ZACARÍAS 8:21 - Dios Rimashcata Quillcashcami

²¹ Shuc llactapi causaccuna, shuctac llactaman rishpaca: “¡Ñucanchic-huan alli cachun Mandac Diosta jacuchic mañashun, tucuita Mandac Diosta servishun! ¡Ñucapish cancunahuanmi rishami!” ningami.

ZACARÍAS 8:21 ပူးပေါင်းရင်းမြစ်များ

2 CRÓNICAS 11:16

Levitacunapac huashataca israelcunata Mandac Diosta tucui shunguhuan catinata munac gentecunami tucui Israel aillupuramanta Jerusalenman shamurca. Paicunaca ñaupa taitacunapac Mandac Diosman animalcunata cushpa huañuchingapacmi Jerusalenman shamurcacuna.

SALMOS 103:22

¡Mandac Diostaca tucui pai ruhuashcacuna alli nichicyari! Tucui ima tiyactaca paimi mandacun. ¡Ñuca almalla, Mandac Diosta alli niyari!

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

JEREMÍAS 31:6

Cuidaccuna Efraín urcupi: ‘¡Mandac Diospacman jacuchic! ¡Sión urcuman huichai rishunchic!’ nishpa, caparina punzhacuna chayamungami” nircani» ninmi.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

ZACARÍAS 7:2

Chai punzhacunami Bet-el llactapi causaccunaca Sarezertapish, Regem-melectapish, paicunapac runacunandi, Mandac Diosta mañachun cacharca.

ZACARÍAS 8:22

Shina nishpami, llactapi causaccunapish, jatun llactacunapi causaccunapish tucuita Mandac Diosta Jerusalenpi mañangapac, servingapac shamunga. Chashnami Mandac Diostaca allita ruhuachun mañangapac shamunga.

SAN JUAN 1:37

Juanpac ishcai yachacuccuna chaita uyashpaca, Jesusta catishpa rircami.