1 Corintios 3:10 - Qheshwa Biblia DC

¹⁰ Dios atiyta qowasqanman jina, yachayniyoj albañil jina, cimientota churarqani, wajtaj patampi wasichan. Chaywampis, sapa uj allinta qhawachun imaynatachus patampi wasichasqanta.

DIOSPA QHELQACHISQAN DEUTEROCANONICAL

¹⁰ Dios noqawan k'achapuni kaspa, noqa sumajta yachaj albañil jina cimientota churarqani. Kunantaj wajkuna chaypa patanpi wasichashanku. Chaywanpis, sapa uj allinta qhawachun cimiento churasqapi imaynatachus wasichashasqanta.

DIOSPA QHELQACHISQ

¹⁰ Dios noqawan k'achapuni kaspa, noqa sumajta yachaj albañil jina cimientota churarqani. Kunantaj wajkuna chaypa patanpi wasichashanku. Chaywanpis, sapa uj allinta qhawachun cimiento churasqapi imaynatachus wasichashasqanta.

Quechua South Bolivia: Dios Parlapawanchej

¹⁰ Dios kowarka atiyninta uj sumaj yachachiska wasichaj canaypaj. Sumaj willanasta kancunaman ñaupajta willaraskaywan cimientota churarkani. Chaymantaj waj yachachej wasichajjina ruwashan. Astawanrí sapa uj sumajta khawacuchun imaynatachus cimientoj patanpi wasichashaskanta.

1 Corintios 3:10 ပူးပေါင်းရင်းမြစ်များ

2 Crónicas 2:12

Nillarqataj: Israelpa Señor Diosnin bendicisqa kachun. Payqa kay pachata, jinataj janaj pachatapis ruwarqa. Paymin rey Davidman uj qhari wawata qorqa sumaj yachayniyojta, allin yuyayniyojta, allin kajtapis, mana allin kajtapis ajllayta yachajta. Pay yupaychana wasita, pay kikimpaj palaciotawan jatarichinampaj.

Éxodo 36:4

Tukuy imastapis ruwayta yachajkuna, chay ruwanasninkuta Diospa wasimpaj ruwasharqanku chayta saqerispa, Moisesman jamorqanku, nerqankutaj: Israelitasqa ancha ashkhataña ofrendasta apamunku, imaschus Diospa wasimpaj ruwakunan kashan chaymanta kurajtaña, mayqentachus Señor kamacherqa ruwakunanta chaypaj.

Proverbios 12:8

Uj runaqa yachayniyoj kasqanman jina munachikun; uj wampu runarí chejnichikuyllata tarin.

Proverbios 9:1

Yachayqa wasita ruwakun, qanchis k'acha sayantasniyojta.

Eclesiastés 12:9

Kay imasta willajqa sumaj yachayniyoj karqa, runasmampis yachaymanta yachacherqa; sumajta uyaricherqa, sumajta unanchacherqa, ashkha yachay palabrastataj ruwarqa.

Daniel (hebreo) 12:3

Yachayniyoj runasqa, janaj pacha jina lliphipiranqanku. Ashkha runasman cheqa kajta yachachejkunataj, wiñaypaj lliphirenqanku estrellas jina!

San Mateo 24:45

Pitaj chay allin kamachi, yuyayniyojtaj kanman, mayqentachus patronnin churanman kamachi masisninman horampi mikhunata qonampaj?

San Mateo 7:24

Pillapis kay nisqasniyta uyarispa ruwan chayqa; sumaj yuyayniyoj, chhanka patapi wasichakoj runaman rijch'akun.

San Lucas 11:35

Pajtataj qampi kaj k'anchay, laqhaman tukunman.

San Lucas 21:8

Jesustaj nerqa: Allinta qhawakuychej, amataj ch'aukiyachikuychejchu, imaraykuchus ashkhas sutiypi jamonqanku, noqa Cristo kani, nispa. Kunanqa tiempoman qayllaña. Ama ari, qhepankuta riychejchu.

Hechos 18:27

Apolosqa Acayaman riyta munashajtintaj, Efesopi hermanosqa payta kallpacharqanku; cartataj creejkunaman apacherqanku, Apolosta tukuy sonqo jap'inankupaj. Acayaman chayaspataj payqa, Diospa khuyakuyninrayku, creejkunata mayta yanaparqa.

Romanos 1:5

Jesucristonejta jap'inchej khuyakuyta, kamachin kayta, tukuy llajtaspi, paypi creenankupaj kasunankupajtaj.

