ZACARÍAS 8:13 - Dios Rimashcata Quillcashcami

¹³ Judá llactapi causaccunalla, israelcunalla, shuctac llactacunapac mana alli nishcami causarcanguichic. Shina cacpipish, chai llaquimanta quishpichishpami bendiciasha. ¡Ama manchaichicchu! ¡Cushicuichic!

ZACARÍAS 8:13 ပူးပေါင်းရင်းမြစ်များ

GÉNESIS 26:4

Cambac huahua huahuacunataca jahua pacha lucerocunata shinami mirachishpa, tucui cai allpacunata cusha. Cambac huahua huahuacunamantami tucui cai pachapi causaccunataca bendiciasha.

SALMOS 44:16

Ñucata piñaccuna tucuchina munaihuan caparishpa, mapa shimicunahuan camishpa llaquichicpimi llaquihuan purini.

SALMOS 72:17

Jatun mandacpac shutica huiñaitami causanga. Inti tiyashcacaman paipac shutica alli nishcami canga. Paimantami tucui shuctac llactapi causaccunaca bendiciashca canga. Paicunaca yallita cushicushpami alli ningacuna.

SALMOS 79:4

Ñucanchic vecinocunapac camishcami canchic. Ñucanchic muyundi llactapi causaccunapac burlashpa asishcami canchic.

ISAÍAS 43:28

Chaimantami ñucapaclla huasipi mandaccunataca cumurichircani. Jacobopac huahua huahuatapish llaquipi churashpa, israelcunataca yangallata ruhuarcani.

JEREMÍAS 24:9

Paicunataca tucui llactacunapi causaccuna asichun, mancharishpa parlanacuchun, yuyarina parlocunata paicunamanta llucchishpa, burlachunmi saquisha. Chashnami mai llactaman ñuca cachacpipish, llaqui tucunga.

JEREMÍAS 25:18

Chashnami Jerusalenpipish, Judá llactacunapipish apashpa, jatun mandaccunaman, caishuc mandaccunaman ubiachun curcani. Chashna cucpimi, cunan shinallatac pipish mana cazushca, burlashca, mana alli nishca saquirirca.

JEREMÍAS 26:6

ima shinami Silo llactata tucuchircani, chashnallatacmi ruhuasha. Shinallatac tucui cai pachapi causaccuna, mana alli nishpa rimachunmi churasha” ninmi ningui» nirca.

JEREMÍAS 29:18

Jatun macanacuipi yarcaihuan, jatun ungüihuanmi catipi llaquichisha. Tucui cai pachapi tiyac llactacunapi causaccunami paicunata burlashpa, ima llaqui tucushpachari alli canman ningacuna. Shinallatac paicunata shuctac llactaman ñuca llucchishpa cachacpica, paicunata ricushpaca mancharishpa pingaichingacunami.

JEREMÍAS 33:24

«Gentecuna: “Mandac Diosca ishcai aillucunata acllashpapish, shitashcami” nishpa rimaricuctaca, ¿manachu uyangui? Chashna nishpaca mana ñuca acllashcacuna cashcatami yuyan.

JEREMÍAS 42:18

Israelcunapac tucuita Mandac Diosca: Ima shinami ñuca nina japiric shina piñarishpa Jerusalenpi causaccunata yallita llaquichircani, chashnallatacmi Egipto llactaman riccunatapish llaquichisha. Chaipimi cancunaca mana alli nishcapish, pingaichishcapish, tucuipac mancharinapish causanguichic. Cai llactataca mana cutin ricunguichicchu ninmi.

JEREMÍAS 44:12

Egipto llactaman rishpa, chaipi causac puchushca Judá gentecunaca tucuimi tucuchishca canga. Tucui paicunami jatun macanacuipi yarcaihuan huañushpa tucuringa. Cashnami uchillamanta callarishpa yuyaccunacaman tucuringa. Tucuipac mana alli nishca, tucuipac mancharina, burlanami tucunga.

JEREMÍAS 44:22

Mandac Diosca cancuna yalli mana allicunata, millana mapacunata ruhuashpa causacucpimi, ña mana ashtahuan ricusha nirca. Chaimantami cancunapac llactaca tucuipac mancharina, mana alli nishca, shuc runallapish mana tiyac saquirishca. Cunan punzhacamanmi chashna shitashca saquirishca.

LAMENTACIONES 4:15

Gentecuna paicunata ricushpaca: «¡Mapayashcacuna anchurichic! ¡Anchurichic, ama tuparichicchu!» nishpami caparirca. Caita, chaita miticushpa ricpi, chai llactapi causaccunaca: «¡Caipica mana causai pudinguichicchu!» nircami.

