1 Corintios 2:10 - Qheshwa Biblia DC

¹⁰ Chay imastaqa Dios rejsichiwanchej Espiritunnejta; imaraykuchus Espiritoqa allinta rejsin tukuy imata, Diospa may ukhu yachaynintapis.

DIOSPA QHELQACHISQAN DEUTEROCANONICAL

¹⁰ Chaywanpis chaykunata Dios Espiritunnejta noqanchejman rejsichiwarqanchej, imaraykuchus paypa Espíritun tukuy imata allinta watun. Diospa taripay mana atina ukhu yachaynintapis watullanpuni.

DIOSPA QHELQACHISQ

¹⁰ Chaywanpis chaykunata Dios Espiritunnejta noqanchejman rejsichiwarqanchej, imaraykuchus paypa Espíritun tukuy imata allinta watun. Diospa taripay mana atina ukhu yachaynintapis watullanpuni.

Quechua South Bolivia: Dios Parlapawanchej

¹⁰ Chay yachayta parlaycu Santo Espiritunejta chay c'acha imasta Dios ricuchiwaskanchejraycu. Santo Espiritumin tucuyta yachananpaj sumajta khawan, Diospa uqhu yuyaynintapis.

1 Corintios 2:10 ပူးပေါင်းရင်းမြစ်များ

Job 12:22

Diosqa mana imapis rikukoj kajta sut'iman rikhurichin, tukuy ima pakasqa kajkunata sut'iman orqhon.

Isaías 48:16

Qayllamuwaychej, uyariwaychejtaj kayta: Qallariymantapacha noqaqa sut'ita parlarqani; kay imas kasqanmantapacha noqaqa chaypi karqani. Kunanqa Señorpuni atiyninwan kachawan.

Isaías 59:21

Kay tratota paykunawan ruwasaj nin Señorqa. Pataykiman Espirituyta churani, palabrasniytapis simiykiman churallanitaj; chayqa mana simiykimanta llojsenqachu, manallataj wawasniykejmanta, nitaj allchhisniykej siminmantapis. Ajina kunanmantaqa wiñaypaj qankunawan kanqa, ajinata nin Señorqa.

Daniel (hebreo) 2:22

Dios sut'ita rikuchin pakaypi kaj imasta, mana yachay atina imastapis. Laqhapi kaj imastapis pay rikun. K'anchayqa paypimin kashan.

Amós 3:7

Señorqa manamin imatapis ruwanchu manaraj imatapis ñaupajta profetasninman willaspaqa.

San Mateo 13:11

Paytaj kutichispa nerqa: Qankunaman janaj pacha reinoj pakasqa imasninmanta yachayta qosunkichej, manataj paykunamanqa.

San Mateo 16:17

Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki.

San Lucas 10:21

Chay kikimpachataj, Jesusqa Santo Espiritunejta may kusisqa kaspa nerqa: Tatáy, janaj pachajta kay pachajtawan Señornin, yupaychayki kay imasta pakasqaykimanta, yachayniyojkunamanta yuyayniyojkunamantawan; wawasmantaj kay imasmanta willasqaykimanta. Arí Tatáy, ajinata qanqa munarqanki.

San Lucas 2:26

Chay Santa Espiritutaj willarqa manaraj wañupushaspa Diospa kachamusqan Cristota rikunanta.

San Juan 14:26

Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

San Juan 16:13

Chay cheqa Espíritu chayamojtin, pay cheqa kajman pusasonqachej; imaraykuchus mana payllamantachu parlanqa, astawanqa Dios Tatamanta tukuy uyarisqanta nenqa. Qankunamantaj willasonqachej imaschus qhepata jamunankuta.

1 Corintios 14:30

Wajmantajchus chaypi tiyashajman, Dios imata rikuchinman parlanampaj chayqa, ñaupajta parlajqa ch'in kakuchun.

1 Corintios 2:11

Runakunamanta, pitaj yachanman runaj sonqompi imachus kasqanta? Manachu espiritullan yachan paypa ukhumpi kashan chay? Kikillantataj Diospa Espiritullan yachan, imachus Diospi kasqanta.

Gálatas 1:12

Noqaqa evangeliota mana jap'erqanichu nitaj yachakorqanichu pi runamanta, manachayqa Jesucristo sut'inchawasqanrayku yachakorqani.

Efesios 3:3

Dios pakasqa kaj imasninmanta sut'inchawarqa, yachachiwarqataj, imaynatachus ñaupajta pisita escribimorqaykichejña.

Efesios 3:5

Chay pakasqa kajqa mana rikuchisqachu karqa, waj miraykunapi runaj churisninman. Kunanrí Espiritunejta sut'inchan ajllasqa apostolesninman, profetasman ima.

1 Timoteo 4:1

Santo Espíritu sut'ita nin: Jamoj p'unchaykunapi femanta wakin t'aqakonqanku, ch'aukiyaj espiritusta, supaypa yachachiyninta ima uyarispa.

1 Pedro 1:12

Paykunamantaj sut'inchasqa karqa, chay imastaj mana paykunallapajchu, astawanqa qankunapajpis kasqanta. Paykuna imatachus willarqanku, chayllatataj janaj pachamanta kachamusqa Santo Espíritoj atiynimpi evangeliomanta willawanchej. Chay imastaqa angelespis anchatapuni qhawayta munanku.

1 Juan 2:20

Qankunaqa Santo Espirituta Jesucristonejta jap'erqankichej, chayta tukuy yachankichej.

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

Apocalipsis 1:1

Jesucristoj sut'inchasqan, mayqentachus Dios payman qorqa, kamachisninman rejsichinampaj, imaschus usqhayta ruwakunankuta. Chaykunamantaqa yachacherqa kamachin Juanman, angelnejta.

Apocalipsis 2:24

Tiatirapi kajkunamantaqa wakin mana chay millay yachaykunata qhaterqankichejchu. Mana yachakorqankichejchu imatachus chaykuna Satanaspa pakasqa imasninta ninku chayta. Noqaqa niykichej: Mana waj q'epita pataykichejman churaykusajchu, nispa.