ZACARÍAS 7:5 - Dios Rimashcata Quillcashcami

⁵ «Cai llactapi tucui causaccunatapish, curacunatapish rimashpaca: “Cancuna cai canchis chunga huatacunata, pichca quillapi, canchis quillapi llaquilla tucushpa, ayunashpaca, ¿ñucata yuyarishpachu ayunarcanguichic?

ZACARÍAS 7:5 ပူးပေါင်းရင်းမြစ်များ

2 REYES 25:23

Babilonia llactata jatun mandacca Gedaliastami Judá llactapi saquirishca gentecunata mandac cachun churarca. Chashna churashcata soldadocunata mandaccuna shinallatac soldadocuna yachac chayashpaca, Mizpa pueblopimi tupangapac shamurca. Chai shamuccunaca Netaniaspac churi Ismael, Careapac churi Johanán, Netofa pueblomanta Tanhumetpac churi Seraías, Maaca pueblomanta shuc runapac churi Jaazaniasmi paicunapac soldadocunahuan shamurca.

2 REYES 25:25

Ashtahuanpish chai huata canchis quillapimi jatun mandacpac huahua huahuapuramanta Ismaelca chunga runacunahuan Mizpa puebloman rishpa Gedaliasta huañuchishpa, chaipi causacuc Judá llacta runacunatapish, caldeocunatapish huañuchirca. Ismaelca Netaniaspac churimi carca. Nataniasca Elisamapac churimi carca.

ISAÍAS 43:23

Ñucaman cushpa, rupachingapac animalta mana apamurcanguichicchu. Ñucata alli ningapac mana animalcunata curcanguichicchu. Ñucaca ofrendatapish mana mañashcanichu. Inciensota mañashpapish mana piñachircanichu.

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

JEREMÍAS 25:11

Tucui cai llactami manchaipac shitashca pamba canga. Cai llactapi causaccunaca canchis chunga huatatami Babilonia llactata jatun mandacta servinga.

JEREMÍAS 29:10

Cutinllatacmi Mandac Diosca: Cancuna Babilonia llactapi canchis chunga huata cacpimi, cancunata ricuc shamusha. Chaipimi ñuca huillashcata pactachishpa, cancunaman allita ruhuashpa, cai llactaman cutichimungapac risha.

JEREMÍAS 52:12

Jatun mandac Nabucodonosorca Babilonia llactata chunga iscun huata, pichca quilla, chunga punzhata mandacushpami paipac ñaupapi servishpa causac soldadocunapac mandac Nabuzaradanhuan Jerusalenman rirca.

DANIEL 9:2

Daniel ñucaca ima horascaman Jerusalén shitashca saquirinamanta Dios ima nishcata huillac Jeremiasman Mandac Dios huillashpa, quillcashca libropi rezarcani. Canchis chunga huatata chashna shitashca saquirinatami huillacurca.

OSEAS 7:14

Paicunaca camapi caparicushpapish, mana ñucatachu tucui shunguhuan mañarca. Trigota, llullu vinota tandachingapac chugririshpapish, ñucatami piñachirca.

ZACARÍAS 1:12

Shina nicpimi, Mandac Diospac angelca: —Tucuita Mandac Dioslla, Jerusalenpi, Judá llacta pueblocunapi causaccunahuanca canchis chunga huatacunatami piñashca cangui. ¿Ima horascamantac mana llaquishpa piñacunguilla?— nirca.

ZACARÍAS 7:3

Shinallatac tucuita Mandac Diospac huasipi causac curacunaman, Dios ima nishcata huillaccunaman: «¿Ñaupa huatacunapi shinallatac pichca quilla chayacpica, llaquilla tucushpa ayunanachu canchic?» nishpa tapuchunpishmi cacharca.

ZACARÍAS 7:4

Chaimantami tucuita Mandac Diosca ñucataca:

ZACARÍAS 7:6

Micushpapish, ubiashpapish, ¿manachu cancunallamantac ruhuarcanguichic?” ningui» nirca.

ZACARÍAS 8:19

«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.

SAN MATEO 23:5

Gentecunapac ricuillapimi imatapish ruhuac tucuncuna. Dios quillcachishcata huacaichina jatun cajacunatami frentepipish, rigrapipish apancuna. Jatun flecosyuc churanatami churashca purincuna.

SAN MATEO 6:16

Cancuna ayunashpaca, ama chai mishqui shimi, jayac shungucuna shina ayunanguichicchu. Paicunaca gentecuna ricuchunllami llaquilla ñahui tucushpa ayunan. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:2

Chaimanta can huacchacunata ayudashpaca tucuiman parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:5

Cancuna Diosta mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchunmi, plaza esquinacunapi, tandanacuna huasicunapi shayarishpa mañancuna. Chashna ruhuashpaca, cai pachapacllami alli nishca cancuna. Chaica chashnatacmi can.

1 CORINTIOS 10:31

Chaimanta imata micushpapish, imata ubiashpapish, imata ruhuashpapish, Dios alli nishca cachun ruhuaichic.

2 CORINTIOS 5:15

Cristoca cunan causaccuna ama paicuna quiquinpaclla causachun, ashtahuanpish paipaclla causachunmi tucuimanta huañurca. Chashnaca tucuipac allipacmi huañushpa causarirca.

COLOSENSES 3:23

Imata ruhuana cacpipish, ama gentecunapacta ruhuacushcata yuyaichicchu, ashtahuanpish Cristopacta ruhuacushcata yuyashpa, tucui shunguhuan ruhuaichic.