, imaraykuchus manamin chay yuyasqaykichej jinachu kanqa.

Jeremías 8:8

Imaynapitaj qankuna niwajchej yachayniyoj kasqaykichejtari? Señorpa kamachiynintaj qankunawan kasqantari? Cheqamanta chay yachachejkunaqa llullallata phuruswan qelqanku.

San Mateo 13:22

Khishka ukhuman t'akakoj mujutaj palabrata uyarejman rijch'akun. Mundo imaspi yuyaykuna, qhapajyayta munapayay ima, Diospa palabranta qonqachispa mana poqojta saqenkuchu.

San Mateo 18:4

Pillapis kay wawa jina llamp'u sonqoyoj kanman chayqa, janaj pacha reinopi tukuymanta aswan kuraj kanqa.

Marcos 10:15

Cheqamanta niykichej, pillapis mana wawa jina Diospa reinonta jap'enqa chayqa, mana jayk'aj yaykonqachu chayman.

San Lucas 18:17

Cheqamanta niykichej: Pichus mana wawa jina Diospa reinonta jap'ejqa, mana chayman yaykonqachu.

San Lucas 21:8

Jesustaj nerqa: Allinta qhawakuychej, amataj ch'aukiyachikuychejchu, imaraykuchus ashkhas sutiypi jamonqanku, noqa Cristo kani, nispa. Kunanqa tiempoman qayllaña. Ama ari, qhepankuta riychejchu.

Romanos 11:25

Hermanos, kay pakasqa yachaytaqa rejsinaykichejta munani, ama yachaysapas kasqaykichejta yuyakunaykichejpaj. Wakin israelitaspa sonqon rumiyarqa gentilespa salvacionnin junt'akunankama.

Romanos 12:16

Uj sonqolla kaychej qankuna ukhupi; ama jatunchakuspa llamp'u sonqo kajkunawan kausakuychej. Amataj qankunaj yuyayniykichejpi yachaysapas kaychejchu.

1 Corintios 15:33

Ama ch'aukiyachikuychejchu. Sajra parlajkunawan puriy allin yachasqa ruwaykunata chinkachin.

1 Corintios 3:17

Sichus pipis Diospa templonta urmachinman chayqa, Diospis chay runata urmachillanqataj, imaraykuchus Diospa templonqa llimphu, chay templotaj qankuna kankichej.

1 Corintios 4:10

Noqaykoqa Cristoj munakuyninrayku mana yuyayniyoj jina kayku; qankunataj may yachayniyoj Cristopi kankichej. Noqayku pisi kallpas kayku, qankunataj sinch'is kankichej. Runaspajpis may allimpaj qhawasqas kankichej, noqaykutaj qhesachasqas.

1 Corintios 6:9

Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.

Gálatas 6:3

Pipis ima kasqanta yuyakun chayqa, mana imapis kashaspa, pay kikinta ch'aukiyakun.

Gálatas 6:7

Ama ch'aukiyakuychejchu; Dioswanqa mana pujllakuy kanchu; chayrayku runa imatachus tarpun, chayllatataj oqharenqa.

Efesios 5:6

Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

2 Timoteo 3:13

Sajra runas ch'aukiyajkunapis, sajra kasqankumanta, astawan sajrayanqanku, pantaspa, pantachispataj.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

Santiago 1:22

Diospa palabrantaqa ama uyarillaychejchu, astawanqa junt'aychej; manachayqa qankuna kikiykichej ch'aukiyakunkichej.

Santiago 1:26

Pichus qankunamanta Diosta yupaychasqanta yuyanman, manataj siminta wisq'anchu chayqa, pay kikin sonqonta ch'aukiyan, Diosta yupaychasqantaj qhasi mana kaj.

1 Juan 1:8

Mana juchayojchu kanchej nisunman chayqa, noqallanchejtaj ch'aukiyakunchej. Cheqa kajtaj mana noqanchejpichu kashan.