1 Corintios 13:4 - Qheshwa Biblia DC

⁴ Munakoyqa parienciayoj, k'achataj; munakoyqa mana qhawanakuychu, munakoyqa mana alabakuychu, nitaj tharamallachu.

DIOSPA QHELQACHISQAN DEUTEROCANONICAL

⁴ Pichus munakuyniyojqa pacienciayoj, k'achataj. Jinallataj mana envidiakunchu, nitaj may kasqanta yuyakunchu, nillataj runaykachanchu.

DIOSPA QHELQACHISQ

⁴ Pichus munakuyniyojqa pacienciayoj, k'achataj. Jinallataj mana envidiakunchu, nitaj may kasqanta yuyakunchu, nillataj runaykachanchu.

Quechua South Bolivia: Dios Parlapawanchej

⁴ Munacojka mana sayc'uspa muchucun, c'acha cajtapuni ruwan. Mana envidiacunchu manataj jatunchacunchu, nitaj pay quiquinta curajpaj khawacunchu.

1 Corintios 13:4 ပူးပေါင်းရင်းမြစ်များ

Génesis 30:1

Raquelqa Jacobpaj mana wawayoj kayta atispa, ñañan Leata chejnikorqa, nerqataj qosan Jacobman: Wawasta qoway, manachayqa wañusaj, nispa.

Génesis 37:11

Wauqesnenqa chaymanta astawan chhoqonakorqanku, tatantaj anchata chay mosqokusqampi yuyasharqa.

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Salmos 10:5

Imallatapis ruwajtin walejllapuni llojsin, paypajqa justiciayki manapis kanmanchu jina. Ñawisninmanta ancha karupi. Payqa tukuy enemigosninmanta alqochakun.

Proverbios 10:12

Chejnikoyqa phiñakuyta apamun; munakuyrí perdonan tukuy pantasqasta.

Proverbios 13:10

Runaykachayqa maqanarachillan; yachaytaj llamp'u sonqoyojkunapi kashan.

Proverbios 17:14

Pichus phiñakuyta qallarejqa, jark'asqa yakutapis kachaykushanman jina; chay phiñakuytaqa saqey manaraj chaypi maniakushaspa.

Proverbios 17:9

Pichus contrampi ima nisqatapis chinkachejqa, munakuyta mask'an; pichus chaykunata sut'inchajqa, kausaqenta karunchachin.

Proverbios 19:22

Runaj ashkhata munapayaynenqa urmaynin; aswan allinmin wajcha kanaqa llulla kanamantaqa.

Proverbios 31:20

Wajchasman makisninwan jaywarin, jinallataj pisichikojkunamampis.

Proverbios 31:26

Sumaj yachaywampuni imatapis parlan, munakuywantaj k'achata imatapis yachachin.

Eclesiastés 10:4

Sichus uj rey qampa contraykita phiñarikun chayqa, maypichus llank'ashanki chayta ama saqeychu. K'acha sonqo kayqa jatuchaj phiñakuykunasta thasnun.

San Mateo 27:18

Pay yacharqa runas chhoqonakuspalla Jesusta wisq'achisqankuta.

Hechos 7:9

Jacobpa wawasnin ñaupa tatakunaqa, wauqenku Joseta chejnispa, kamachita jina venderqanku Egipto llajtaman pusanankupaj. Diostaj Josewan karqa payta waqaychaspa.

Romanos 1:29

Paykunaqa junt'asqas karqanku mana cheqan ruwaykunawan, [qhenchachakuywan,] sajra kaywan, munapayaywan, qhawaraywan, runa wañuchiywan, phiñanakuywan, ch'aukiyaywan, sajra yuyaykunawan ima.

Romanos 13:13

Ajinaqa p'unchaypi jina purinachej maychus kajta; amataj purinachu jatun mikhuykunaspi, machaykuykunaspi, millay kausaypi, churanakuypi, nitaj chhoqonakuypipis.

1 Corintios 4:18

Qankunamanta wakin mayta wapuykachashanku, yuyaspa noqa manaña mayk'aj watukoj jamunayta.

1 Corintios 4:6

Hermanos, qankunata munakusqayrayku kay imasta willaykichej, noqamantawan Apolosmantawan yachakunaykichejpaj. Escribisqamanta astawanqa ama yuyaychejchu; pajtataj uj runarayku qankunapura qhesachanakuspa may wapus kawajchej.

