ZACARÍAS 8:17 - Dios Rimashcata Quillcashcami

¹⁷ Ama cancunapac shungupi shuccunata mana allita yuyaichicchu. Ama llullashpa ari nichicchu. Ñucaca tucui chaicunatami piñani» ninmi.

ZACARÍAS 8:17 ပူးပေါင်းရင်းမြစ်များ

SALMOS 10:3

Millaita ruhuacca paipac shungu munashcata ruhuashpami cushicun. Charinallata munactaca alli ninmi, Mandac Diostaca mana ricunayachinchu.

SALMOS 101:3

Mana alli ruhuanataca ricunallatapish mana ricushachu. Diosmanta anchurishpa millaita ruhuanataca manatac ricunayachishachu. Paicunapuramantaca pipish ñucapacmanca mana cuchuyangachu.

PROVERBIOS 3:29

Maijan canpi shunguta churashpa causacpica, ama paita llaquichinguichu.

PROVERBIOS 6:14

Paipac shungupica mana allita ruhuana yuyaimi tiyan. Tucui causaipimi ima llaquita ruhuanallata, piñanacuipi churanallata yuyarishpa purin.

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

JEREMÍAS 44:4

Ñuca, ñuca ima nishcata huillac serviccunata cutin cutin huillachun cachashpaca: “¡Cai millana juchacunataca ama ruhuaichicchu, chaitaca mana ricunayanchu!” nishpami huillachircani.

HABACUC 1:13

Canca jucha illac cashpami, millaitaca mana ricusha ningui. Ima mana allitapish mana ricusha ninguichu. ¿Ima nishpatac mana cazuccunataca ricucunguilla? ¿Ima nishpatac canta mana manchac runa cashcata ruhuac runata llaquichicucta ricucunguilla?

ZACARÍAS 7:10

Viuda huarmitapish, taita mama illactapish, caru llacta runatapish, huacchatapish ama llaquichinguichicchu. Ama quiquin huauquicunata ucu shungupi piñanguichicchu” nini» nirca.

ZACARÍAS 8:18

Tucuita Mandac Dios cutin ñucata rimashpaca:

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

SAN MATEO 12:35

Alli runaca paipac shungupi alli yuyai tiyashcamantami, allita riman. Mana alli runaca paipac shungupi millai tiyashcamantami, mana allita riman.

SAN MATEO 15:19

Shungumantami millai yuyaicuna llucshin. Chaimantami huañuchincuna, huainayancuna, ima millaita ruhuancuna, shuhuancuna, llullancuna, millaita rimancuna.

SAN MATEO 5:28

Ashtahuanpish ñucaca: Maijanpish shuc huarmita munashpaca, paipac shungupica ña huainayanmi.