EZEQUIEL 34:26

Paicunataca muyundi sumac urcucunapimi causachun churasha. Tamyana punzhacunapimi tamyachisha. Chai tamyahuanmi achca allicunata japinga.

EZEQUIEL 37:11

Mandac Dios cutinllatac rimashpaca: «Huañunalla runa, cai tullucunaca israelcunami. Paicunaca: “Ñucanchic tullucunaca chaquishcami. Ñucanchicca ima shuyanatapish mana charinchicchu. Tucuimi tucurishcanchic” nincunami.

EZEQUIEL 5:15

Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

DANIEL 9:11

Tucui israelcunami can mandashcata mana cazushcanchicchu, cambac rimashcata mana uyashcanchicchu, juchallishcanchicmi. Chaimantami cai llaquicunapish, canta servic Moisés mandashpa ari nishcapish ñucanchicta llaquichicun.

MIQUEAS 5:7

Maijan saquirishca Jacobopac huahuacunapuramanta saquirishcaca Mandac Dios cachashca páramo shina, quihuapi urmacuc tamya shinami canga. Paicunaca mana huañuclla runatachu shuyanga. Ashtahuanpish Mandac Diosmantami japinga.

SOFONÍAS 3:16

Chai punzhapica Jerusalenpi causaccunataca: “¡Sión llactalla, ama manchaichicchu, cancunapac maquipish ama fuerza illac saquirichun!” ningami.

SOFONÍAS 3:20

Cancuna ricucucpi, prezumanta llucchimushpaca, tucui cai pacha llactacunapi causaccunapac ricsishca, alli nishca cachunmi ruhuasha» ninmi. Chaitaca Mandac Diosmi nin.

HAGEO 2:19

¿Cancunapac tarpuna muyucunaca tiyanchu? Uvaspish, higopish, granadillapish, olivos yurapish manarac sisanchu. Ashtahuanpish cunan punzhamanta pachami bendiciasha» ninmi.

HAGEO 2:5

Egipto llactamanta cancunata llucshicushpa, cancunahuan ari nishca shinallatacmi ñuca espirituca cancunapac chaupipi canga. Chaimanta ama manchanguichicchu.

ZACARÍAS 1:19

Chaita ricushpami, ñucahuan parlac angeltaca: —¿Imatac chaicunaca?— nircani. Shina nicpimi, chai angelca: —Chaicunaca Judá llactapi causaccunatapish, israelcunatapish, Jerusalenpi causaccunatapish caiman, chaiman shic-huashpa cachac gachucunami— nirca.

ZACARÍAS 14:11

Chaipimi causanga. Jerusalenca mana ashtahuan tucuchishcachu canga. Ashtahuanpish chaipica mana manchashpami cushilla causanga.

ZACARÍAS 8:15

Ashtahuanpish cunan punzhacunapica Jerusalenpi causaccunamanpish, Judá llactapi causaccunamanpish allita ruhuanatami yuyarircani. Chaimanta ama manchaichicchu.

ZACARÍAS 8:9

Tucuita Mandac Diosca: «Ñucapac huasita shayachingapac callari rumita churashca punzhamanta pacha ñuca ima nishcata huillaccuna rimashcata uyaccuna sinchiyaichic.

ZACARÍAS 9:13

Judá llactapi causaccunataca ñuca arco shina cachunmi allichisha. Efraín aillutaca flecha shinatami ruhuasha. Sionpi causaccunataca paicunata piña runacunapac espada shinatami ruhuasha. Cancunapac churicunamanca Grecia llactapi causaccunata llaquichichunmi macana yuyaita cusha.

1 CORINTIOS 16:13

Tucui shunguhuan crishpa, mana manchashpa, alli sinchiyashpa chaparacuichic.

GÁLATAS 3:14

Taita Abrahamman Dios allicunata cusha nishcata Jesucristomanta mana israelcunapish chasquichun, shinallatac Dios cusha nishca Espirituta ñucanchic crishcamanta chasquichunmi, chashnaca tucurca.

DEUTERONOMIO 26:19

Cancunataca tucui pai ruhuashca llactacunamanta ashtahuan yalli cachun, tucuipac ricsishca, tucuipac alli nishca llacta cachunmi Mandac Diosca pai munashca shina acllashca ninguichic» nirca.

DEUTERONOMIO 28:37

Mandac Dios mai llactacunaman apacpipish, chai llactapi causaccunapac burlashcalla, asishcallami canguichic.