1 Corintios 5:2

Qankunarí wapus kashankichej! Manachu astawanqa llakikunaykichej karqa, chay jinata ruwasqanmanta, chay jina juchallikoj runata qankuna ukhumanta qharqosqa kanampaj?

1 Corintios 8:1

Lantikunaman mikhuna jaywasqasmanta tukuy yachanchej; chay yachaytaj qhasi mana kajta umata oqharichin; munakuyrí Espirituman jina wiñachin.

2 Corintios 12:20

Manchachikushani, qankunata watukoj jamuspaqa, mana munasqayman jinachu taripanayta. Manchachikullani taj qankunaqa mana qhawarinawaykichejta munasqaykichejman jina. Chantá yuyallanitaj qankuna ukhupi kananta churanakuykuna, qhawanakuykuna, phiñanakuykuna, t'aqanakuykuna, sajra rimaykuna, thutuykuna, jatunchakuykuna, ch'ajwaspi pejtunakus ima.

2 Corintios 6:6

Rikuchispa llimphus kasqaykuta kausayniykupi, cheqa kajta rejsisqaykurayku, pacienciakuspa, khuyakuywantaj, Santo Espiritupi tukuy sonqo munakuypi.

Gálatas 5:26

Ama qhasimanta runaykachanachu purajmanta phiñanakuspa, nitaj chhoqonakuspa.

Efesios 4:2

Tukuyman k'umuykuspa, llamp'u sonqo kaywan purajmanta paciencianakuspa munakuypi kausakuychej.

Efesios 4:32

Ujkuna ujkunawantaj k'achas kaychej, khuyakuyniyojtaj. Sapa uj juchasniykichejta perdonanakuspa, imaynatachus Diospis juchasniykichejta pampacharqa Cristopi, ajinata.

Filipenses 1:15

Cheqamanta wakenqa Cristomanta willanku, qhawanakuspa, churanakuspataj; wakintaj sumaj sonqowan.

Colosenses 1:11

Mañakullaykutaj tukuy atiyninwan kallpachasqas kanaykichejta, janaj pacha k'anchaynimpi atiyninman jina, tukuy imata jap'ikunaykichejpaj pacienciawan.

Colosenses 2:18

Ama pipis t'inkaykichejta qhechusuchunchu llamp'u sonqoman tukuspa, angelestataj yupaychaspa. Paykunaqa mana rikusqallankuman sat'ikunku, qhasi mana kajta runaykachankutaj sajra yuyayninkuman jina.

Colosenses 3:12

Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.

1 Tesalonicenses 5:14

Ajinallatataj mañakuyku, hermanos, mana kasukojkunataqa k'amiychej, manchalistapis yanapaychej, pisi kallpayojkunatapis kallpachaychej, tukuypajtaj khuyakoj sonqoyoj kaychej.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

2 Timoteo 3:10

Qanqa allinta jap'ikorqanki yachachisqayta. Yachankitaj imaynatachus kausasqayta, imaynatachus ruwayta munasqayta, feniy kallpayoj kasqanta, munakuyniyta, pacienciayta, qhatiykachawasqankuta, ñak'arisqayta ima. Qan yachanki imaynachus riwasqanta Antioquiapi, Iconiopi, Listrapi ima. Yachallankitaj mayta ñak'arisqayta. Chay tukuymantaqa Señorlla jark'awarqa.

2 Timoteo 4:2

Chayrayku, Diospa palabranta willay tiempompi, mana tiempompipis; jinallataj uyanchay, k'amiy, sonqochay pacienciawan allinta yachachispa.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

Santiago 4:5

Yuyankichejchu Escritura qhasita nisqanta? Diosqa Espirituta qowanchej noqanchejpi kausanampaj, munakuywan qhawanawanchejpajtaj.

1 Pedro 2:1

Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.

1 Pedro 4:8

Ñaupajtaqa qankuna ukhupi munakuy kachun, imaraykuchus munakoyqa ashkha juchata pampachan.

1 Juan 4:11

Munakusqasníy, chay jinatachus Dios munakuwarqanchej chayqa, noqanchejpis purajmanta munanakunachej.