ZACARÍAS 8:12 - Dios Rimashcata Quillcashcami

¹² Ashtahuanpish paicunapacca cushi causaica muyuta tarpushca shinami canga. Uvaspish achcami pucunga, allpapipish achca granomi pucunga, jahua pachaca tamyatami cachanga. Chai tucui allicunataca maijan saquirishcacunamanmi cusha.

ZACARÍAS 8:12 ပူးပေါင်းရင်းမြစ်များ

GÉNESIS 26:12

Isaacca chai llactapimi tarpushpa causarca. Mandac Dios bendiciacpimi, chai huataca shuc granomanta patsac granota tandarca.

GÉNESIS 27:28

Dios jahua pachamanta allpapi tamyachishpa pucuchichun. Achca trigotapish, achca vinotapish canman cuchun.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

SALMOS 72:3

Urcucunapish can acllashcacunamanca sumacta cushilla causaitami cunga. Lomacunaca cashcata ruhuanatami cunga.

SALMOS 85:12

Mandac Diosmi, ñucanchic allpacunamanca allicunata cunga. Chaimantaca alli granotami pucunga.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

ISAÍAS 30:23

Shina ruhuacpimi, Mandac Diosca cancuna tarpucpipish, chai tarpushcaman tamyata cachanga. Chai tamyahuanmi allpacunaca sumac grano pucunga. Chai punzhapica cancunapac animalcunatapish sumac quihua pambapimi michinguichic.

ISAÍAS 61:7

Yallita pingaichishca, mana alli nishca canapac randica, ishcai cutin yalli herenciatami japinguichic. Pingaichishca canapac randica, chai herenciamantami yallita cushicunguichic. Cancunapac llactapica chai herenciatapish japishpami, huiñaita cushilla canguichic.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

EZEQUIEL 34:28

Shuctac llactapi causaccunapish ña mana ashtahuan servichishpa llaquichingachu. Cai allpapi tiyac millai animalcunapish mana micungachu. Pipish mana llaquichingachu. Chaimantami imata mana manchashpa causanga.

EZEQUIEL 36:12

Ucucunapica ñuca acllashca israelcunatami purichisha. Israel urcucunaca cancunaman cushcami canga. Huahuacunatapish ña mana cutin huañuchinguichu.

EZEQUIEL 36:30

Shuctac llacta gentecuna cancuna yarcaihuan cacpi, jaicapi ama rimachunmi yuracunapi pucuc, allpa ucupi pucuc granocunatapish achcata pucuchisha.

EZEQUIEL 36:9

Riquichic, ñucaca cancunata cuidacunimi. Gentecuna cancunapacman cutimushpa, yapushpa tarpungami.

OSEAS 13:3

Chaimantami tutamanta puyu llucshishpa chingaric shina, pacarimucta tamya urmashpa chaquic shina, trillana pambamanta tamota huaira apacuc shina, huasi ventanamanta cushni llucshishpa chingaric shina chingaringa.

OSEAS 14:5

Ñucami israelcunapacca tamya shina casha. Paicunaca lirio sisa shinami canga. Líbano urcupi tiyac cedro yura shinami sapiyanga.

JOEL 2:19

Mandac Diosca paicuna mañashcata uyashpaca: «Ñuca micunatapish, llullu vinotapish, aceitetapish cucpi, mana nicta micunguichicmi. Llactacunapi burlashpa pingaichichunpish mana saquishachu.

JOEL 2:22

Sacha animalcunapish ama manchaichicchu. Quihuapish cutinmi verdiyanga. Yuracunapish cutinmi pucunga, higopish, uvaspish achcami pucunga.

LEVÍTICO 26:3

Ñuca yachachishca shina causashpa, ñuca mandashcacunatapish cazucpica,

SOFONÍAS 3:13

Saquirishca israelcunaca ima mana allita mana ruhuangachu, mana llullangachu. Llullashpa pita mana umangachu. Paicunata allita michicpimi, imatapish mana manchashpa, cushilla causanga» ninmi.

HAGEO 1:10

Cancuna chashna ruhuashcamantami jahua pachapish tamyata mana ashtahuan cacharca. Allpapipish mana ashtahuan pucurcachu.

HAGEO 2:18

Cunan punzhamanta pacha cancunapac shungupica allita yuyarichic. Cai iscun quilla, ishcai chunga chuscu punzhapi Mandac Dios ñucapac huasita ruhuashpa, rumicunata churai callarishca punzhamanta pacha cancunapac shungupi allita yuyarichic.

HAGEO 2:19

¿Cancunapac tarpuna muyucunaca tiyanchu? Uvaspish, higopish, granadillapish, olivos yurapish manarac sisanchu. Ashtahuanpish cunan punzhamanta pachami bendiciasha» ninmi.

ZACARÍAS 8:6

Chai punzhacunapica saquirishca gentecunamanca mancharinami ricuringa. Shina cacpipish, ñucamanca mana mancharinachu canga. Chaitaca Mandac Dios ñucami nini.

MALAQUÍAS 3:11

Cancunapac allpapi pucushca granocunatapish, uvas chagracunatapish langosta ama tucuchichunca, rimashpa jarcashami.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

1 CORINTIOS 3:21

Chaimantami maijanpish gentecuna yachachishcallapi shunguta churashpa caticushpaca, mana jatun tucunachu can. Tucui imapish cancunapacmi.

DEUTERONOMIO 32:2

Yachachishcaca tamya shinami chayanga. Ñuca rimashcaca shulla tamya shina, quihuapi garua tamya shinami urmanga.

DEUTERONOMIO 33:13

Josemanta nishpaca: «Mandac Dios allpaman jahua pachamanta tamyata cachashpa, allpa ucumanta yacuta llucchishpa bendiciachun.

DEUTERONOMIO 33:28

Israelca mana manchashpami causanga. Jacobomanta mirashca israelcunaca paicunallami grano allpapi, uvas chagra allpapi causanga. Jahua pachamanta urmac sumac garua tamyapish mana illangachu.

SANTIAGO 3:18

Maijanpish sumac causaita causachun munaccunaca, allita tarpushpa tandac shinami, cashcata ruhuashpa causanata japingacuna.