ZACARÍAS 5:8 - Dios Rimashcata Quillcashcami

⁸ Chai angelca: —Cajón ucupi tiyacuc huarmica gentecunapac mana allita ruhuashcami— nirca. Shina nishpami, chai huarmitaca cajón ucullapitac churashpa, llashac plomohuan taparca.

ZACARÍAS 5:8 ပူးပေါင်းရင်းမြစ်များ

GÉNESIS 15:16

Cambac huahua huahuacunaca chuscu cutincaman huahua huahuacuna tucushca quipami, caiman cutimunga. Chaicamanca amorreocunaca manarac yalli millai tucungachu— nirca.

SALMOS 38:4

Ñuca millaita ruhuashcami ñucataca ñiticun. Jatun quipi shinami ñuca jahuapi llashacun.

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

LAMENTACIONES 1:14

Mandac Diosmi paipac maquihuan ñuca juchataca yugota shina, ñucapi huatarca. Yugota ñuca cungapi huatashpami, yallita irquiyachishpa llaquichirca. Ñucataca maita mana ati pudipac gentecunapac maquipimi churarca.

OSEAS 12:7

Efraín ailluca Canaán runacuna shinami, mana allita pezac balanzahuan randishpa catushpa, shuccunata llaquichishpa causan.

AMÓS 8:5

Cancunaca: «Trigota catungapac, ¿ima horastac quillaca tucuringayari? Shinallatac grano huacaichina ucumanta granota llucchishpa catungapac, ¿ima horastac samana punzha tucuringayari? Catuna punzhacuna chayamucpica, balanzatapish, medinacunatapish huacllichishpa catushpami achca cullquita japishun.

MIQUEAS 6:11

Mana allita pezac balanzatapish, mana allita medic bolsatapish, ¿allimi nishachu?

ZACARÍAS 5:7

Plomomanta ruhuashca tapata pascacpica, shuc huarmimi chai cajón chaupipi tiyacushca carca.

SAN MATEO 23:32

¡Cancunapac ñaupa taitacuna ruhuai callarishcataca tucuchichicyari!

1 TESALONICENSES 2:16

Mana israelcuna quishpirichun, ñucanchic huillashun nicpipish mana saquinchu. Chashnami ashtahuan juchayuc tucuncuna. Chaimantami Diosca yallita piñarishpa llaquichinga.