ZACARÍAS 8:15 - Dios Rimashcata Quillcashcami

¹⁵ Ashtahuanpish cunan punzhacunapica Jerusalenpi causaccunamanpish, Judá llactapi causaccunamanpish allita ruhuanatami yuyarircani. Chaimanta ama manchaichicchu.

ZACARÍAS 8:15 ပူးပေါင်းရင်းမြစ်များ

JEREMÍAS 31:28

Ima shinami paicunata sapimanta pilac shina anchuchinata, urmachinata, llaquichinata, tucui chingachinata munarcani. Chashnallatacmi allichishpa shayachinata, tarpuc shina cutin callarichinata munani.

JEREMÍAS 32:42

Mandac Dios ñucaca: Cai llactapi causaccunata llaquichishca shinallatacmi tucui paicunamanca allicunata ruhuasha.

HAGEO 2:5

Egipto llactamanta cancunata llucshicushpa, cancunahuan ari nishca shinallatacmi ñuca espirituca cancunapac chaupipi canga. Chaimanta ama manchanguichicchu.

ZACARÍAS 8:13

Judá llactapi causaccunalla, israelcunalla, shuctac llactacunapac mana alli nishcami causarcanguichic. Shina cacpipish, chai llaquimanta quishpichishpami bendiciasha. ¡Ama manchaichicchu! ¡Cushicuichic!

SAN LUCAS 12:32

Cancunaca ashalla ovejacuna shina cashpapish ama manchaichicchu. Diosmi cushicushpa cancunahuan mandasha nicun.