ZACARÍAS 9:17 - Dios Rimashcata Quillcashcami

¹⁷ ¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

ZACARÍAS 9:17 ပူးပေါင်းရင်းမြစ်များ

SALMOS 144:12

Ñucanchic churicunaca cunanlla huiñacuc yuracuna shina huiñachun. Ñucanchic ushicunapish mandana huasi pilarcuna shina sumac ricunalla cachun.

SALMOS 145:7

Can yallita cuyac cashcatami yuyarishpa huillangacuna. Cashcata ruhuashcamantami cantangacuna.

SALMOS 27:4

Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.

SALMOS 31:19

¡Canta manchaccunapacca mai allimi cangui! Paicunataca yallitami cuyangui. Huañunalla gentecunapac ñaupapimi chai cuyaitaca canta shuyaccunaman ricuchishcangui.

SALMOS 36:7

¡Mandac Dioslla, cambac cuyaica mai sumacmari! Chaimantami huañuclla aichayuc runacunaca cambac alas ucupi miticuncuna.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

SALMOS 50:2

Tucuita yalli sumac Sión urcumantami Diosca achicyachishca.

SALMOS 86:15

Shina cacpipish, Mandac Diosca llaquic, cuyac Diosmi cangui. Mana utca piñaric, yallita cuyacpish, cashcata nicpish canguimi.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

SALMOS 90:17

Ñucanchicta Mandac Dioslla, cambac cuyaica ñucanchic-huan cashca cachun. Ñucanchic maquihuan tucui ima ruhuashcapish, ama yanga cachun. Tucui ima ruhuanapipish alli cashca cachun.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

CANTARES 5:10

Ñuca cuyashcaca yuranllami. Ñahuipish pucallami. Chunga huaranga runacunapac chaupipi cashpapish ricsillami.

CANTARES 7:9

Cambac shimica cambac cuyashcapac shimipi alli vino yaicucuc shina cachun. Shimitapish, quirutapish vino yaicuc shina cachun.

ISAÍAS 33:17

Cambac ñahuihuanmi Jatun Mandactaca sumaimana tiyacucta ricungui. Llactatapish mai carucaman cashcatami ricungui.

ISAÍAS 63:15

Jahua pachamanta ñucanchicta ricuiyari. Can causana, cambaclla sumaimana huasimanta chapaiyari. ¿Maipitac cambac jatun cuyaica? ¿Maipitac cambac poderca? ¿Maipitac ñucanchicta tucui shunguhuan llaquichicca? ¿Manachu llaquingui?

ISAÍAS 63:7

Mandac Dios yallita llaquic cashcata yuyarishami. Shinallatac Mandac Dios ñucanchicman mai sumaccunata ruhuashcamanta alli nina cashcatapish yuyarinimi. Mandac Diosca yallita llaquic cashcamanta, pai yallita cuyac cashcamantami israelcunamanca cai tucui allicunata ruhuashca.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

JEREMÍAS 31:14

Curacunatapish, ñuca acllashcacunatapish alli micunata cushpami cushichisha» ninmi.

JOEL 2:26

Cancunaca mana nictami micunguichic. Cancunata Mandac Dios ñucapac shutitapish “Allimari” cangui, ninguichicmi. Ñucami cancunamanca mai allicunata ruhuasha. Ñuca acllashcacunaca jaicapi mana pingaichishcachu canga.

JOEL 3:18

Chai punzhapica urcucunamantami mishqui vino llucshinga. Lomacunamantaca lechemi talliringa. Judá llactataca achca toma yacumi callpanga. Mandac Dios ñucapac huasimanta yacu llucshishpami, Sitim pugru pambata parcunga.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 3:16

Diosca cai pachapi causaccunata yallita cuyashpami, paipac shuclla Churita cai pachaman cacharca. Pipish paita cricca ama chingarichun, ashtahuanpish huiñai causaita charichunmi, chashnaca cacharca.

ROMANOS 5:20

Mandashcacunaca jucha ashtahuan mirarichunmi churashca carca. Chashna jucha miraricpica, Diosca ashtahuanmi cuyaita ricuchirca.

ROMANOS 5:8

Ashtahuanpish Diosca ñucanchic juchayuc cacpipish, Cristota ñucanchicmanta huañuchun cachashpami, cuyac cashcata ricuchin.