Romanos 12:3

Dios khuyakuyninta qowasqanrayku, sapa ujniykichejman niykichej, ama qankuna kikiykichejmanta astawan kasqaykichejta yuyakunaykichejpaj. Manachayqa sapa uj pay kikinmanta maychus kajta yuyachun, Dios sapa ujman fewan qosqanman jina.

Romanos 15:15

Chayrayku hermanos, mana manchachikuspa escribimuykichej, qankuna yuyarinaykichejpaj, evangeliota willanaypaj Dios khuyakuyninta qowasqanmanta.

Romanos 15:20

Chay jinamanta kallpachakorqani evangeliomanta willanaypaj, maypichus Cristomanta manaraj uyarerqankuchu chaypi; ama wajpa willasqan patapi evangeliota willanaypaj.

1 Corintios 3:11

Manataj pipis waj cimientota churayta atinchu churasqamantaqa; chay cimientoqa Jesucristo.

1 Corintios 9:2

Sichus wajkunapaj mana apostolchu kani chayqa, cheqamanta qankunapajqa apóstol kani; imaraykuchus Señorpa apostolnin kasqayqa qankunapi yachakun.

2 Corintios 10:15

Mana noqaykoqa alabakuykuchu wajkunaj llank'asqankumanta, noqaykojtapis kanman jina. Astawanqa suyashayku feniykichej wiñasqanman jina, qankuna ukhupi allin qhawasqas kanaykupaj puriyniykuman jina.

Efesios 2:20

Qankuna apostolespa, profetaspa wakichisqanku patapi sayachisqas kankichej; chay kuraj kaj rumitaj kikin Jesucristo.

Colosenses 1:29

Chayrayku noqapis llank'ani, maqanakuspa Señorpa atiyninman jina. Chay atiytaj noqapi maytapuni ruwashan.

Colosenses 4:17

Arquipoman niychej: Señorpa nisusqanta ruwanaykipaj, allinta junt'ay.

1 Tesalonicenses 3:2

Hermanoyku Timoteotataj kachamorqayku. Payqa Diospa kamachin, ruwaysiwajniykutaj Cristoj evangeliompi. Payta kachamorqayku qankunata sinch'ita sayachinampaj, creesqaykichejpitaj astawan yanapanampaj, ama pipis kay ñak'ariykunarayku iskayrayanampaj; imaraykuchus yachankichej jina, chaykunapaj churasqas kayku.

1 Timoteo 4:16

Qan kikiykita qhawakuy, yachachisqaykitapis. Chaypi allinta sayay. Kayta ruwaspa qan kikiykita salvakunki, jinallataj uyarisojkunatapis.

2 Timoteo 2:15

K'uchi kaywan Diospaj allimpaj qhawasqa kayta munay, uj llank'aj runa jina, mana imamanta p'enqakuspa; cheqa kaj palabratataj allinta willaspa.

Santiago 3:1

Hermanosníy, ama ashkhachu yachachejkuna kaychej. Yachankichej jina, astawan juchachasqas kananchej tiyan.

1 Pedro 4:11

Pillapis parlajqa, Diospa palabranman jina parlachun. Pillapis wajkunata yanapan chaypis, Diospa kallpa qosqanman jina yanapachun; tukuy imapi Jesucristonejta Dios yupaychasqa kanampaj. Paypajtaj kachun janaj pacha k'anchay, kamachiytaj, wiñaypa wiñaynintinkama. Amén.

2 Pedro 3:15

Chantá yachaychej, Señorpa paciencianqa salvanapaj kasqanta, imaynatachus munasqa hermanonchej Pablopis escribimusorqachej, Dios payman yachayta qosqanman jina.

Apocalipsis 21:14

Llajtaj perqanrí chunka iskayniyoj cimientosniyoj karqa. Chaykuna patapitaj chunka iskayniyoj sutis, Corderoj chunka iskayniyoj apostolesnimpata.

Apocalipsis 21:19

Llajtaj perqa cimientosnintaj tukuy imaymana k'achitu rumiswan, k'achanchasqas kasharqanku. Ñaupaj kaj cimientoqa jaspemanta karqa; iskay kaj safiromanta; kinsa kaj calcedoniamanta; tawa kajtaj esmeraldamanta; phishqa kaj sardonicamanta; sojta kaj sardiomanta; qanchis kaj crisolitomanta; pusaj kaj berilomanta; isq'on kaj topaciomanta; chunka kaj crisoprasomanta; chunka ujniyoj kaj jacintomanta; chunka iskayniyoj kajtaj amatistamanta.