ZACARÍAS 6:8 - Dios Rimashcata Quillcashcami

⁸ Chai quipata ángel ñucata cayashpaca: —Riqui, jahua lado llactaman riccunaca chai llactapi ñuca piñarishcata chiriyachingapacmi rirca— nirca.

ZACARÍAS 6:8 ပူးပေါင်းရင်းမြစ်များ

ECLESIASTÉS 10:4

Mandac yallita canta piñacpipish, can imata ruhuacushcataca ama saquinguichu. Alli shungu runaca yallita piñarishcatapish parachinmi.

ISAÍAS 1:24

Chaimantami israelcunata sinchiyachic Mandac Diosca: «¡Ña chailla! ¡Cunanca ñucata piñaccunata llaquichishpatacmi cushicusha! Ñucata mana ricunayachiccunataca paicuna mana allita ruhuashca shinallatacmi llaquichisha.

ISAÍAS 48:14

Cancuna tandanacushpa uyaichic. Ruhuashcalla dioscunapuramanta, ¿pitac tucui caicunata huillacca tiyan? Mandac Dios ñuca cuyashca runami Babilonia llactataca ñuca munashcata ruhuanga. Paimi caldeocunataca mandanga.

EZEQUIEL 16:42

Shina ruhuashpami, ñuca yallita piñarishcataca pasachisha. Chaimantami canca ñucapaclla causangui. Chashnami ñuca samarisha.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

EZEQUIEL 24:13

Canca millaita ruhuashpami mapayarcangui. Ñuca cambac mapata pichasha nicpipish, canca manatac munarcanguichu. Canta llaquichishpa, ñuca yallita piñarishcata pasachingacaman manatac chuyayanguichu.

EZEQUIEL 5:13

Chashnami ñuca yallita piñarishcataca paicunata llaquichishpa pasachisha. Chashna llaquichishpa, shungupi cushicucpimi, Mandac Dios ñucaca ñucapaclla cachun munac cashcataca yachanga.

ZACARÍAS 1:15

Chaimantami chai imatapish mana yuyaric llactacunahuanca piñashca cani. Paicunaca ñuca ashallata piñashca cacpica, ashtahuanmi mana allita ruhuarca.

JUECES 15:7

Chaimantami Sansonca: —Cancuna chashna ruhuashcamantaca cancunatapish llaquichingacaman manatac samarishachu— nirca.

JUECES 8:3

Diosmi madianitacunata mandac Orebtapish, Zeebtapish cancunapac maquipi churashca. ¿Shina cacpica, cancuna ruhuashcahuan ricucpica, ñucaca imatac ruhuashcaniyari?— nirca. Chaita nishca quipami paicunaca Gedeonhuan piñarinataca saquirca.