ZACARÍAS 8:19 - Dios Rimashcata Quillcashcami

¹⁹ «Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.

ZACARÍAS 8:19 ပူးပေါင်းရင်းမြစ်များ

2 REYES 25:1

Sedequías Judá llactata iscun huata chunga quilla chunga punzhata mandacucpimi, jatun mandac Nabucodonosorca paipac tucui soldadocunahuan Jerusalenman shamurca. Chashna shamushpaca, tucui pueblo muyunditami torrecunata macanacungapac shayachirca.

2 REYES 25:25

Ashtahuanpish chai huata canchis quillapimi jatun mandacpac huahua huahuapuramanta Ismaelca chunga runacunahuan Mizpa puebloman rishpa Gedaliasta huañuchishpa, chaipi causacuc Judá llacta runacunatapish, caldeocunatapish huañuchirca. Ismaelca Netaniaspac churimi carca. Nataniasca Elisamapac churimi carca.

ESTER 8:17

Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.

ESTER 9:22

Chai punzhacunapimi Judá gentecunaca paicunata piñaccunamanta quishpirishpa samarirca. Chai quillapimi llaquilla caccunaca cushilla tucurca. Huacaihuan caccunaca cushicushpa fiestata ruhuarca. Chai punzhata yuyarishpa jatun micuita ruhuashpa cushicuchun, ladollapi causaccunaman, imata mana chariccunaman ima charishcacunata caranacuchunmi mandashpa cacharca.

SALMOS 30:11

Ñuca llaquitaca cushicushpa danzanatami ruhuashcangui. Llaquipi sharpa churanata llucchichishpami, cushipi churarinata churachishcangui.

SALMOS 34:15

Mandac Diosca cashcata ruhuaccunataca paipac ñahuihuanmi ricuracun. Paicuna caparishpa mañashcatapish uyaracunmi.

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

JEREMÍAS 36:6

Chaimanta ayunana punzhapi, Mandac Diosta mañana huasiman yaicushpa, ñuca carapi quillcashca Mandac Dios rimashcata gentecunaman rezashpa uyachingui. Tucui Judá llactacunamanta shamushcacunamanpish rezashpa uyachingui.

JEREMÍAS 39:2

Jatun mandac Sedequías chunga shuc huata, chuscu quilla, iscun punzhata mandacucpimi, Jerusalén muyundi jatun pircata tigrachishpa,

JEREMÍAS 52:4

Sedequías ña iscun huata, chunga quilla, chunga punzhata mandacucpimi, Babilonia llactata jatun mandac Nabucodonosorca Sedequías mana cazushpa piñachishcamanta Jerusalenta llaquichingapac shamurca. Chashna shamushpami, chai llacta muyundipi carpacunata shayachishpa, macanacuna pushtucunata allichirca.

EZEQUIEL 18:8

Cullquita mañachishpapish interestaca mana japinchu. Pitapish mana millaita ruhuanchu. Runacunapura piñanacucucpipish, cashcata ruhuashpami allichin.

EZEQUIEL 24:1

Iscun huata, chunga quilla, chunga punzhapi Mandac Dios ñucata rimashpaca:

ZACARÍAS 7:3

Shinallatac tucuita Mandac Diospac huasipi causac curacunaman, Dios ima nishcata huillaccunaman: «¿Ñaupa huatacunapi shinallatac pichca quilla chayacpica, llaquilla tucushpa ayunanachu canchic?» nishpa tapuchunpishmi cacharca.

ZACARÍAS 7:5

«Cai llactapi tucui causaccunatapish, curacunatapish rimashpaca: “Cancuna cai canchis chunga huatacunata, pichca quillapi, canchis quillapi llaquilla tucushpa, ayunashpaca, ¿ñucata yuyarishpachu ayunarcanguichic?

ZACARÍAS 8:16

Cancunaca caicunatami ruhuana canguichic: Caishuc-huan chaishuc-huan cashcallata parlaichic. Cashcallata ruhuashpa taripaichic. Chashna ruhuashpami cushilla causanguichic.

ZACARÍAS 8:18

Tucuita Mandac Dios cutin ñucata rimashpaca:

ZACARÍAS 8:3

Ñucaca Sionman cutimushpami, Jerusalén chaupipi causasha. Jerusalenca cashcata nic llacta nishcami canga. Tucuita Mandac Dios ñucapaclla Sión urcuca ñucapaclla chicanyachishca urcumi canga.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.