ZACARÍAS 9:15 - Dios Rimashcata Quillcashcami

¹⁵ Tucuita Mandac Diosmi paicunataca ayudanga. Chaimantami paicunaca, paicunata piñaccunataca tucui tucuchishpa, huaraca rumicunatapish sarunacunga. Vinota ubiac shinami yahuarta ubianga. Tazonpi jundachishca shina, gachucuna altarpi yahuarta jundachishca shinami ruhuanga.

ZACARÍAS 9:15 ပူးပေါင်းရင်းမြစ်များ

JOB 41:28

Flechacunapish paitaca mana manchachinchu. Huaracahuan shitacpipish, rumica ucsha shinallami japin.

SALMOS 78:65

Shina cacpipish, Mandac Diosca sueñuimanta riccharic shinami jatarirca. Shuc macanacuc runa mishashpa caparic shinami caparirca.

ÉXODO 27:2

Chai altar chuscu esquinapica chuscu gachuta ruhuangui. Chai gachucunaca altarhuan shuc shinalla ruhuashcami canga. Chai altar jahuataca broncehuan cahuingui.

CANTARES 1:4

Ñucata pushaiyari. Cantaca catishpa callpashunllami. Jatun mandacmi paipac huasiman aparca. ¡Canhuanca yallita sumacta cushicushun! Can cuyashcataca, vinotapish yallimi yuyaricushun. Chaimantami cantaca cuyancuna.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

CANTARES 7:9

Cambac shimica cambac cuyashcapac shimipi alli vino yaicucuc shina cachun. Shimitapish, quirutapish vino yaicuc shina cachun.

ISAÍAS 37:35

Ñucallatac cuyarishcamanta, ñucata servic Davidta cuyashcamantami cai llactapi causaccunata ayudashpa quishpichisha” ninimi» nirca.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

LEVÍTICO 4:18

Chai yahuarllatatacmi Dios-huan tupana huasipi cac Mandac Diospac ñaupapi tiyac altar gachucunapi chirapanga. Cutin puchutaca Dios-huan tupana huasi yaicunapi Diosman cushpa, tucui rupachina altar chaquipimi tallinga.

LEVÍTICO 4:25

Chai juchamanta cushpa huañuchishca yahuartaca curami maqui dedohuan apashpa, Diosman cushpa, tucuita rupachina altar gachucunapi cahuinga. Chai puchu yahuartaca chai altar chaquipimi tallinga.

LEVÍTICO 4:7

Curallatacmi asha yahuarta japishpa, Dios-huan tupana huasi ucupi tiyac mishquilla ashnacuc incienso rupachina altar gachucunapi cahuinga. Puchushca yahuartaca Dios-huan tupana huasi yaicunapi tiyac tucui rupachina altar chaquipi tallinga.

MIQUEAS 5:8

Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.

ZACARÍAS 10:5

Mandac Dios ñucami paicunahuanca casha. Chaimantami paicunaca sinchi soldado piñaccunata saruc shina sinchi runacuna canga. Caballocunapi ric soldadocunaca pingaichishcami canga.

ZACARÍAS 10:7

Efraín ailluca yallita sinchi runacuna shinami canga. Vinota ubiashpa cushicuc shinami shungupi yallita cushicunga. Paicunapac churicunaca chaita ricushpami, Mandac Diosmanta tucui shunguhuan cushicunga.

ZACARÍAS 12:6

Chai punzhapica Judá llacta mandaccunataca ninapi churana fierrota shinata, trigo chagra chaupipi antorcha japiricuc shinatami ruhuasha. Shina ruhuacpimi, muyundi llactacunataca alli ladopi causaccunatapish, lluqui ladopi causaccunatapish tucuchinga. Ashtahuanpish Jerusalenpi causaccunaca paicuna causashcallapitacmi causacunga.

ZACARÍAS 12:8

Chai punzhapica Mandac Dios ñucami Jerusalenpi causaccunataca cuidasha. Chaimantami paicunapuramanta maijan fuerza illacca jatun mandac David shina sinchi canga. Cutin Davidpac huahuapuramantaca Dios shina, Mandac Dios ñucapac ángel shinami, paicunapac ñaupapica canga.

ZACARÍAS 14:20

Chai punzhapica caballocunapi churashca campanillapica: «Mandac Diospac chicanyachishcami» nishpa quillcashcami canga. Chaitami aparishca puringa. Diospac huasipi tiyac mangacunapish altar ladopi tiyacuc jatun lavacaracuna shinallatacmi canga.

ZACARÍAS 14:3

Chai quipami Mandac Diosca jatun macanacuipi macanacuc shina, chai llaquichic llactacunahuan macanacungapac llucshinga.

ZACARÍAS 2:9

Mandac Diosca: «Ñuca cancunata piñashpa, llaquichicpica, quiquin serviccunallatacmi ima charishca quichushpa llaquichinga» ninmi. Chashna ruhuacpimi, ñucataca Mandac Dios cachashcata yachanguichic.

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

1 CORINTIOS 1:18

Cristo cruzpi huañushcata huillashcaca, pucllashca shinami chingarinaman riccunamanca ricurin. Ashtahuanpish ñucanchic quishpirinaman riccunamanca, Diosca poderyuc cashcatami ricuchin.

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu junda caichic.

1 SAMUEL 17:45

Chaimantami Davidca chai filisteotaca: —Canca ñucahuan macanacungapacca espadahuan, uchilla lanzahuan, jatun lanzallahuanmi shamungui. Ashtahuanpish ñucaca tucuita Mandac Dios, Israel soldadocunapac Mandac Diospac shutipimi canhuan macanacungapac shamuni. Canca chai Diostami rimarishpa piñachircangui.