ZACARÍAS 9:9 - Dios Rimashcata Quillcashcami

⁹ ¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

ZACARÍAS 9:9 ပူးပေါင်းရင်းမြစ်များ

1 REYES 1:38

Chai quipami, Sadoc curapish Dios ima nishcata huillac Natanpish, Joiadapac churi Benaiaspish, cereteo, peleteo runacunapish, urai rishpa Salomontaca jatun mandac David tiyarina mulapi tiyachishpa, Gihón yacu junduman pusharcacuna.

SALMOS 149:2

Israelcuna, cancunata ruhuac Dios-huan cushicuichicyari. Sión pueblopi causaccunapish cancunata jatun Mandac-huan cushicuichicyari.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 45:1

Ñuca shungumantaca sumac shimicunami llucshin. Jatun mandacmanmi cantacuni. Ñuca calluca utca quillcac runapac quillcana pluma shinami.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 30:6

Neguevpi tiyac sacha animalcunata Dios llaquichinamanta huillashpaca: «Llaquihuan huacana pambata, leoncuna, millai culebracuna, alasyuc manchana culebracuna causana pambatami paicunapac charishcacunata, sumac valishcacunata burrocunapi, camellocunapi cargashpa, manapish ayudai pudic runacunaman cungapac apancuna.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

ISAÍAS 40:9

Alli huillaita huillac Sión urculla, jatun lomaman huichai riyari. Alli huillaita huillac Jerusalén llactalla, sinchita caparishpa huillaiyari. Judá llactapi tiyac llactacunapi causaccunata sinchita caparishpa: «¡Cancunapac Diosta ricuichic. Paica caipimi!» nichicyari.

ISAÍAS 43:11

Ñucallami Mandac Dios cani. Ñucallami quishpichicca cani.

ISAÍAS 43:3

Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

ISAÍAS 52:7

¡Cushichic alli huillaita huillangapac jahua urcuta callpashpa shamuc runaca sumacmari! Chai runaca cushi causaimantapish, quishpirinamantapish, imapish allicunallatami huillan. Sionpi causaccunamanpish: «¡Cancunapac Diosmi mandagrin!» nishpami huillan.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 62:11

Mandac Diosca tucui cai pacha tucuri punzhacunapi causaccunataca: «Sión urcupi causaccunataca: “¡Cancunata quishpichicca ñami shamun! ¡Cancunaman cunatami apamun! ¡Pai ruhuashcacunaca ñaupashpami shamun!” nishpa huillaichic» nirca.

JEREMÍAS 30:9

Ashtahuanpish Mandac Dios ñucata, jatun mandac Davidtami servinga. Paitami mandac cachun churasha» nini.

EZEQUIEL 21:32

Cancunaca nina japichina chaquishca cupa shinami tucunguichic. Cancunapac yahuarca allpa chaupipimi saquiringa. Cancunamantaca ima yuyarinapish mana tiyangachu. Chaitaca Mandac Dios ñucami nini” ninmi ningui» nirca.

OSEAS 1:7

Ashtahuanpish Judá llactapi causaccunataca Mandac Dios ñucallatacmi llaquishpa quishpichisha. Ashtahuanpish mana arcohuan, mana jatun macanacuihuan, mana caballopi ric soldadocunahuanchu quishpichisha» nirca.

MIQUEAS 4:8

Ovejacuna shayana jatun torre shina Jerusalenlla, Sionpi causaccunapac sinchi torre shinami cangui. Utcapi shinallatacmi Jerusalenpi causaccunataca mandangui» ninmi.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

ZACARÍAS 2:10

Mandac Diosca: «Sión llactapi causaccunalla, ñucaca cancunapac chaupipi causangapacmi shamuni. Chaimanta cushicushpa cantaichicyari.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

SAN MATEO 11:29

Yugota apac shina, ñucata catichic, ñucamanta yachacuichic. Ñucaca mana piñaric, alli shungumi cani. Samaringuichicmi.

SAN MATEO 2:2

Paicunaca: —¿Israelcunata mandangapac huacharishca huahuaca, maipitac? Ñucanchicca inti llucshina ladopi, huahua huacharishcata ricuchic lucerotami ricushpa, alli ningapac shamunchic— nirca.

MARCOS 11:7

Burrota Jesuspacman apamucpica, churanacunahuanmi sudarca. Ña sudashca burropimi, Jesusca montashpa rirca.

SAN LUCAS 24:27

Chashna nishpami, Moisés quillcashcamanta callarishpa, Dios ima nishcata tucui huillaccuna quillcashcacamanmi paimanta huillacushcata entendichirca.

SAN JUAN 1:49

Shina nicpimi Natanaelca: —¡Yachachic, canca Diospac Churimi cangui, israelcunata Jatun Mandacpishmi cangui!— nirca.

SAN JUAN 19:15

Shina nicpipish paicunaca: —¡Chacatailla, chacatailla!— nishpami caparircacuna. Shina caparicpimi Pilatoca: —¿Cancunata Jatun Mandactachu chacatachun ninguichic?— nirca. Shina nicpimi, curacunata mandac curacunaca: —Jatun mandac Cesarllatami charinchic. Shuctac mandactaca mana charinchicchu— nirca.

JUECES 10:4

Paica quimsa chunga churicunatami charirca. Chai churicunaca quimsa chunga burrocunapi montashpami puric carca. Shinallatac quimsa chunga pueblocunatami charirca. Chai pueblotaca cunancamanmi Jair pueblocuna nishpa cayan. Chai pueblocunaca Galaad llactapimi.